Abian da hondar gaineko Tolobolei Tolosako XIII. Boleibol Txapelketa; gaur izango da sailkapen faseko azken jardunaldia, eta bihar jokatuko dituzte kanporaketak eta finala.
Asteazkenetik larunbatera egingo dute Debako animaziozko filmen jaialdia. Tailerrak, kontzertuak eta hitzaldiak ere izango dira.
Aces Europa elkarteak izendatuta, Kirolaren Europako Hiria da Eibar aurten, beste hamabost hirirekin batera, 25.000 biztanletik 500.000ra artekoen mailan. Azaroan kongresu bat egingo dutela azaldu du Jon Iraola Eibarko alkateak.
Gipuzkoako DYAk mende erdia bete du, eta Irene Tapia lehendakariak esan du "bigarren aro" moduko baten atarian daudela gaur egun. Ugaritu egin dira gizarte ongizateari lotutako beharrak, eta horiei erantzun nahi die erakundeak, bestelako zereginak alde batera utzi gabe.
Gipuzkoako Emaus fundazioak enplegua %16 igotzea lortu du, Lehiakortasun eta Berrikuntza Planaren bidez. Horri esker, lanpostuak eman dizkiete egoera zaurgarrian dauden 43 pertsonari, lan mundua ezagutu eta bertan murgildu daitezen.
Trikitia eta plaza. Gipuzkoan hainbat gune bereganatuta dauzkate trikitiak eta panderoak, Aiako Andatza auzoko Aristerrazu plaza, esaterako. Besteak beste, Urbian egingo dute saioa, astelehenean, eta aurtengo udan hasi berri dira jaiegunetan Zarauzko Musika Plaza girotzen
Xabier Rico Hurtadok Donostiako Ategorrieta auzoaren inguruko liburu bat argitaratu du, eta adierazi du haren istorioa eta bilakaera ezagutzeko balio duela. Hainbat pasarte bildu ditu, garai bateko gertaerak kontatzeko.
