Ezin orria pasatu
Eka 16, 20172017-06-15Albisteak, Asteko Gaiak, gipuzkoa, Politika0 0

Ezin orria pasatu

Eider Goenaga Lizaso

Mila Iradi, Mayi Ugartemendia eta Izaro Arruarterekin egon da Hitza, Donostian; Ibon Fernandez Iradiren ama, Beñat Aginagalderen ama eta Ugaitz Errazkinen bikotekidea dira, hurrenez hurren; Arruartek, gainera, anaia ere preso du, Gari, gaixotasun larri batekin. Asteartez jarri dute hitzordua, asteburuan bisita eta bidaia izan ostean, astelehena ez baita egun erraza haientzat. Mezu argi batekin azaldu dira hirurak. "Edo konpromisoa hartzen dugu eta gai honi konponbidea emateko lema gizarteak hartzen du, edo bestela barruan ustelduko dira", dio Arruartek, beste biek buruarekin baietz egiten duten bitartean.

“Kapituluak itxiz joan behar dugu, eta, noski, presoena ere bai”
Eka 16, 20172017-06-15gipuzkoa0 0

“Kapituluak itxiz joan behar dugu, eta, noski, presoena ere bai”

E. Goenaga Lizaso
0 Kilometroa kanpainari hasiera emateko ekitaldia egingo du Sarek, bihar, Donostian. Ibon Iparragirre larri gaixo dagoen presoaren aldeko elkarretaratze batek emango dio hasiera dinamikari, 16:15ean. Ondoren, zortzi gune atonduko dituzte, eta presoekin zerikusia duten gai bana landuko dute horietan: preso gaixoak, emakume presoak, sakabanaketa...

Euskara, erronkaz irudikatuta
Eka 16, 20172017-06-15Albisteak, gipuzkoa, Gizartea0 0

Euskara, erronkaz irudikatuta

Aitor Biain

Euskararen etorkizuna aurre egin beharreko erronkaz beteta dagoela erakutsi nahi dute Eibarren, eta hala irudikatuko dute datorren astean egingo duten ekitaldi esanguratsuan. Guinness errekor saiakera egingo baitute ekainaren 22an, Untzaga plazan osatuko duten giza irudi erraldoiarekin. Eibarren Akebai plataforma ezagutaraztea eta irailetik aurrera martxan jarriko duten Euskararen Plan Estrategikoari begira herritarrak "aktibatzea" du helburu egitasmoak. "Ilusioa ezinbestekoa da planean ezarri ditugun helburuak lortzeko. Ilusioa sortu behar dugu herritarrengan; giro berezia sortu behar dugu. Oinarrizkoa da hori. Horretarako balioko du ekitaldiak", adierazi du Idoia Argoitiak, Eibarren Akebai plataformako kideak.

Helburuak izango dira aurrekontuen oinarria
Eka 16, 20172017-06-15Albisteak, gipuzkoa, Gizartea0 0

Helburuak izango dira aurrekontuen oinarria

Ikerne Zarate

Helburuetan oinarritutako aurrekontuak egin nahi ditu Errenteriako Udalak, eta, horri begira, lankidetza proiektua jarri du martxan Euskal Herriko Unibertsitatearekin (EHU). Udalaren helburuak ardatz hartuta egin nahi dituzte aurrekontu horiek, eta adierazle batzuk finkatuko dituzte horretarako, egindako inbertsioen betetze maila egokia den ebaluatzeko. Dirua zertan gastatzen den, eta, aldi berean, inbertitzen den horren eraginkortasuna zenbatekoa den neurtu nahi dute garatu nahi duten sistema berriarekin. Hala azaldu du Jon Txasko Errenteriako Udaleko Ogasun zinegotziak. "Inbertitzen den dirua zertan erabiltzen den azter dezaten sustatu behar dugu. Aldaketa erraza dela pentsa badaiteke ere, orain arte ez dute asmatu plazaratutakoa teoriatik praktikara eramaten".

