Juantxo Zeberio pianista tolosarrak hemezortzi gabon kantuz osatutako 'Eguberri Umama Deluxe Edition' diskoa ondu du, Oñatiko Ganbera Abesbatzarekin.
Azken Minutua programaren bidez, Gipuzkoako Elikagai Bankuak 925.000 kilo janari bilduko ditu aurten. Aldundiak 250.000 euro eman dizkio programa gauzatzeko. Irurako alkateak janari banaketa beharrezkotzat jo du behartsuenei laguntzeko.
Herrialdeko armarria aztertu du Olabarriak, Nabarralde fundazioarekin argitaratu berri duen liburuan. Armarrien elementuak aitzakia gisa harturik, Gipuzkoako historia kontatu du. Sinboloen garrantziaz ohartarazi du historiazaleak.
Etxezarretaren lanak digitalizatu eta artxibatu egin dituzte, eta haren webgunean daude ikusgai.
Lekeition, Deban, Zumaian, Zarautzen, Donostian, Hendaian, Angelun eta askoz leku gehiagotan «etxeak» zituztela jakin nuen noizbait. Lagunek, ezagunek, herrikoek, haien denen familiek, familiako norbaitek. «Etxea izateak» zekarren udako oporretan han pasatzea egun batzuk, edukitzea lagunak toki horretakoak, kontatzea anekdota oso dibertigarriak, berriak, izatea pixka bat guaiagoa besteok baino, nire orduko begietara. Urtean pare bat aldiz akordatzen nintzen nork zuen non...
Arantza Diaz de Ilarraza informatikariak Matematika ikasi nahi zuen, baina, Donostian ikasteko modurik ez zegoenez, Informatika hautatu zuen, hura hurbiltzen baitzen gehien matematikara. Irakasle eta ikerlari aritu da ordutik EHUn.
Larunbatean hasi ziren aurtengo Hondarribiko Herri Olinpiadak. 28 gazte talde arituko dira lehian ekainera bitartean. Herrian euskara sustatzea dute aurtengo helburuetako bat.
Maider Azurmendik 'Errotik' erakusketa ondu du, Azpeitiko Kulturaz kooperatibaren DOI programaren barruan. Pandemia garaian egindako obrak jarri ditu ikusgai, eta material ugarirekin osatu du erakusketa. Igandera arte izango da zabalik.
Arteria proiektuak ekinbide berri bat jarri du martxan: 9.000 euroko laguntza banatuko dute hiru artistaren artean, proiektu bateratu bat sortzeko. Andoni Salamero, Marta Lopez de Gauna eta Gorka Larrañaga dira sariaren irabazleak.
Villabona-Amasako Udalak eta Behar Zana elkarteak Parisko 1924ko Olinpiar Jokoetan zesta-puntan eta joko garbian parte hartu zuten herriko pilotariak oroituko ditu abenduaren 28an.
