Unai Zubeldia
Geldirik daude lanak. "Eta horrela ezinezkoa da epeak betetzea". 2015etik ari da obratan Adif, Renferen azpiegiturez arduratzen den enpresa, Irun eta Astigarraga artean abiadura handira egokituko den trenbide zabalera ezartzeko; baina, joan den martxotik, ez aurrera ez atzera daude lan horiek. Adifek Coprosa enpresari esleitu zizkion zati horretako lanak, 2019rako amaitzeko helburuarekin —Coprosaren esku gelditu ziren Irungo tren geltokian egin beharreko lanak ere—, baina, "likidezia arazoak tarteko", hartzekodunen konkurtsora zihoala jakinarazi zuen Coprosak joan den otsailean.