SEGURA. Zaborrak biltzeko edukiontzi bidezko sistemaren aldeko taldea sortu da Seguran, eta lehen bilera atzo egin zuten. Edukiontzi bidezko bilketa egiteko "bere garaian dirutza" gastatu zela eta, orain horiek erabiltzeko deia egin dute, edukiontzi b...

• Visitgipuzkoa.net.Gipuzkoa bisitatzera datozenek atari horretan aurkituko dute lurraldeari buruzko informazio guztia: ostatuak, kultur eskaintza, gastronomia, ibilbideak, informazio bulegoak... Donostiaren, kostaldearen eta Gipuzkoa berdearen artean aukera daiteke; eskualde guztietako eskaintza biltzen du.

Urtero gutxienez pare bat parranda amaigabe eta narrats egitea gustatzen zait, ostiral edo larunbat arratsaldean hasi eta hurrengo eguneko ilunabarrean oheratu arte. Behobiako erromesaldi bigorexikoaren edo Itziarrera bidean ospatu ohi den gaupasa zintzoaren jarraitzaile leialek bezala, usadioei tinko eustea garrantzitsua deritzot. Duela pare bat aste egindako 2013ko lehen jinkanatik osatu berritan, dagoeneko gehiagorako gogoz nabil. Aurten bizpahiru ez, bospasei eroriko direla uste dut.

Tabernazulo bateko komunean hauts zuriz betetako poltsatxoarekin irudikatu nauzu ziur aski, ahoa zabal-zabalik, matrailezurra dantzan eta begi niniak gorri-gorri ditudala. Oker zaude, orduak eta orduak esna emateko ez baitago label kolonbiarreko produktuetara jo beharrik. Ez halabeharrez behintzat. Supermerkatuetan horrenbeste ugaldutako edabe energetikoak dira orain festazaleen akuilu eraginkorrenak.

Betirako nerabe jarraitu nahi dugun barrako beteranook oso noizean behin baliatzen ditugu freskagarri magikoak. Zinez gaztetxo direnek, ordea, ez diete batere beldurrik haiei. Eguneroko dietan txertatu dituzte, eta barra-barra kontsumitu ere bai.

Poto energetiko bakoitzak dituen estimulatzaile eta beste osagai artifizialen zerrenda irakurri eta David de Jorgek —hori bai tipoa, dedio!— ostiralero bere saioan berdintzen dituen txerrikeriez oroitzen naiz. Ez dira bi aste BERRIAn aditu batek horrelako edabeak kontrolik gabe edateak sor ditzakeen arazoez ohartarazi zuenetik.

Ez nuke moralista plantarik egin nahi. Gibela, giltzurrunak eta beste hainbat organo gupida gabe modu kontzientean zigortzen dituenarengandik sermoiak entzutea penagarria litzateke. Baina susmoa daukat neska-mutikoek droga ezagunenei beldurra izan diezaieten indar askotxo galtzen dugula, hori baino askoz eremu garrantzitsuagoak batere landu gabe.

Izan ere, eskolek elikadurari buruzko ikasgai finkorik gabe jarraitzen dute. Etxea teilatutik hasita eraiki zale garenez, goi mailako sukaldaritzari buruzko fakultate ezin apainagoa daukagu Donostian, eta haurrak txangoetan-eta hara joan ohi dira, sakelako berriarekin plater dotoreen alboan gurasoentzat argazki politak egitera. Erro karratuak kalkulatzeko sasoira marrubi eskukada bat dastatu gabe iristen dira ordea ikasle asko, eta lepoa jokatuko nuke unibertsitatean hasten direnen %70ek ez dutela alkatxofa platerkada bat bukatu.

Speeda, estasia edo kokaina kaka eginda probatuko dituzte lehenbizikoz, institutuko hitzaldiak gogoan. Azkenean, McDonalds-en lagunekin afaltzen laga zietenean edo Jagermeister-a Red Bull-arekin nahastuta estreinakoz edandakoan sentitutako zirrara errugabearengandik oso ezberdina izango da.

