Beste toki askotan bezala, Gipuzkoan ere ugaritzen ari dira helduentzako soilik diren hotel, nekazaritza turismo, pentsio eta jatetxeak. EAEko Turismo Legea oinarritzat hartuta, diskriminazio zantzuak egon daitezke, baina gaiaren inguruko zalantza asko dago aditu batzuen artean. Helduentzako soilik egokituta dauzkate Eibarko Sosola nekazaritza etxea eta Mutrikuko Arbe hotela. Gisasolak, Sosolaren jabeak, hasieratik hartu zuen erabakia; hotela ireki eta bi urtera Iñaki Arinek, Arberen jabeak.
Jende gutxik egin ohi du oraindik ere aurretiazko borondateen agiria. Arantza Garaialde Duintasunez Hiltzeko Eskubidea elkarteko kideak esan du zer nahi den idatzita eta erregistratuta utzi ezean, tokatzen den medikuaren borondatearen mende egon daitekeela.
Seabin Pasaia gailuak bi urte daramatza Pasaiako badian hondakinak biltzen. Txikia den arren, hirurehun kilo zikinkeria jasoa du jada, Pasai San Pedroko ontziralekutik mugitu gabe. Bildu dituen gehienak mikroplastikoak dira.
Aurten, lehen aldiz, gizonentzako tailer bat emango du Oñatiko Udaleko Berdintasun Sailak: 'Gizonak feminismorantz'. Joseba Gabilondok gidatuko du lau saioko ikastaroa.
Atzotik, Ordiziarrock musika jaialdia egiten ari dira Ordizian. Lau kontzertu joko dituzte gaur, eta bost bihar. Iaz ez bezala, pilotalekuan sartzeko ez da sarrerarik ordaindu beharko.
Hara! Ba hizketan ez duzu azkoitiarra ematen!”. Askotan entzun dut hori ezagutu berri dudan euskaldun batekin hizketan hasi eta nongoa naizen esan diodanean. Gehienetan pena moduko bat sumatu dut solaskidearen musajean, galera edo are traizio mingarri baten oihartzun. Tarteka hitz egiten dut Azkoitiko euskaran —Azkoitiko nire sukalkian, ez baitago Azkoitiko euskara bakarra—, solaskidea azkoitiarra edo...
Senior mailako eskubaloi taldea sortu ahal izateko urratsa egin dute Orioko lau emakumek, 20-25 urte gazteagoak diren jokalarien taldekide bihurtuta. Oraindik "egokitzapen unean" daudela uste duten arren, gogotsu heldu diote erronka berriari.
Duela bost urte, auto istripu larri bat izan zuen Joseba Azkarate oñatiarrak, baina bizitzako trabei aurre egiten ikasi du. Bizikletan lehenengo, atletismoan gero, igeri azkenean... Zumaiako triatloia egin berri du.
Minbiziari aurre egiteko prozesu osoa Onkologikoan egiten zen lehen; pazienteek eta langileek diote orain ez dela hala. Bihar, 12:00etan, manifeztazioa egingo dute Donostian.
Gipuzkoako hainbat herri landa lurren mugak digitalizatzen ari dira, aldundiaren laguntzarekin.
