Lokalek emandako fruitua
Urr 20, 20172017-10-19Albisteak, gipuzkoa, Kultura0 0

Lokalek emandako fruitua

Unai Zubeldia
Etxeko epelean izaten du oinarria goi mailako ikuskizunik harrigarrienak ere. Oinez hasi behar izaten da ondoren korrika egin ahal izateko, eta duela hemezortzi urte horixe pentsatu zuten Ordizia inguruan ere.

Urr 20, 20172017-10-19gipuzkoa0 0

Ordiziarrock

Atzo hasi zen Ordiziarrock jaialdia, Dani Pozo 4tet taldearen jazz emanaldiarekin, eta beste hainbat ekitaldi izango dira gaur eta bihar: Gaur Plaza nagusia (16:00). Skate tailerrak, skate erakusketak eta Herritik skate parkera ekimena. D’elikatuz aretoa (19:00). Skate bideo emanaldia eta kontzertua: Sofa. Gaztetxea (22:30). Kontzertuak: Batzuri, Thursday’s Pussy Dogs eta Holy Nuns. Bihar Skate parkea (12:00etatik 19:00etara). KSkate Jam Session,...

[Museora] Memoria Historikoaren Interpretazio Zentroa. Kontatzetik, justizia eskatzera
Urr 20, 20172017-10-19Albisteak, gipuzkoa, Kultura, Museora0 0

[Museora] Memoria Historikoaren Interpretazio Zentroa. Kontatzetik, justizia eskatzera

Eider Goenaga Lizaso

Euskal gudariek tropa faxistak atzera egitera behartu zituzten Intxortako frontean (Elgeta), 1936ko urriaren 4an. Lehen aldia zen, Gipuzkoan, halakorik egiten zutela, eta lorpen horrek izan zuen oihartzuna. Eusko Gudariak abestiak honela jasotzen du gertatutakoa: "Arratiarren borroka / izan da Intxortan / Mola ta erreketek / gelditu dira bertan". Hiru egun geroago, urriaren 7an, lehenengo Eusko Jaurlaritzari sorrera emango zion estatutuak ere oroitu zuen Intxortako frontean izandako arrakasta, eta Elgetako Estatutua deitu zioten. Ondorioz, 1936ko gerra oroitzeko eta memoria historikoa berreskuratzeko museoa Elgetan egiteak ere bazuen zentzua. 2010ean inauguratu zuten.

Sei ESItan dago banatuta Gipuzkoako osasun zentroen sarea
Urr 13, 20172017-10-12gipuzkoa0 0

Sei ESItan dago banatuta Gipuzkoako osasun zentroen sarea

E. Goenaga Lizaso

Sei erakunde sanitario integratuk (ESI) eta ESI horietatik kanpo dauden beste bi erietxek osatzen dute Gipuzkoako osasun sarea. Erakunde sanitario integratu batek erakunde bakarrean uztartzen ditu eskualde bateko lehen mailako arretako zentroak eta eskualde horretako erietxea, eta ESIak osatzeko asmoa Osakidetzaren 2009ko Plan Estrategikoan agertu zen lehen aldiz. Gipuzkoan, Bidasokoa izan zen lehen ESIa, 2010ean, eta Donostialdekoa —Urola Kostaren zati bat eta Oiartzualdea ere hartzen ditu Donostialdeko ESIak— eta Tolosaldekoa izan ziren sortzen azkenak, 2015ean. Tarte horretan egituratu ziren Debabarreneko, Debagoieneko, eta Goierri eta Urola Garaiko ESIak. Debagoieneko ospitalea eta Zumarragakoa dira ESIen egituratik kanpo gelditzen diren bi ospitaleak.

Urr 13, 20172017-10-12gipuzkoa0 0

Hainbat datu

Zortzi herri Gipuzkoan eta Bizkaian. Gipuzkoan egon arren, Gipuzkoako sei herriri eta Bizkaiko biri eskaintzen die zerbitzua: Eibar, Soraluze, Elgoibar, Mendaro, Deba eta Mutrikuri, Gipuzkoan; eta Mallabia eta Ermuari, Bizkaian. 78.000 biztanle. Mendaroko ESIak 78.000 biztanleri eskaintzen die osasun arreta. ESI. Erakunde sanitario integratua (ESI) da Mendaro, 2011ko abendutik. Horrek esan nahi du arreta sanitarioko bi maila edo esparru nagusiak...