Esne Beltza taldeko kideek —irudian— adierazi zuten 2013an bost kontzertu emango dituztela soilik. Emanaldi horiek eskaini ostean, estudioko lan berria prestatzen hasteko asmoa dute. Usurbilen izan dira, Astigarragan eta Olatzagutian (Nafarroa), eta orain bi emanaldi geratzen zaizkie; gaur gauean Arrasateko gaztetxean ariko dira, Lurra taldearekin batera, eta igandean Baionara joango dira Korrikaren amaierako festara. Gaurko saioa 22:00etan da.

DONOSTIA. Industria hondakinak kudeatzeko sistema berri bat abiatuko dutela jakinarazi dute San Marko mankomunitateko arduradunek. Apirilaren 1ean jarriko dute martxan partzuergoko industrialde eta teknologia parkeetako hondakinak biltzeko. Gauzak egi...

Ud

Edozein eratan ere, aurrekontua tresna bikaina da, ez bakarrik gobernatzeko, baita nork bere burua biluzteko eta gauzak diren bezalakoak azaltzeko ere, ez nahi den bezalakoak ikusarazteko. Eta egia esan, Donostiako Udaleko aurrekontuak, besteak beste, gauza bat egiaztatzera ekarri gaitu, errealitatea oso egoskorra dela, eta oso erraza demagogia egitea besteak epaitzeko garaian, baina oso zaila erabakiak hartzeko garaian. Bistan dago 2013ko aurrekontua, berrehungarren urteurrenekoa, oso egoera korapilatsuan egindakoa dela, bai hiriarentzat, baita udalarentzat ere. Eta hori nabarmentzen da. Gastu arrunteko kapituluetan egindako derrigorrezko euste-ahaleginaz gain, inbertsioa modu larrian murriztu eta, gainera, lur-zatiak edo udal ondarea (Ilunbe nagusiki) salduz gero lortutako diru-sarrerak baleude egitekotan. Litekeena da beste jokabiderik ez egotea, nahiz eta sarritan batek pentsatzen duen, udal gobernu honek duen ideia argitasun eskasa dela medio, inbertitzeko erritmo motel hori Bildurentzat gaitz erdi dela.

Aurrekontu-proiektua tentu handiagoz aztertzeari ekin eta gero, esan beharra daukagu mota askotako murrizketak aurreikusten dituela. Kontratazio bidez udalak ematen dituen zerbitzuetan, esate baterako, hiriko enpleguan zuzeneko eragina dutenak. Gainera, funtzionarioen soldata izoztea planteatzen duen aurrekontua da. Eta hori ez da oposizio maltzurrak zuzenketa bidez esan diolako, ez. Bilduk horrela aurkeztu zuen jada. Erremediorik ez zegoela esanez horrela aurkeztu zuelako. Hori da, beraiek dira ezkerrekoak, eta erremediorik ez dagoelako egiten dute horrela; guk, berriz, gustuz egingo genuke.

Horrela genbiltzan, Gorka Urtaranek deitu zigun arte, Gasteizko Udaleko EAJko gure bozeramaileak. Eta deitu zigun, han, PPrekin udal aurrekontua onartzeko akordioa lortu eta gero, Bildu oso arin zebilelako, eskuineko alderdiak batu zirela esanez, aurrekontu atzerakoia eta hirirako antisoziala adostu zutela esanez. Dei hura izan ondoren, datuak gurutzatzen hasi ginen, eta xelebreak diren hainbat zenbaki ezagutzeko aukera izan dugu: esate baterako, EAJrekin lortutako akordioari esker, Gasteizko Udalak bere aurrekontuaren %0,7 garapenerako lankidetzara bideratuko du, eta Donostian, berriz, Bilduk aurrekontuaren %0,54 bakarrik bideratu du helburu horretara. Nahikoa erakusten du ale horrek. Baina xelebreena da Gasteizen Bilduk udal aurrekontua kritikatzen duela %0,7 gutxiegi delako, eta %1era iritsi beharko litzatekeela esaten du, gainera. Esperantoz esanda: batzuentzat Bilduren %0,54 EAJren %0,7 baino gehiago da. Beste bat gehiago!

