GIPUZKOAKO HITZA

Itsasoko Alegia auzoan Sindikatoa denda irekiko dute. Era autonomoan funtzionatuko du, eta edonoiz egin ahalko dira erosketak. Jasangarritasun ekonomikoa lortu nahi dute, bezeroei eta ekoizleei bestelako zerbitzu bat bermatzeko.

Gipuzkoan badira hainbat negozio arte galeria ere badirenak. Artea gustuko dutelako jartzen dituzte jabeek artisten lanak, eta hartara, artistei ezagutarazteko leiho bat ematen diete.

Munduko sagardo onenaren saria irabazi du Astigarragako Zapiain sagardoak AEBetan egin den lehiaketa batean. Pozik da Ion Zapiain ere. 1980ko urteetan zabaldu zuten upategia.

Markel Merino lezoarrak garun paralisia du, eta Arkaitz Erice 'Kalu'-k haren aldeko elkartasun proba bat egingo du ekainaren 21etik 22ra: hamabost orduz arituko da korrika.

Bertsozale Elkarteak Villabona-Amasako Subijana etxean duen egoitza oihal lantoki ezaguna izan zen 1860tik 1980ra bitartean. Emakumezkoak ziren langile gehienak, eta haiek omentzeko ekitaldia egingo dute gaur.

Planetaren Jardunaldiak egingo ditu asteon Pasai San Pedroko Mater ontzi museo ekoaktiboak. Donostian izan ziren atzo arte, eta Irungo Ficoba erakustazokan izango dira igandera bitarte. Tailerrak, jolasak eta hitzaldiak antolatu dituzte, besteak beste.