Planetaren Jardunaldiak egingo ditu asteon Pasai San Pedroko Mater ontzi museo ekoaktiboak. Donostian izan ziren atzo arte, eta Irungo Ficoba erakustazokan izango dira igandera bitarte. Tailerrak, jolasak eta hitzaldiak antolatu dituzte, besteak beste.

Donostiako San Martin auzo elkarteak Kapelaren Ibilbidea antolatu du biharko. Hainbat jarduera antolatu dituzte egun osorako. Tartean, Charo Iglesias kapelagilea omenduko dute.

Uztailaren 15etik 20ra eginen dute Mugalde, lehen aldiz. 2009an eta 2010ean sortu diren eta Oiartzunen, Bortzirietan, Saran eta Urruñan bizi diren gazteentzat izanen da.

Hainbat artelan daude ikusgai Alkizako Ur Mara museoan. «Eskultore berri eta ezezagunei» lekua ematea da erakusketaren helburua, eta ekainaren 28ra bitartean egongo da zabalik.

Errenteriako bi zahar etxeetako egoera «larria» argitara atera dute langileek eta erabiltzaileen senideek. Hainbat eragilek osatzen dute sarea, eta «zaintza publiko unibertsal duinaren alde» ari da lanean.

Paulo Azpiazu 14 urterekin hasi zen kirol munduan, eta 16 urterekin sartu zen lehendabiziko aldiz gimnasio batean. Gaur egun kirolari buruzko informazio gehiago dagoela dio.

Ainhoa Caporossi mendizaleak eskalada guneen ohiko krokis liburuei balio erantsia gehituko dien proiektu bat du esku artean, eta Joxe Takolo bekaren laguntzarekin gauzatuko du.