gipuzkoa

2018-10-122018-10-11gipuzkoa, Iritzia

Jolas batek salbatu nau

Danel Agirre

Ska tronpetatsua eta zabor poltsekin jositakoak diruditen jaka eta txaleko termikoak bezainbeste gorrotatzen ditut, ia-ia, autoz egindako joan-etorri luzeak (zabor poltsekin jositakoak diruditen jaka eta txaleko termikoekin jantzita, ska tronpetatsua entzunez autoz egindako joan-etorri luzeak amestu izan ditut, eta izerdi hotzetan blai esnatu). Gauza jakina da autoan usteltzeari diodan alergia berbera partekatzen dutela nirekin haurrek ere. Ezinikusi hori, beraz, txikitatik kronifikatu zait.

Etxebizitza eskubidea etxe hutsekin betez
2018-10-122018-10-11Albisteak, gipuzkoa, Gizartea

Etxebizitza eskubidea etxe hutsekin betez

Eider Goenaga Lizaso

Bizileku bat izatea eskubide subjektibo gisa izendatzen du Euskal Autonomia Erkidegoko Etxebizitzaren Legeak, eta etxebizitza hutsak dituzten jabeak zigortzea, alokatzera behartzea edo etxea desjabatzea aurreikusten du. Lege hori 2015eko ekainean onartu zuen Eusko Legebiltzarrak, baina indargabe gelditu zen indarrean sartzeko aukerarik izan baino lehen. Legearen hainbat punturen kontrako helegitea aurkeztu zuen Espainiako Gobernuak, eta 2016ko apirilean Espainiako Auzitegi Konstituzionalak bertan behera utzi zuen legearen aplikazioa, haren edukien gaineko erabakia hartu arte. Urriaren 2an heldu zen erabakia: Konstituzionalak ontzat jo ditu legearen ia puntu guztiak. Horren ondorioz, Eusko Jaurlaritzako Etxebizitza Sailak eta udalek bi urtean baino gehiagoan hutsik dauden etxebizitzen inguruko neurriak hartzeko aukera dute.

Klik eta klik, historian bidaian
2018-10-122018-10-11Albisteak, gipuzkoa, Kultura

Klik eta klik, historian bidaian

Unai Zubeldia

Gaur egungo gailuekin, badirudi edonor izan daitekeela argazkilari, baina lanketa handia dago argazki bakoitzaren atzean". Iñaki Delgado Gipuzkoako Argazkilari Elkarteko kidearen hitzetan, "argi polita edukitzea" da argazki ona ateratzeko ezinbesteko lehen baldintza. "Argiarekin egiten dugun jolasa delako argazkia". Argazkigintzak umetan zaletu zuen Delgado, eta pasioz bizi du elkartearen eguneroko jarduna.

2018-10-052018-10-04gipuzkoa

65.461

ETORKINEN KOPURUA GIPUZKOAN Ikuspegi Immigrazioaren Euskal Behatokiaren datuen arabera, Gipuzkoan 65.461 etorkin bizi ziren 2017. urtearen amaieran. Kopuru horretan Espainiakoa ez den pasaportea duten herritarrak hartzen dira kontuan; ondorioz, Ipar Euskal Herrikoak etorkin gisa hartuak dira; baina gainerako euskal lurraldeetakoak, ez.

Etorkin adina begirada
2018-10-052018-10-04Albisteak, Asteko Gaiak, gipuzkoa, Gizartea

Etorkin adina begirada

Eider Goenaga Lizaso

Gipuzkoa osoan, 65.000 inguru dira Espainiakoa ez den beste pasaporte batekin bizi diren etorkinak. Sorterria utzi izanak batzen ditu, baina bere istorioa du bakoitzak. Immigrazioa ez da errealitate bakarra; ez da gauza bera emakume edo gizon izatea, musulman edo katoliko izatea, Europatik edo Afrikatik etortzea, lan kontratuarekin edo gabe etortzea... Eta ez da gauza bera hirian edo herri txiki batean bizitzea. Herri txikietan bizi dira Sara, Hanan eta Nihail, baina oso ezberdin bizi dute immigrazioa.

2018-10-052018-10-04gipuzkoa

Elkarbizi Sarea

2016ko apirilean, udalerrietan aniztasun eta migrazio gaietan lanean ari diren arduradun tekniko eta politikoen Elkarbizi Sarea jarri zuen martxan Gipuzkoako Foru Aldundiak, arlo horietan diharduten udal arduradunen artean ezagutza, elkarlana eta sinergiak sustatu asmoz. Bi urte eta erdian, baina, herri handiak parte hartu dute, batez ere, sare horretan. Zentzu horretan, herri txikien falta sumatzen zuen...

2018-10-052018-10-04gipuzkoa

Egitaraua

Gaur amaituko da Lurraldea eta Hizkuntza. Arnasguneen prebentziotik garapenera jardunaldietan izena emateko epea. Azpeitian egingo dituzte jardunaldiak, urriaren 10ean. 09:00. Jardunaldien hasiera. 09:15. Arnasguneen garapen jasangarriaz proiektuaren aurkezpena, Kontseiluko koordinatzaile Iker Salaberriaren eskutik. 09:45. Hizkuntza Korridoreak saioa. Anartz Ormaza arkitekto eta Eragin Linguistikoaren Ebaluazioan unibertsitate adituak gidatuko du saioa: Itsaso Olaizolak (Ekogunea) Ekologiaren begiradatik hitzaldia...

Oasian ere badira lainoak
2018-10-052018-10-04Albisteak, gipuzkoa, Gizartea

Oasian ere badira lainoak

Eider Goenaga Lizaso

Euskararen ezagutza eta erabilera erabatekoa den herririk inon ez dagoenez, horretara gehien hurbiltzen diren udalerriak hartzen dira hizkuntzaren normalizazioaren eredu gisa. Gipuzkoan, asko dira euskararen indizea %70etik gora duten herriak (herri batean dauden euskaldunen kopuruari ia euskaldunak direnen erdiak gehituta ateratzen da datua), baina guztiak ez dira arnasgune. Arnasgune batean, euskararen ezagutza altua izateaz gain, euskararen erabilerak nagusi izan behar du, baita herriko zerbitzu guztietan edo ia guztietan ere, publiko zein pribatu. Horrek asko murrizten du udalerrien zerrenda.

Bakardadeari begietara begira
2018-10-052018-10-04Albisteak, gipuzkoa, Gizartea

Bakardadeari begietara begira

Unai Zubeldia

Hogei urte baino gehiago daramatzat nire moduan erretiroa hartuta dauden adinekoei laguntzen, eta zer edo zer falta zaidala sentitzen dut eurekin ez nagoenetan". Antonio Alvarez Avilakoa (Espainia) da jaiotzez, eta 18 urterekin iritsi zen Zumaiara. 82 urte beteta, berak ere "aspaldi" hartu zuen erretiroa, eta berehala jabetu zen ingurukoei laguntzeko irrika zeukala. Barruak hala aginduta eman zuen pausoa, eta bost minutu nahikoak dira Zumaiako San Juan egoitzako adinekoek Alvarezi estimu handia diotela ikusteko; telebistari begira, paseatzeko zain-zain dauzka hainbat. "Kargu hartzen didate, gainera, bat paseatzera atera eta besteari kasurik egiten ez badiot; haserretu egiten dira".