GIPUZKOAKO HITZA

Hariak erresistentzia istorioei buruzko zinemaldia hasi zen atzo, Hernaniko Kulturarteko Plaza Feministan. Gaurtik aurrera, hamar dokumental proiektatuko dituzte, eta zenbait solasaldi ere izango dira.

Leire Izagirre eta Mirari Arratibel ikerlariek irabazi dute Irurako Udalak herriko zaintza sistema ikertzeko sortutako beka. Eredu feminista bat eraikitzeko oinarriak finkatzea izango dute egiteko nagusi, xede izanik herriko zaintza beharrei erantzutea.

Imanol Azkuek 'Hamaika argi gure euskarari' liburua ondu du, eta abenduaren 2an aurkeztuko du, Zumaiako Alondegiko ganbaran. Lanak Zumaiako euskara du ardatz.

Boluntario talde batek kuxinak egiten ditu Irungo Minbiziaren Aurka Bidasoan elkartean. Erraztu egin nahi dute emakume mastektomizatuen egunerokoa, prozesua goxatu, eta transmititu ez daudela bakarrik. Kuxinak doan ematen dizkiete gaixoei.

Goiena Komunikazio Taldeak Danbaka musika lehiaketa antolatu du seigarrenez. Lau talde aritu ziren gaur zortzi, eta beste hamabi lehiatuko dira abenduaren 13ra bitartean, Bergarako Seminarixoan. Urtarrilaren 17an izango da finala.

Urteak daramatzagu esaten herri honek jauzi kualitatibo bat egin beharra duela, baldin eta herritarren beharrei eta aurrez aurre ditugun erronkei egoki erantzungo badiegu. Betikoa beti bezala egitea ez da aukera bat bizi dugun egoera ezegonkor honetan. Galdera berriak pausatu zaizkigu, eta erantzunak eta horiek emateko moduak berritu egin behar ditugu. Helburu honekin egin du EH Bilduk Araba, Bizkai eta Gipuzkoako...