Oteiza Basterretxea tailer etxea berreskuratzeko proiektua abiatu du Irungo Udalak. Bertan aritu ziren lanean Nestor Basterretxea eta Jorge Oteiza, hamar urtez. Inguruko artistentzako topagune izatea nahi dute senideek.

Otsailaren 3an argitaratu zuen Tolosako Bonberenea txarangak bere zazpigarren lana: 'Izurritearen gorabeherak'. Bihar aurkeztuko dute, Tolosako gaztetxean, 20:00etan.

Haatik dantza konpainiak 'Ur bizitan' azken lana jendaurrean entseatuko du igandean, Urnietako Sarobe arte eszenikoen gunean. Ekonomia jasangarriari buruzko hausnarketa bat proposatzen dute.

Khuruts Begoña zuzendaria zientzia fikzioaz baliatu da 'Deia' bere azken film laburrean errealitatearen kontakizun bat egiteko. Iaz estreinatu zuen lan hori, eta ordutik jaialdi askotan parte hartu du.