Urumea errekaren ertzeko zentral hidroelektrikoen egoera eta inpaktu ekologikoa aztertu dituzte Eli Pagola hernaniarrak eta Ainhoa Gutierrez donostiarrak, eta instalazio artistiko bat sortu dute bildutako materialarekin.

Oporrak Bakean programak hirurehun familia behar ditu udan, Araba, Bizkai eta Gipuzkoan haur sahararrak hartzeko; iaz bezala, Aitziber Malkorra Elordi eta bere familiarekin egongo da Ali Buia, Tolosan.

Bakarrik sentitzen diren adinekoei konpainia egiteko herritar sarea osatu nahian dabiltza herrian.

Kontsumoetan ere, gurasoek egiten dutenak seme-alabengan eragina duela esan du Amaia Barcenilla drogen abusuaren ikerketa eta prebentziorako Gipuzkoako elkarteko (Agipad) teknikariak. Era berean, gurasoek ere hainbat zalantza eta presio izaten dituztela adierazi du.