La Oreja de Van Gogh taldearekin abenduan bi urte eta erdiko bira erraldoia bukatuta, atseden hartu eta senideekin egoteko tarte bat hartu du Leire Martinezek. Aitortu du "oso natural" daramala ospearen zama.

Txirrindularitzaren gauzarik onena "jendea ezagutzea" izan dela esan du Olanok, eta okerrena, "etxetik kanpo denbora askoan egon beharra". Barealdietan txirrindularitza "nola edo hala" bultzatzeko eskatu du.

Arenas 13 urterekin hasi zen inguruko guztiari argazkiak ateratzen. Gero, 33 urtez, argazki estudio bat izan zuen; 2011n itxi egin zuen, eta hegaztien ehizan aritzen da ordutik argazki kamerarekin. Txorizalea bai, baina, oro har, naturazalea da azpeitiarra.

Zurutuzak ia 50 urte daramatza balletaren munduan sartuta. Bigarren mailan dagoela sentitzen du, "linboan". Gaur-gaurkoz, ez du bideragarritzat jotzen ballet dantzari profesionala izatea.

Urte askoan CCOO sindikatuan langileen eskubideen alde aritu da lanean Jesus Uzkudun. Asbestosi gaixotasuna diagnostikatu zioten duela bi urte, "amiantoarekin urte askoan lan egin izanagatik".

Ofizialki, Galarraga EITBko kirol kazetaria da oraindik, baina urrian hartu zuen erretiro aurreratua. 1986an hasi zen EITBn, eta 1988an, kiroletan. Arduratuta dago EITBren egoerarekin.

'Herrian xaltoka' egitasmoarekin, Lezoko ondarea, txokoak, jendea eta euskara ezagutarazteko hautua egin du Mikel Susperregik. Herri guztiek antzeko zerbait beharko luketela aldarrikatu du.

AEKn, Euskal Herrian, 21 urtez irakasle lanetan aritu ondoren, Kuban Habanako Unibertsitatean irakurle lanetan dabil Borja Arbelaitz, Joseba Sarrionandia idazleari lekukoa hartuta. Udan etorriko da Euskal Herrira, hilabete eta erdirako, bisitan.

Txiki-txikitatik, Ainize Txopiteak oso lotura estua izan du artearekin: margolaria izan zuen aita, Daniel Txopitea. Umetan collageak egiten hasi, eta bidea egiten ari da pixkanaka.

Balleta ikasten hasi, eta dantza garaikidearekin egin zuen topo berehala Amaia Elizaranek. Madrilen ikasi eta nazioartean sona handiko koreografoekin jardun ondoren, Euskal Herrian ari da orain, bere konpainiarekin.