Baina ez dira hor geratzen gauzak: Bilduk Donostian berdintasun-politiketarako aurrekontu osoaren %0,07 jartzen du, eta Gasteizen onartu denak, berriz, %0,11 bideratzen du. Gainera, Gasteizkoak Donostiak halako hiru bideratzen du pertsona zaharrentzat, 2 milioi euro gehiago haurrentzat eta familiarentzat, %21 gehiago gizarteratzeko politiketarako eta %40 enplegu eta garapen ekonomikoko politiketarako. Eta hori guztia, gainera, Gasteizko aurrekontuaren kopuru osoa Donostiako aurrekontuarena baino pixka bat txikixeagoa izanda.

Hain justu, Donostiako EAJ udal taldeak aurkeztutako zuzenketa batzuk alde horietako batzuk zuzentzeko helburuz aurkeztu ditu. Eta, hala ere, gaur egungo udal gobernuaren "aurrerakoi jendearen" antzezpen bat baino gehiago izan dugu, EAJ deskalifikatzeko dagokion ahaleginarekin batera, eskuineko alderdia ginela esanez eta sistemaren eta kapitalaren esklabo. Baina errealitatea gailendu egiten da pankarta, manifestazio eta keinu hutsen gainetik, eta, zuriaren gainean beltza jarrita, Donostiako udal aurrekontuaren pasadizoak erakusten diguna da Bilduk hainbeste aldarrikatu duen aldaketa hori "ken zaitez zu ni jartzeko" besterik ez dela, gainerakoei leporatutako hori besterik ez.

Baina ez nuke nahi mezu baikorra helarazi gabe bukatu. Donostiak izango duela aurtengo aurrekontu bat. Hori berri ona da, zalantzarik gabe; izan ere, bizi garen egoera honetan, inork ez bailuke ulertuko gutxieneko adostasunak lortu ezinik ibiltzea. Geure lepoetan dominak jarri nahi gabe, Bilduren udal gobernuak aitortu beharko du, gutxienez, oposiziokook jokaleku hori gertatzeko moduko jarrera positiboa izan dugula. Ikusiko dugu, ea beste esparru batzuetan Bildu gauza bera esateko moduan izango den. Gasteizko Udalean izan duten jarrera ikusita, beldur naiz, eta ez dago itxaropentsu izateko aukera handirik; izan ere, asko nabarmentzen baita beste gauza batera daudena…

Zumaia eta Mutriku artean dagoen geoparkean bihar hasiko dira bisita gidatuak egiten. Flyscha, karsta eta kultura, hiru eremu horietan sailkatzen dituzte bisitak, eta oinez, itsasontziz edo zaldiz egin daitezke. Laster, ingelesez eta frantsesez ere ja...

Ipuin kontaketa EibarFilomena neska behartsu bat da, eta Erdi Aroan bizi da. Herri ipuin askotan ohikoak diren nesken soslai berekoa dirudi lehen begiratuan, baina ipuin honetan estereotipoek ez dute lekurik; zerbait hobearen zain egon beharrean, erre...

DONOSTIA. Eguzkik adierazi duenez, Donostian bosgarren edukiontzia ezarrita dagoen bi auzoetan, Grosen eta Amaran, urria da oso horren erabilera; Amaran auzoen %27k erabiltzen dutela esan du, eta Grosen %16k. Erabiltzeko izena emanda dauden horien art...

TOLOSA. Hector Gonzalez Tianako (Katalunia) zinegotzia hainbat hitzaldi ematekoa zen Gipuzkoan, Kataluniako hondakinen bilketa ereduaz. Baina, PSEren presioak tarteko, PSCk hitzaldiok egitea galarazi dio, eta bertan behera gelditu dira.