Abe 6, 20132013-12-060 0

Akordeoien akorde ugari

Musika

Arrasate

Akordeoien akordeek hartuko dute asteburu osoan Arrasate, hiru jaialdiz gozatzeko aukera izango baita: Arrasate Hiria Nazioarteko Akordeoi Lehiaketa, Gipuzkoako Lehiaketa eta Gipuzkoako Jaialdia antolatu dituzte gaurtik igandera bitarte.

Arrasate Hiria Nazioarteko Akordeoi Lehiaketak 21. aldia du. Ohi bezala, nazioarteko hainbat soinu jotzailek parte hartuko dute; aurten, 11 herrialdetatik etorriko dira: Kroazia, Frantzia, Serbia, Polonia, Hungaria, Alemania, Katalunia, Portugal, Kazakhstan, Eslovakia eta Txinatik. Derrigorrezko obra Georg Katzerren Toccata izango da guztientzat.

Lehiaketa horren barruan, gaur izango dira kanporaketa faseko saioak, 09:00etan eta 15:00etan, Amaia antzokian. Azken fasekoak, berriz, igandean, 10:00etan eta 15:30ean, toki berean.

Gipuzkoa mailako saioak

Arrasate Hiria txapelketan bezala, Gipuzkoako Lehiaketan ere gaur jokatuko dute kanporaketa fasea senior mailakoek, 18:00etan, Amaia antzokian. Azken fasea igandean izango da, 08:30ean. Maila horretan ariko diren akordeoi jotzaileek Zuriñe F. Gerenabarrenaren Arnasa jo beharko dute derrigorrez.

Junior eta haur mailetako kontzertu guztiak ere igandean izango dira, kultur etxean eta Arizmendi ikastolan. Junior mailan Andrzej Krzanowski musikagilearen pieza bat eskainiko dute guztiek; haurren kategorian, Hauta-Ahoren Takaa-ajo + voitto! obra.

Horrekin batera, Gipuzkoako Jaialdia ere izango dute asteburuan Arrasaten. Jaialdi hori musika eskoletako mailaren adierazgarritzat jotzen dute; lehiatzeko baino gehiago, haurrei "lehenengo pausoak" emateko aukera eskaini nahi diete. Emanaldi guztiak bihar izango dira, 09:30etik aurrera.

Musikak askotariko guneak hartuko ditu: Amaia antzokia, kultur etxea eta Arizmendi ikastola. Jaialdia sari banaketarekin amaituko da, bihar, 20:00etan, Amaia antzokian.

Abe 6, 20132013-12-060 0

Indar antioxidatzaile handia du sagardoak ere

Ardoaren indar antioxidatzaileaz asko hitz egiten bada ere, sagardoak ere badu propietate hori. Gezamina eta moko sagarren polifenol kopuruari esker, mota horietako sagardoek teak, ardo gorriak, ardo zuriak, garagardoak, laranja zukuak eta oliba olioa...

Abe 6, 20132013-12-060 0

MUSIKARAKO ETA HIZKETARAKO TARTEA

Musikagela Weekend jaialdiaren laugarren aldia iritsi da. Horren barruan, hainbat kontzertu antolatu dituzte gaurko eta biharko Donostian, Gazteszenan. Gaur, 20:00etatik aurrera, Supersweet, Los Hormigones eta Kryzer taldeak ariko dira; bihar, ordu berean, Los Coronas eta Los Galerna. Gaurko kontzertuak ez bezala, biharkoak ordaindu egin beharko dira —10 euro—. Jaialdia ez da musika soilik izango, ordea. Hilaren 14rako hainbat hitzaldi iragarri dituzte. Aurten, zinema musikal dokumentalari eta sustatzaile berriei eskainiko diete egun hori, eta goiz eta arratsaldez zenbait gonbidatu ariko dira solasean.

Abe 6, 20132013-12-060 0

39

• Antalis ixtean lana galduko duten langileak. Antalis paper fabrika multinazionalak, Albizturren duen enpresa itxi, eta 39 langile botako ditu kalera, ELA sindikatuaren arabera. Enpresako zuzendaritzak eta sindikatuek asteazkenean ekingo diete negoziazioei.

Aza 29, 20132013-11-290 0

Asuncion publikoki kudeatzea eskatu dute Tolosaldean

Tolosaldeko, Andoaingo eta Legorretako herritarrei eragiten die Asuncion klinikako auziak. Langileen ordezkariek eta osasun publikoaren aldeko herritarrek argi dute 2011n berritutako hitzarmenaren aurreko egoerara itzultzea dela bidea, eta kudeaketa s...