Ziabogan trabatuta
Eka 16, 20172017-06-15Albisteak, gipuzkoa, Kirola0 0

Ziabogan trabatuta

Unai Zubeldia

Itsasoa zakartuta dabil Donostia aldean. Bizpahiru metroko olatuak, ipar haizea... Ez da giro Gipuzkoako hiriburuko kai inguruan. Azken hiru urteotan eginahalak eta bi egin dituzte emakumezkoen proiektu sendo bat sortzeko, baina ziabogan trabatuta jarraitzen dute Donostiako arraun klubek. Elkarrekin ados jarri ezinik, bihartik aurrera hiriburuko bi ontzi izango dira uretan Gipuzkoako Ligan: Donostia Arraun Lagunak, hirugarren urtez jarraian, eta Kaiarriba Donostiarra, lehenengoz.

Eka 16, 20172017-06-15gipuzkoa0 0

Gipuzkoako sei talde ariko dira Gipuzkoako Ligan

San Juan, Hibaika, Orio, Donostia Arraun Lagunak, Hernani eta Kaiarriba Donostiarra. Gipuzkoako sei klub horiek ariko dira, bihartik aurrera, Gipuzkoako Ligan. Deusto, Lea-Artibai eta Portugalete ere lehian izango dira, eta baita Castreña ere. Bilbon jokatuko dute lehen estropada, bihar, 11:30etik aurrera, eta ligak 11 estropada izango ditu guztira. Ohi bezala, bi luze eta ziaboga bat izango dituzte estropada guztiek.

“Sasoia behar da, baina, gogoa izanez gero, dena da posible”
Eka 16, 20172017-06-15Albisteak, gipuzkoa, Kirola0 0

“Sasoia behar da, baina, gogoa izanez gero, dena da posible”

A. Vierbücher

Emakumezkoak mendi lasterketetara hurbiltzeko asmoz jarri dute abian Zuk badezakezulako kanpaina Beasaingo Udalak eta Ehunmiliak ultratrailaren antolatzaileek. Jon Aranburu prestatzaile fisikoarekin (Barañain, Nafarroa, 1970) izandako lankidetzatik atera dute ideia. Maiatz bukaeran aurkeztu zuten egitasmoa, Beasainen, eta lehenengo harria jarria dute jada. Ehunmilietako Marimurumendi mendi maratoiko 42 kilometroak hiru etapatan egitea da proposamena, lan saio modura. Joan den igandean egin zuten lehenengo saioa, eta hurrengo bi asteburuetan egingo dituzte beste biak.

Eka 16, 20172017-06-15gipuzkoa0

Egitaraua

Gaur 18:00. Haur jolasak eta plazaren apainketa. 20:00. Txotx irekiera. Afaria, bakoitzak etxetik ekarritako janarekin. 3 euro balio du bi egunetan sagardoa edateko txartelak. Bihar 12:00. Monozikloen etorrera, diana eta triki-poteoa, herriko trikitilariekin. 12:00-14:00. Irrien Lagunen puzgarriak, eta aurpegi margoketa. 12:30. Pallasos en Rebeldia. 13:30. Monozikloen erakustaldia. 14:00. Bazkaria: paella solidarioa. 15:30. Urdaiazpikoa opari, haren pisua asmatzen duenarentzat. 16:00. Bingo...

Urtea bete elkartasun
Eka 16, 20172017-06-15Albisteak, gipuzkoa, Gizartea, Kultura0 0

Urtea bete elkartasun

Eider Goenaga Lizaso

Itsasondo ez da herri handia, baina, bere txikian, ekitaldi handia antolatu dute astebururako, euren herria utzi eta gainean daramatenarekin bizimodu berri baten bila atera behar izan duten milaka eta milaka errefuxiatuekin elkartasunean. Ongi Etorri Errefuxiatuak jarri diote izena jaialdiari, eta gaur arratsaldean hasita egitarau zabala atondu dute. Ongietorria, baina, ez da soilik errefuxiatuentzat. "Itsasondora datorren guztiari egingo diogu ongietorria. Izan ere, zenbat eta jende gehiago izan, orduan eta hobeto, diru guztia errefuxiatuekin lanean ari diren taldeentzat baita", azaldu du Erkuden Mendizabalek, Itsasondoko Ongizate zinegotzi eta jaialdiaren antolatzaileetako batek.