Sara Cozar, Joseba Usabiaga eta Iker Galartza dira Txalo Produkzioak taldearen Hil arte bizi antzezlanaren protagonistak; Nacho, Angel eta Maria. Heriotzaz eta adiskidetasunaz hitz egiten du antzezlanak, komediaz eta tragediaz. Dena bat. Laguntasuna, ...

Zenbaterainoko balioa ote du gure hitzak? Zenbat alditan zin egin ote dugu gerora hitza beteko ez dugun ziurtasun ia osoz! Nik urtean bi edo hiru aldiz zin egiten diot neure buruari larunbat goizetan mendira joango naizela. Larunbat goiza iristean, ordea, gehienetan izaten dut aitzakia merkeren bat: eguraldi txarra (gibela behar da gero, Euskadin eguraldiaren aitzakia erabiltzeko, denok hori egingo bagenu satorren moduan eguneko argirik ikusi gabe geundeke etxe zuloan); ostiral gaua berandu bukatu izana, edo aste osoan pilatutako nekea. Edozein aitzakia baliozkoa da hitz emandakoa ez betetzeko.

Zin egiteko erraztasun handiegia dugula sumatu dut azkenaldian. Edo agian mina eta eskarmentua ahazteko abilezia zoragarria dugu? Nerabezaroko urte txoroenetan, ez dakit zenbat alditan zin egin nion neure buruari gauza bera, 06:00etan komunaren aurrean belauniko nengoela, gaueko kubata, arratsaldeko gusanitoak, eta bizirik geratzen zitzaidan arima dardarti apur hori komuneko zulotik bota ostean; zenbatetan errepikatu ote nuen "ez dut sekula santan gehiago alkoholik edango... bua tio...". Eta benetan nioen, esaten nuen momentuan itsu-itsuan sinesten nuen. Baina aste batzuk geroago, neure buruari hain sakon zin egindako hura Malibu-Piña gozotan itotzen zen. Nori ez zaio halakorik gertatu? Bitako bat, edo pasatako oinaze guztia ahazteko sekulako gaitasuna dugu, edo anormal konpletoak gara. Bigarren aukera hartuz gero, gizakia eta haren portaera ezinbesteko amildegi batera kondenatuko nuke, haren akatsetatik ikasteko aukera txikienik eman gabe, beraz, lehenengo aukerarekin gelditzea osasungarriagoa dela pentsatu dut. Ama askori entzun izan diet erditze unean pentsatu (eta esan) zutela, "ez dut sekula gehiago umerik izango"; eta urte batzuk geroago —amatasuna errepikatzea mozkorraldia errepikatzea baino konplikatuagoa baita—, beren tripatxoarekin ikusten ditut berriro ere.

Eta ez dakit zer kontatu nahi dudan horrekin guztiarekin; goizean pentsatu dut, arraroak gara gizakiok, eta orri zuriaren aurrean jarritakoan, plazta, hauxe da okurritu zaidana.

Gustatuko litzaidake herri- gizarte- mundu honetan min eta gorroto guztiak ahazteko gaitasun bera izango bagenu. Mozkorraldi txarrak eta erditzeko min jasangaitzak ahazten ditugun moduan ahaztuko bagenitu gainerako oinaze eta gorrotoak ere.

Energiaz beteriko taldea da Madrilgo Canteca de Macao. Agertoki eta lokal txikietan hasi zuten beren ibilbidea, baina apurka lortu dute jaialdi handietan tokia egitea ere. Kultur aniztasuna abiapuntu hartuta, musika estilo propioa garatu dute, ska, re...

Batez beste, 38 urte izaten dituzte Quiron klinikara ugalketa lagundua jasotzera jotzen duten emakumeek. Klinika horrek 50 urtetan du adin muga; Osakidetzak, berriz, 40 urtera arte artatzen ditu gehien jota.

DONOSTIA. Adegi Gipuzkoako enpresaburuen elkarteak aste honetan osatu du, datozen hiru urteetarako, elkartearen barne antolakuntza berria. Egitura horretara sartzen azkenak Ana Belen Juaristi, Koldo Arandia eta Ricardo Gonzalez izan dira; presidenteor...