Hurbiltasuna ezaugarri
Urr 13, 20172017-10-12Albisteak, Asteko Gaiak, gipuzkoa, Gizartea0 0

Hurbiltasuna ezaugarri

Eider Goenaga Lizaso

Mendaroko ospitalearen ezaugarri bat nabarmentzekotan, Marbella Garcia ospitaleko zuzendariak (Barakaldo, Bizkaia, 1963) argi du zein den: hurbiltasuna. "Bai ospitaleko langileen artekoa, bai ospitaleko eta eskualdeko lehen arretako zentroen artekoa, eta baita gaixoen eta ospitaleko mediku, erizain eta langileen artekoa ere. Gure tamainak, ez baita ospitale handia, hurbiltasuna eskaintzeko aukera ematen digu, eta hurbiltasun hori garrantzitsua da". Garciaren hitzetan, garrantzitsua da, bai gaixoarentzat, bai gaixoaren ingurukoentzat eta baita bertan lan egiten dutenentzat ere.

“Hau ez da aldaketa, murrizketa baizik”
Urr 13, 20172017-10-12Albisteak, gipuzkoa, Gizartea0 0

“Hau ez da aldaketa, murrizketa baizik”

Unai Zubeldia

Egindakoarekin eta egiteko moduarekin daude haserre Andoain, Hernani eta Usurbilgo alkateak. "Dokumentu berria da hau". Gipuzkoako Foru Aldundiak Lurraldebusen Buruntzaldeko zerbitzua aldatzeko egin duen aurreproiektua —Tolosari ere eragingo dio—. "Baina udalokin eta herritarrekin harremanetan jarri gabe landu eta onartu dute aurreproiektu hori". Buruntzaldeko udalen izenean hitz egin du Ana Karrere Andoaingo alkateak (Errenteria, 1965). Urnieta, Astigarraga eta Lasarte-Oriak osatzen dute eskualdea Andoain, Hernani eta Usurbilekin batera. "Aldundiaren eta udalen artean ez da izan inolako komunikaziorik". Eta zuzenketak egiteko ere "galduta" daudela salatu du alkateak. "Ez dakigulako zein datu dauzkaten esku artean. Ez dakigu zer landu duten, ez genekien ezer lantzen ari zirenik ere, eta oso zaila da ez dakizun horri zuzenketak egitea". Joan den ostiralean zen amaitzekoa aurreproiektuari zuzenketak egiteko epea, baina aldundiak urriaren 23ra arte luzatu du epea.

Urr 13, 20172017-10-12gipuzkoa0 0

Izan Kantuz erronka

Azaroaren 10ean eta 11n Zaldibian egingo duten Izan Kantuz egitasmoaren erronkan parte hartu nahi dutenek ondorengo pausoak eman beharko dituzte izena emateko: Abestia aukeratu. Abestien zerrenda www.zaldibia.org webgunean dago . Ordutegia aukeratu. Beretzat egokiena den ordutegia aukeratu ahal izango du bakoitzak webgunean. Izena eman. Bi modu daude izena emateko: ostiralero Zaldibiako plazan jarriko duten informazio mahaira joatea da aukera bat,...

Euskal karaokerik luzeena
Urr 13, 20172017-10-12Albisteak, gipuzkoa, Gizartea, Kultura0 0

Euskal karaokerik luzeena

Loinaz Agirre

Euskaldunen izaeraren parte garrantzitsuak dira erronka eta kantua. Bi osagai horiek uztartuta, eta euskararekin bat eginda, egitasmo berezia aurkeztu dute Zaldibian: Izan Kantuz herri erronka. Mahai gainean jarrita daukate proposamena, munduko marka lortzeko helburuarekin: "Zaldibian baietz 26 orduz jarraian euskaraz abestu!". Tokia eta eguna zehaztuta dauzkate jada: Zaldibiako Herri Antzokian, azaroaren 10eko 18:00etatik azaroaren 11ko 20:00etara.