Leire Narbaiza
Aurreko mendean artikuluak idatzi izan banitu folio zuriaren aurreko bertigoa dudala esango nukeen, baina XXI. mendean bizi naizenez pantaila zuriaren aurrean galduta nagoela esango dut. 3.000 karaktere idatzi behar, eta kurtsorea etengabe keinuka bertatik.
![[Museora] Ur Mara museoa. Paisaia eta artea elkar elikatzen](https://gipuzkoa.hitza.eus/wp-content/uploads/UR_MARA_MUSEOA.jpg "UR MARA MUSEOA")
Eider Goenaga Lizaso
Koldobika Jauregiren lanek paisaia eta ingurunea goratzen dute. Halaber, paisaiak eta inguruneak are ikusgarriago egiten dituzte Koldobika Jauregiren lanak. Museo bat da, ezohiko museoa, inondik ere. Ur Mara izena du, eta Alkizan dago. 11 hektareako lursaila hartzen du, eremu malkartsu eta zuhaitzez betea. Eta, han, arteari tokia egitea erabaki zuten duela sei urte; baina ez soilik Koldobika Jauregiren arteari. Museo irekia da, ez dago lau hormaren artean, edonor sar daiteke bertara eta ikusgai dauden obrekin gozatu. Baina museo irekia da, era berean, beste artisten lanei ere tokia egitea duelako helburu; artea, bere edozein adierazpenetan, eskultura, pintura, musika, literatura...
Ane Olaizola
Euskal hizkuntzan "autodidaktatzat" du bere burua Xabier Iturriak (Errezil, 1949). Euskaltegietan lan egindakoa da, eta euskara aztertzen aritu izan da urte luzez. 2014an, kitxuari buruzko 'Hacia una gramatika unificada' del Rumashimi liburua kaleratu zuen, Parun eta hainbat adituren teorietan eta bereetan oinarritutako bigarren liburua osatu berri du: 'Euskal Gramatika Sintaktikoa'. Iturriak berak egin du editore lana, eta Elkarrek banatuko du.
Amarako Eskoletan egingo dira topaketak, Urbieta kalean. Gaur 18:30. Donostiak badu nora begiratu hitzaldia. ABTS Assemblea de Barris per un Turisme Sostenible. 19:30. Turismoa Ipar Euskal Herrian: bilakaera eta gaurko egoera hitzaldia. Bihar 10:00. Turismoaren testuinguru historikoa Donostian, Iñaki Egañarekin (Euskal Memoria). 11:30. Turismoaren eraginak donostiarren ahotsetatik. Bizipenen bilduma-solasaldia. Gonbidatuak: Parte Zaharrean Bizi, Hondarpe, Ernai, Eguzki, Efecto AirBnB en Donostia...
Eider Goenaga Lizaso
Arazoa ez da turismoa bai edo ez. Arazoa harago doa. Nolako turismoa, eta, hori baino gehiago, nolako hiri eredua. Hori da eztabaidaren gakoa. Turismoari buruz gaur eta bihar antolatu dituzten Ez gara turistak gure hirian topaketetan hainbat taldek parte hartuko dute, eta gonbidatuen artetik hirurekin hitz egin du Hitza-k: Bartzelonako ABTS Assemblea de Barris per un Turisme Sostenible-ko Daniel Pardo (Zaragoza, Espainia, 1976), Ernaiko Garazi Castaño (Donostia, 1995) eta Groseko Hondarpe auzo elkarteko Aratz Estonbarekin (Donostia, 1979). Hirurak bat datoz: turismoaren munstroari mugak jarri behar zaizkio dena jan aurretik.
E. Goenaga Lizaso
Kultura digitalari eta teknologia berriei eskainitako laborategia da Hirikilabs. Donostiako Tabakaleran du egoitza, eta bertan aritzen da lanean Ibai Zabaleta. Araba, Bizkai eta Gipuzkoako hiriburuetan turistei begira egiten diren alokairu eskaintzen inguruko neurketa egin dute, AirBnB plataforma aztertuz, eta Donostiaren kasua txosten batean landu dute.
Unai Zubeldia
"Gezurrezkoa den bertsio bat erabiliz kaleratu dute kontratu mugagabea zeukan langile bat". Salaketa gogorra egin du Unai Barrutiabengoa Asteasuko Siemens-Gamesa enpresako LABen ordezkariak. "Enpresak antolakuntza arrazoiak eman zituen kaleratze eskutitzean", hasi du azalpena Leire Gallego ELAren industria federazioko Asteasuko enpresako ordezkariak. "Langilea sobera zegoela argudiatu arren, legez kanpokoen pareko kalte-ordaina eman zioten gero". Barrutiabengoaren hitzetan, "oso arraroa" izan da dena. "Atzean lan arrazoiak egonik, galdetu genien ea langile hori berriz ere hartuko zuten lana zegoenean, eta ezezkoa jaso genuen. Langile hori ez zela lanera itzuliko esan ziguten, eta, orduan, hankaz gora joan zitzaizkien argumentu guztiak". Aurretik enpresa horretan lanean aritutakoa da kaleratu duten langilea, eta, orain, hiru urte zeramatzan Asteasuko egoitzan.
Imanol Saiz
Orain zazpi urte sortu zuten Oarsoarrak komunitatea, 2010ean, Oiartzun, Pasaia, Errenteria eta Lezoko euskararen erabilera sustatzeko helburuarekin. Eskualdeko euskararen erabilera datuak ez zirela oso onak azaldu zuen Soziolinguistika Klusterrak azken ikerketan. "Tamalez, guk nahiko genukeen baino dezente apalagoa da erabilera". Hala aitortu zuen Joxe Luis Agirretxe Oarsoaldea garapen agentziako euskara arduradunak.
Unai Zubeldia
Jende guztiak daki pala bat hartu eta ping-pongean jolasten, baina mahai tenisa zer den erakutsi nahi dugu guk". Jolasa eta jokoa. "Guretzat zaletasuna da ping-ponga, eta arautegi zorrotzagoa dauka mahai tenisak". Leka Enea Irungo mahai-tenis klubeko marketin arduraduna eta entrenatzailea da Maria Rubio (Irun, 1985). Espainiako Ligan maila nagusian ari dira gizonezkoen eta emakumezkoen taldeak, eta biek ala biek irabaziz ekin zioten ligari joan den asteburuan. Ligako kontuak ahaztuta, bi taldeek Kluben Arteko Europako Kopa izango dute asteburu honetan —Europako bigarren txapelketa nagusia—; Irunen bertan gizonezkoek, eta Grezian emakumezkoek.
Ikerne Zarate
Ospakizunetan murgilduta dabil Irungo Kunsthal Goi Mailako Diseinu Zentroa. Hogei urte bete berri ditu, eta ibilbide horrek eman ditu jada bere fruituak: 800 diseinatzaile graduatu dira bertan, eta garapen nabarmena izan du Txanaleta plazan egoitza duen zentroak. Diseinu zentro zena goi mailako diseinu zentro bihurtu zen joan den ikasturtean, eta, horri esker, unibertsitateko graduen baliokide diren goi mailako tituluak eskaintzeko aukera du orain Kunsthalek.
