gipuzkoa

[Museora] Donostiako Elizbarrutiaren Museoa. Eliz-arteari kokaleku berria
2017-10-132017-10-12Albisteak, gipuzkoa, Kultura, Museora

[Museora] Donostiako Elizbarrutiaren Museoa. Eliz-arteari kokaleku berria

Eider Goenaga Lizaso

Urte askotan Amara Berriko Familia Sakratuaren elizan egon ondoren (1974tik), iaz Donostiako Parte Zaharreko Santa Maria elizan ireki zuten Donostiako Elizbarrutiaren Museoa. Kokapen berriarekin, obra gehiagorekin eta museografia landuagoarekin, indarberritu egin zuten museoa, eta horren erakusgarri da urtebetean izandako bisitari kopurua: 50.000. Edorta Kortadi (Tolosa, 1946) Santa Mariako erretore eta museoko arduradunak dioenez, kokaleku berria faktore garrantzitsua izan da museoari beste ikusgarritasun bat emateko: "Turista ugari pasatzen da hemendik, baina bertako jendea ere ibiltzen da, bai paseoan bai baxoerdiak hartzen; Parte Zaharrean denetariko jendea ibiltzen da, eta askotan aprobetxatzen dute museoa bisitatzeko".

2017-10-132017-10-12gipuzkoa

Kosta Gastronomika

Urte osoan bertako produktuak dastatzeko aukera ematen dute Getaria, Orio, Zarautz, Zumaia eta Aiak, baina bisita bereziak antolatu dituzte gaurtik etzira: Gaur 11:30-13:00. Txakolinaren txinparta esperientzia, Getariako Akarregi Txiki txakolindegian. 13:00-14:00. Bisigua Orio estilora! esperientzia, Orioko Katxina jatetxean. Bihar 11:00-12:30. Merkatutik zuretzat! jardunaldia, Zarauzko merkatuan. 11:00-12:30. Flyscheko olagarroa esperientzia, Zumaiako geoparkean. 11:30-13:00. Txakolinaren txinparta esperientzia,...

“Zer duen berezia bizkotxoak? Oñatikoa dela, besterik ez”
2017-10-062017-10-06Elkarrizketa, gipuzkoa

“Zer duen berezia bizkotxoak? Oñatikoa dela, besterik ez”

Aitor Biain

"Nork ez du gozoa gustuko?". Anton Azpiazuk (Oñati, 1955) pasio du gozoaren mundua. Badira urte batzuk Oñatiko txokolatearen historiaren inguruan ikertzen hasi eta Txokolaiteixia txokolatearen interpretazio zentroa zabaldu zuela. Egindako lanarekin nahikoa ez, eta herriko gozoaren historian murgilduta jarraitzen du oraindik. Hala, Oñatiko bizkotxo zaharraren errezeta berreskuratu nahi izan du orain. "Osagarriak baitira txokolatea eta bizkotxoa". Errezeta berreskuratzeaz gain, ekoitzi ere egin du.

2017-10-062017-10-05gipuzkoa

Katalanek gauzak egiten dituzte

Felix Arrieta

Hala zioen Mariano Rajoyk katalanak seduzitzeko helburuarekin orain dela urte batzuk grabatu zuen bideo batean. Maite omen zituen katalanak, "gauzak egiten dituztelako". Pasa den urriaren 1ean (eta haren segidako urriaren 3an) erakutsi zuen Kataluniak noraino den "gauzak egiteko" kapaz. Noraino, egituratutako gizarte eta erakunde katalanen indar metatzeak, kinka larrian jarri duen Estatuaren egitura eta agerian jarri duen urteetan ezkutuan zebilen eskuin muturreko Espainia bat eta bakarraren diskurtsoa.

Herrikideez harro
2017-10-062017-10-05Albisteak, Asteko Gaiak, gipuzkoa, Gizartea, Politika

Herrikideez harro

Eider Goenaga Lizaso

Gipuzkoan bizi diren kataluniar gehienek —bertan erroldatuta daudenek, behintzat— ez zuten igandeko erreferendumean bozkatzeko eskubiderik. Horrek, ordea, ez du esan nahi orain arteko prozesua eta, batez ere, igandeko gertakariak urrunetik bizi izan dituztenik. Bozkatzeko eskubidea izan ala ez, asteburua jaioterrira itzultzeko baliatu zuten askok, eta ezin izan zutenek hedabideei eta sare sozialei begirik kendu gabe egin zuten jarraipena.

