GIPUZKOAKO HITZA

Oiartzungo Arditurri parketxeko Arditurri III galerian erromatarren garaiko zenbait aztarna daude ikusgai. Egun jakin batzuetan irekitzen dute, gehiagotan irekitzeak galeria zaintzea zailduko lukeelako. Igandean bi bisita gidatu antolatu zituzten.

Urtarrilaren 31n izango da konpositore tolosarraren aldeko ekitaldia, Leidorren. Euskadiko Orkestrak kontzertu bat emango du, eta Mokoroaren errepertorioa joko du lehenengo aldiz.

Ongizate emozionalari eta nork bere burua zaintzeari buruzko tailerrak ematen ditu Saioa Garmendiak Gipuzkoako hainbat udalerritan. Jendearen autoestimua hobetzeko balioko duten sei saio emango ditu Deban, urtarrilaren 28tik apirilaren 8ra bitartean.

Irungo Udalak 'Ez gorde trapu zaharrak etxean' kanpaina jarri du martxan, indarkeria matxista jasaten duten 60 eta 70 urte bitarteko emakumeei biolentzia pairatzen dutela ohartzen laguntzeko.

Lemniskata sare herrikoiak abian du 'Urtarrila, matematikaren bila' zikloa. Besteak beste, ostiralero hitzaldiak emango dituzte hilabetea bukatu bitarte, Beasaingo Igartza jauregian. Beste hiru ziklo ere izango dira aurten.

'Gipuzkoa' hitza 1025. urteko eskuizkribu batean agertu zen lehen aldiz, 'Ipuscua' grafiarekin. Efemeridea ospatzeko, urte osoko egitaraua prestatu dute.

Orioko Garai Ona elkarteak azaroan martxan jarri zuen jarduera fisikoa eta osasuna uztartzen dituen programa bat, eta ontzat jo dute orain arte egindako bidea. Egitasmoa egonkortu nahi dute aurten, eta aurrerago, Gipuzkoako beste udalerrietara zabaldu.