GIPUZKOAKO HITZA

Aurreko urteetan ez bezala, Gipuzkoako Elikagaien Bankuak aurten bat egin du bi eguneko ezohiko bilketa kanpainarekin. Azaroaren 29an eta 30ean egingo dute, eta ohiko kanpainetan baino leku gehiagotara iristea dute xede: Gipuzkoa osoko 30 herri eta 5...

Gazterik odola ematen hasi eta ahal duten artean horretan jarraitzen dutenei nolabaiteko aitorpena egiten die Gipuzkoako Odol Emaileen Elkarteak. Hernanin, esaterako, joan den urriaren 27an omendu zituzten 25, 40 eta 50 aldiz odola emandako 29 herrita...

Osasun egoera "larria" jasan arren, taupaka jarraitzen dute abesbatzen bihotzek. Zailtasunak zailtasun, "zorionez", badago harrobia hauspoa betetzen segitzeko. "Gazteek gaur egun eskura duten eskaintza zabala aintzat hartuta, asko dira kantatzearen alde egiten dutenak, eta alde horretatik ez dago arazorik". Hala onartu du Julitxu Gyslingek, Gipuzkoako Abesbatzen Federazioko lehendakariak. Baieztapen horren erakusle da gazteen abesbatzek Zarautzen egingo duten topaketa. Azaroaren 30ean eta abenduaren 1ean, seigarren tailerra egingo dute, Gipuzkoako Abesbatzen Federazioak antolatuta.

14 eta 23 urte arteko gazteek parte hartuko dute tailerrean, eta abesbatza bakoitzetik gehienez hamabost lagun izango dira. Gipuzkoa osoko taldeek bat egingo dute; tartean daude Arrasate, Zegama, Tolosa, Alegia, Zestoa, Bergara, Donostia, Hernani eta Oñatiko gazteen abesbatzak. Gyslingek azaldu duenez, "asmoa da abesbatzetako gazteei beste zuzendari batzuekin kantatzeko aukera ematea, baita bestelako abestiak landu eta beste taldeetako neska-mutilekin kantuan aritzea ere". Aurtengoan, adibidez, bi zuzendarirekin egingo dute tailerra: Imanol Elizasu Orereta abesbatzakoarekin eta Juan Gainza Iruñeko Gazte Orfeoikoarekin.

Horrelako egitasmoetan parte hartzea erabat positiboa dela iritzi dio Gyslingek, gazteen jardunari begira: "Ezagutzen duten mundua zabaltzeko balio die. Euren abesbatza da ezagutzen dutena, eta halakoen bitartez gauza berrietara egokitzeko erraztasuna eman nahi diegu; zuzentzeko beste modu batzuk ezagut ditzaten, zuzendari guztiak eta lan egiteko moduak ez baitira berdinak".

Partitura aurreko lana ez ezik, beste hainbat ekintza ere egingo dituzte, "ondo pasatzea" baita beste helburuetako bat. "Kontuan izan behar da gure abesbatzak amateurrak direla, abestearen arrazoi bakarra plazer hutsa dela. Sentsazio hori zaintzen duen edozein ekintzak merezi du".

Aurten, Body Percussion jarduera izango dute berritasun gisara; horren bitartez, gorputz perkusioa landuko dute Jorge Pacheco perkusionistarekin. Asteburua, beraz, ez da soilik lanerako izango. Guztientzat irekia izango den kontzertu batekin amaituko dute asteburua; Andre Maria Erreginaren parrokian eskainiko dute, 17:30ean.

"Kulturaren beste hainbat arlotan" gertatzen ari den bezala, abesbatzen etorkizuna ere "ez da samurra", Gyslingek nabarmendu duenez. Abeslari kopuruaren aldetik osasuntsu dagoen arren, bada urteetan eta "ia mundu osoan" mantentzen den gabezia bat: "Mutilen kopurua urria da oraindik". Horren isla da hurrengo asteko topaketan parte hartuko dutenen kopurua: 70 izango dira neskak, eta hamabi mutilak.

Donostiako Bera Bera eskubaloi taldeak ez zuen erraza aurrera egitea Txapeldunen Ligan, 11 golen aldeaz nagusitu behar baitzitzaion Kroaziako Podravka Vegeta taldeari. Ez zuen halakorik lortu, baina, behinik behin, irabaziz esan zion agur txapelketari...

Haur eta gazteei ez ezik, helduei ere zabaldu nahi die eskaintza Gipuzkoako Abesbatzen Federazioak; horregatik, aurten lehenengoz helduentzako topaketa egingo dute Donostian, abenduaren 14an. Gure betiko abestiak izenburupean, 55 urte edo gehiagoko ab...

Etxetik datorkio sare konpontzailearen ofizioa Mertxe Mendizabali (Getaria, 1949). Ama ere sare konpontzailea izandakoa da, eta familiako itsasontzia dute Getarian. Ofizio horretan dabiltzan gehienak armadoreen emazteak edo alabak direla esan du Mendi...

Inor gutxik aukeratuko luke harea goria desertuan oasia eskura izanda, nahiz eta desertua benetan ezagutzeko hondarretan ibiltzea ezinbestekoa izan. Jendea desertuan sufritzen ari dela jakin arren, oasian murgiltzen dira asko eroso, begiak itxita, be...

Odol Emaileen Elkarteak antolatutako ateraldiez gain, egin daitezke enpresetan, erakundeetan edo irakaskuntza zentroetan ere. Horretarako, gutxienez, hogei emaile behar dira. Elkarteko ordezkariek antolatzaileekin bilera egiten dute, data eta bestelak...

Ekintzak gaztetxeanAndoainAndoaingo gaztetxea 29. urteurrena ospatzen ari da hilabete osoan. 12 + 17 izena jarri diote, gaztetxe zaharrean eman zituzten hamabi urteak eta egungo eraikinean bete dituzten hamazazpiak gogoratzeko. Askotariko ekitaldiak i...

Behar guztiak betetzeko beharrezkoa da Gipuzkoako 18 eta 65 urte bitarteko biztanleen %3 odol emaile bihurtzea, urtean behin edo bitan odola ematea, alegia. Erronka hori dute datorren urterako.