Uztak pasta ematen duenean
2017-10-062017-10-05Albisteak, Ekonomia, gipuzkoa, Gizartea

Uztak pasta ematen duenean

Erik Gartzia Egaña

Gure aitona-amonek ia ezagutzen ez bazuten ere, egungo dietan gehien zabaldutako elikagaia da pasta. Marka eskaintza handia dago, eta Zituene batu zaie orain artekoei. Naiara Retegi eta Iker Eizagirre oiartzuarrek sortu dute marka hori. Duela urtebete pasatxo jarri zuten martxan; Retegik gogorarazi duenez, bere ekimenez: "Makina txiki bat utzi ziguten Txaramela Bizkaiko pasta ekoizleek. Probatzeko asmoz egin genuen, hasieran ez baikenekien pasta egiten". Retegi eta Eizagirre kide diren kontsumo taldekoak izan ziren lehenengo proba haien akuriak. "Guretzat oso garrantzitsua zen eurek probatzea, eta ez ziguten kritikarik egin".

Bidaia soila baino gehiago
2017-10-062017-10-05Albisteak, Ekonomia, gipuzkoa, Gizartea

Bidaia soila baino gehiago

Unai Zubeldia

Jarrera bat da proiektu hau; gutxienekoekin bidaiatzeko proposamena". Arkitektoak izaki, Irati (1986) eta Gorane Mendizabal (1982) Ordiziako ahizpek ezinbestean daukate buruan iltzatuta espazioaren ideia. "Behar duzun guztia, baina gehiago ez; hori da gure proiektuaren ideia". Biek ala biek aitortu dute bidaia "dezente" egindakoak direla, eta bidaia zaleentzat eskaintza erakargarria daukate esku artean: autoarekin batera garajean sartzeko moduko mikrokarabana, Soil izenekoa. "Txikitasunaren ideia azpimarratu nahi genuen izenean ere, eta horregatik aukeratu genuen euskarazko hitz hori". Eta gehiegi bilatu gabe aurkitu zuten pare-pareko definizioa. "Ingelesez lurra esan nahi duelako soil hitzak. Jolas hori baliatu ahal izan dugu".

Telefono deiaren arrastoan
2017-10-062017-10-05Albisteak, gipuzkoa, Kultura

Telefono deiaren arrastoan

Unai Zubeldia

Betidanik idatzi izan dut, txiki-txikitatik, baina inoiz ez dut bidali izan lanik inora". Bat-batean, ordea, itzaletik argitara atera da Maixa Zugasti (Tolosa, 1973). L.A.A. emakumeen aurkako indarkeriari buruzko eleberriarekin Kutxa Irun Hiria saria irabazi du Hernanin bizi den tolosarrak, euskarazko eleberrien sailean. "Eta hunkituta nago oraindik. Niretzat izugarria da Arantxa Urretabizkaia, Jon Kortazar, Felipe Juaristi... maila horretako idazleek osatutako epaimahaiak saria ematea eta lana argitaratzeko aukera izatea". 25.000 euro eta garaikurra eskuratzeaz gain, eleberria kaleratzeko aukera izango du orain. "Lehenbailehen kaleratu nahi dute, Durangoko Azoka ere gerturatzen ari delako".

Arsuagaren unibertsoa
2017-10-062017-10-05Albisteak, gipuzkoa, Kultura

Arsuagaren unibertsoa

Rebeka Calvo

Naturaren eta denboraren hauskortasuna, eta bizitzaren zein margotzearen inguruko hausnarketak, ideia horiek bildu nahi izan ditu Mariano Arsuaga margolariak (Irun, 1954) Donostiako Koldo Mitxelena kulturunean. Ganbara aretoan ikus daiteke Lorategiak airean, baina erakusketa bakan bat baino gehiago da. Izan ere, Gasteizen eta Iruñean egongo da ikusgai ondoren. Horietan, baina, lan gehiago ere ikusi ahal izango dira; proiektua osatzeko hamabost karpeta biltzen dituen katalogoa prest izango du ordurako. "Hurrengo bi hirietarako banatu ahal izango dugu katalogo hori", azaldu du artistak berak. "Nire lan egiteko moduaren isla da katalogoa. Egunerokoek osatzen dute lanaren zati handi bat; egunerokoetan ikus daiteke nire sormen lana nolakoa den; eta erakusketa honen muina hori ere badenez, katalogoan hori ere islatu nahi nuen".