Soziologia ikasten hasi bazen ere, ikasketak utzi, eta musikari eman zion denbora gehien Kaki Arkarazo musika teknikari eta ekoizleak. Horretan dabil gaur egun ere, Andoaingo Garate estudioan.

Txusma Peña arrantzale ohia Donostiako kaian bizi izan zen urte askoan. Aitak bultzatuta hasi zen arrantzan, eta une politak bizi izan zituela dio. Badira urte batzuk arrantza utzi zuela, baina ez da sekula itsasotik urrundu.

Zuberoa jatetxe ezagunak ateak itxi baditu ere, Hilario Arbelaitz sukaldari oiartzuarrak ez dio kozinatzeari utzi. 2022aren amaieran hartu zuen erretiroa, anaiarekin batera, eta, ordutik, etxekoentzat kozinatzen du, hori baitu egun lehentasun.

Maite Gurrutxaga ilustratzaileak ez ditu gustuko ilustrazio literalak. Marrazkien bidez kontatzeko modua aurkitzen du, ilustrazioa narrazioa dela uste baitu. Ibilbide oparoa du egina, eta erronka berriak ditu aurretik.

'Gizon barregarriak' eleberria da Joxean Agirre idazleak argitaratu duen azken lana. Hainbat gai landu ditu liburuan; besteak beste, intriga eta sexualitatea. Dioenez, eskarmentuak eman dio estilo propioa eraikitzeko modua.

Negua joan da eta amaitu da mendiko eskiko denboraldia. Atseden hartzeko garaia heldu zaio Igor Alzelai mendi eskiko euskal selekzioko hautatzaileari, baina ez da geldi egotekoa. Legazpi, Ordizia eta Tolosako suhiltzaile taldeetako arduraduna ere bada.

Ander Izagirre kazetariak elkarrekin zerikusirik ez duten gaiez idatzi du bere lanetan: Boliviako haur meatzariez, Groenlandiako inuitez, Frantziako Tourraz... Ez du gai jakin batean arreta jarri nahi, «istorio onak» interesatzen baitzaizkio.

Bere ibilbidean, arlo ezberdinetan aritu da Arantzazu Loidi: bertsolaritzan lehenengo, kazetaritzan eta itzulpengintzan gero, eta psikopedagogiaren munduan azken hogei urteotan.

Mikel Markez abeslariak tradiziotzat dauka kantuen hitzak idatzi eta horiei ahotsa eta doinua jartzea. Alaba Estik ere musikaren bidea hartu du, eta sarritan kantatzen dute elkarrekin. Ongi ulertzen dute elkar oholtzan, aski baitute begirada batekin.