Villabona-Amasako emakumeen lehen topaketa, bihar

Lurgatz talde feminista duela urtebete sortu zen, Villabona-Amasan. Bihar, topaketak egingo dituzte herriko emakumeek elkar ezagut dezaten. Gisa askotako emakumeek osatzen dute herriko mugimendu feminista, eta orain arte zailtasunak izan dituzte bestelako jatorrietako emakumeak taldera biltzeko. Horretarako da biharko eguna. 12:00etan, tailerrak egingo dituzte, Errebote plazan, eta, 14:00etan, hainbat jatorrritako jakiak dastatuko dituzte, Berdura plazan.