Andoni Egaña bertsolariak eta Xabier Lizaso piano jotzaileak Garai hura gara ikuskizuna aurkeztuko dute Villabonan. Emanaldiaren bidez, XVIII. mendeko eta XIX.aren hasierako kultur joeren berri eman nahi dute: Europan, Euskal Herrian, Gipuzkoan, Amezketan… kultura nola bizi zen. Hori guztia zenbait sorkuntza adierazpenen bitartez egingo dute: Egañak, batetik, Pernando Amezketarraren bertsoak eta bere garaiko beste hainbatenak eskainiko ditu; Lizasok, bestetik, zenbait musikagileren obrak interpretatuko ditu. Mikel Mariskal da ikuskizunaren zuzendaria. Bertsoz eta musikaz gozatzeko aukeraz gain, iraganean murgiltzeko aukera ezin hobea dela iritzi dio.

Ez da Egañak eta Lizasok elkarrekin lan egiten duten lehen aldia. Aurretik, Bi arreba emanaldia eskaintzen aritu dira herriz herri. Chopin piano jotzailea eta Frantzisko Petrirena Rekondo Xenpelar bertsolaria dira lan horretan ardatz.

Komedia eta drama uztartzen ditu Iñake Irastorza, Ana Elordi eta Ramon Agirreren azken lanak. Sarak (Elordi) gustuko duen etxea topatuko du: merkea da, zabala, eta ikuspegi ederrak ditu. Eskaintza, ordea, ez da hain perfektua izango. Sarari "enbarazu" egingo dion osagarri bat du: Lola, etxearen jabea (Irastorza). Adineko emakume bat da, eta hil arte etxe horretan bizitzeko baldintza jarri du. Hala ere, Sarak etxea erosi eta itxarotea erabakiko du. Baina etxea libre geratuko den eguna ez da iritsiko, eta egoera geroz eta jasangaitzagoa bilakatuko da.

Benetako gertaera batean oinarrituta dago antzezlana. Zehazki, Juan Carlos Rubio obraren idazleari gertatutakoa du oinarri. Benetan irakurri zuen etxebizitza apopilo eta guzti saltzen zutela zioen iragarkia. Begoña Bilbaok zuzendu du Txalo ekoizpen etxearen antzezlana; testuaren itzulpena, berriz, Aitziber Garmendiak egin du.

Handinahikeria da Iduzkilore antzerki taldeak gaur Seguran eskainiko duen Hazparneko anderea lanaren gai nagusia. Hazparneko andereak alaba herriko markesarekin ezkondu nahi du, alaba markesa bihur dadin. Hori da Senpereko (Lapurdi) antzerki amateur t...

esportazioen igoeraGipuzkoako esportazioak 6.941,3 milioi eurorenak izan ziren 2014an; kopurua %7 handitu da aurreko urtetik. Donostiako Merkataritzaren Lurralde Zuzendaritzak emandako datuen arabera, bezero nagusiak Frantzia (%16,9), Alemania (%11),...

Otsailaren 8an Getxon hasitako birak Gipuzkoan bi kontzertu eskaintzera ekarriko du Mikel Urdangarin aste honetan. Guztira 21 kontzertu egingo ditu bakarlari bizkaitarrak, guztiak ere edukiera txikiko aretoetan. Urdangarinek berak adierazitakoaren ara...

Txotx garaiko herri ezagunenak Astigarraga eta Hernani badira ere, Zeraingo beste sagardotegiarekin eskaintzen duten autobus zerbitzuari esker, ez da jende faltarik izaten Oiharte landetxe eta sagardotegian. Bertako burua da Haritz Eguren (Beasain, 19...

Donostiako Orfeoiak eta Musikeneko Orkestra Sinfonikoak —argazkian— Beethovenen Bederatzigarren Sinfonia interpretatuko dute gaur, Kursaaleko auditoriumean. Ayete unibertsitate egoitzako ikasleek sustatutako proiektua da Kontzertu Solidarioa, eta irabaziak Gipuzkoako Caritasi emango dizkiote, "krisiaren ondorioz okerren dauden pertsonek, langabeek eta etxetik kaleratutakoek aurrera egin dezaten".

Errenteriako Zintzilik irratia Erdiko Kaleko etxe okupatu batetik emititzen hasi zen 1984. urtean, itsasontzi baten igorgailu zahar batetik. Nekez gainditzen zuen herriko alde zaharra. Ordutik hiru hamarkada pasatu dira, baina bere izaera libreari eutsi dio. 30. urtemugaren harira, erakusketa bat zabaldu du haren filosofia oinarritzat hartuta: komunikazioa lantzea, izaera matxinoa izatea eta gizartean mainstream ez direnei ahotsa ematea.