Espainiak 1998ko Munduko Kopan partida bat 2-3 galdu eta gero norbaitek herriko plazan afixa erraldoia paratu zuela gogoan dut. Eskerrik asko, Nigeria zioen, borreroari gorazarre eginez. Andoni Zubizarreta independentista sutsua dela argi geratu zen Naoned-en jokatutako neurketan; bere atera zihoazenak gelditu ez, eta kanporako norabidea zuten baloiak ere barrura sartu zituen. Askok hartu genien halako begikotasun bat nigeriar haiei: golak dantza ikusgarriekin ospatzen zituzten, eta jokalarien izenei euskaldun traza hartzen genien, hainbeste k-rekin. Uda garaian Amokachi animatzeak bazeukan halako grazia berezia, "en Euskal Herria también amamos katxi" ozen oihukatuz.

Garai gozoak ziren haiek lurralde periferikoetan. EAJk, modu harrigarrian, Javier Clemente espioia Espainiako aulkitxoan urte luzez mantentzea lortu zuen, eta dena zen desgrazia La Roja inork deitzen ez zion talde harentzat. Tiki-taka delakoa asmatzeke zegoen, eta furia española-ren bolada zen. Oso selekzio matxoa zen hura, baina beti negar batean bukatzen zuena. Bazuen bere grazia.

Oraingo txantxa hau berriz gehiegi luzatzen ari da. Espainiak lehenengo Eurokopa irabazi zuenean, halako jakin-min bat nuen, herrietan-eta batere ospatuko ote zen jakiteko. Finalaren hurrengo egunean Andoaingo plazan bi haur elastiko gorri distiratsuarekin jolasean ikusi nituen, eta ederki asko iruditu zitzaidan, normalizazioaren izenean. Munduko Kopa irabazitakoan, berriz, garrasi eta petardo festa izan genuen gure kalean. "Madrildik etorritako udatiarrak", pentsatu nuen orduan, inuzente. Aurten ere itzuli dira etxafuegoak, noski. Eta jada konturatu naiz pizten dituztenak ez direla oso urrunekoak.

Frantziaren aurka Eurokopan jokatutako final-laurdena zapatuko txikiteoko orduan egokitu zen. Halako bi aurkari biltzen dituen partida batean euskaldun jatorrok epaileak irabaztea nahi izaten dugu, baina hori ez da sekula gertatzen. Hirugarren tabernara iristerako Xabi Alonsok gol ederra sartu zuen. Nik kroketa muturra eta kaña nituen esku bakoitzean, eta ezin izan nuen txalorik egin. Telebistatik hurbilago zegoen morroi batek, ordea, ez zuen bere barrenaren bulkada gelditzerik izan, eta esku-zarta pare bat ihesi zitzaion. Salegi lepo beteta zegoen, baina segituan bere inguruan halako segurtasunezko perimetro bat ireki zen. Azkar konturatu zen hura, baina ez zuen urduritasunik azaldu, plazagizon. "Hi, Tolosakoa duk, joder!", aldarri egin eta partidari so jarraitu zuen.

Azaleko minbizia izateko hainbat arrisku faktore daude. Horietako bat azal eta begi argiak izatea da. Bestea, gorputzean orin asko izatea da. Horiez gain, arrisku faktoreak izan daitezke familian melanoma izan duten pertsonak egotea eta umetan edo ner...

Aitzorrotz kultur elkarteak, Eskoriatzako herria girotzeko helburuz, bosgarrenez antolatu du Errekan Gora, hilabeteko osoko egitaraua. Hala, asteburu honetan bi kontzertu izango dira. Gaur, 22:30ean, Tom Tom Makuts taldeak kontzertua egingo du Gernika...

URUGUAI. Gipuzkoako Aldundiko ordezkariekin —tartean, Martin Garitano ahaldun nagusia— eta Gipuzkoako enpresaburuekin bildu da, asteon, Jose Mujica Uruguaiko presidentea. Gipuzkoako ordezkaritza bat Uruguaira egiten ari den bisitaren karietara egin dute bilera. Bi herrien arteko harreman ekonomia indartzeaz mintzatu dira.

Minbiziaren aurkako Gipuzkoako elkarteak argi dio: azala urte osoan babestu behar da. Elkarteko prebentzio arduradun Maider Sierrak azaldu dizkio Gipuzkoako Hitza-ri arrazoiak: "Eguzkia, zorionez, egunero ateratzen da. Lainotuta egon edo ez, eguzkiare...