Merkatuzarreko goiko aretoan artearen hainbat diziplina hartu ditu erakusketak: pintura, marrazkilaritza, eskulturagintza, argazkiak, patchwork-a... Erakusketaren prestaketari azken ukituak ematen ari da Iñaki Garmendia Pirata Zintzilik irratiko kide eta antolatzailea. DVDen atala atontzen ari da, zehazki: "Bartzelonako Chigra kolektiboak bildutako dokumental sorta da hau. Hona etorri eta bideo bat ikusi nahi duenak horretarako aukera du; edozein jar dezake". Ekologismoa, errepresioaren kontrako mugimendua, okupazioa, antimilitarismoa eta beste hainbat gai jorratzen dituzte bideoek. "Etxean ditudan hainbat fanzine ere ekarriko ditut, tartean irratiaren 30 urteko ibilbidean egin direnak".

Detritus, Idoia Monton, Jose Luis Chasco, Txokolarte eta beste hainbaten margoak, Patxi Txiki eta Javier Olaizolaren eskulturak, Juxe Areta Goñiren argazkiak eta Yolanda Menisesen patchwork-ak ikusteko aukera dago, besteak beste.

Erakusketaren bidez, irratian urte luzeotan egindakotik aldendu nahi izan dute, Piratak azaldu duenez: "Zintzilik-ek, irratiaren bitartez, ideiak soinu moduan hedatzen ditu, eta zuk imajinatu egin behar duzu. Erakusketa honetan, aldiz, kontrakoa egin nahi izan dugu: bisualagoa egin". Dioenez, "komunikatzeko beste mota bat" bistarazi nahi izan dute, ez horrenbeste imajinatu beharrekoa. Gainera, norbanakoaren adierazpenak abiapuntutzat hartu arren, erakusketak kolektibotasuna irudikatu nahi du. "Eta kultura, merkatugaia izatea baino, gozamenerako proposamena izatea nahi dugu, indibidualizazioa gaindituz".

Piratak bidea egina du erakusketak antolatzen, lehenago ere diziplina askoko beste hainbat antolatu baititu —Oiartzungo Arditurriko etxe okupatuan nahiz zenbait tabernatan—. Aitortu duenez, beraz, ez zaio zaila egin Zintzilik-en 30. urteurrenerako erakusketa prestatzea. "Inguruko jendea dut, eta erraza izan da hemen elkartzea. Agian artistaren bat ahaztuko nuen...". Haren helburua urtean behin antzeko erakusketa bat egitea da: "Komunikazioan dabilen jendea hartu eta euren lana transmititzea izango du helburu".

Erakusketarekin batera jarduera ugari antolatu dituzte. Horrela, hainbat dokumental ikusteko aukera izango da erakusketa irekita egongo den astegun guztietan. Kasu batzuetan, gainera, egileak izango dira Merkatuzarren. Emanaldi guztiak 19:00etan hasiko dira, eta gizarte gaiak jorratuko dituzte: okupazioa, fracking-a eta higiezinen burbuila, besteak beste. Izango da primiziarik ere: datorren asteartean estreinatuko dute Zerrauts ogia: Gosearen grebak dokumentala. 36ko gerra ondorengo gosetea aztertzen du, "bizi-baldintzen eta askatasunen aldeko borroka". Patxi Egiluz egilea bertan izango da.

Erakusketa jadanik zabalik badago ere, inaugurazio ofiziala bihar izango da. 18:00etan hasiko da ekitaldia, eta 19:30ean Canshadows taldeak funk, jazz eta rock klasiko doinuak eskainiko ditu.

ERAKUSKETA

Non. Errenterian, Merkatuzarreko goiko gelan.

Noiz. Astelehenetik larunbatera bitarte egongo da irekita, martxoaren 4ra arte (asteazkena). Ordutegia 17:30etik 20:30era izango da.

fun dantz jaialdiko parte hartzaileakIazko arrakasta ikusita, bigarrenez antolatuko dute aurten Fun Dantz jaialdia. Aretxabaletan izango da, martxoaren 7an, Ibarra kiroldegian. Euskal Herri osoko 34 taldek parte hartuko dute, lau kategoriatan banatut...