Negozio batzuek jada urtebete daramate aldundiak zergadunentzako ezarritako Ticket Bai sistema erabiltzen. Aurkeztu zutenetik beretik hautsak harrotu zituen programa berriak, eta hura erabiltzen hasi diren zergadun batzuek salatu dute traba bat dela. Ogasun Sailak, ordea, ontzat jo du sistema.
Lehendik ere turismoaren fokuan dago Oñati, Arantzazuko santutegiagatik, besteak beste, eta Europak herri turistikorik onenaren saria eman dio orain. "Turismo jasangarria" nahi du Izaro Elorzak.
Landa Eremuko Emakumeen Nazioarteko Eguna da etzi, urriaren 15ean. Gipuzkoan, egun, emakume asko bizi dira landa eremuan, baina horrek ez du esan nahi guztiak baserritarrak direnik. Dena dela, lurretik bizitzea erabaki dutenek geroz eta toki gehiago daukate erabakiguneetan.
Etxebizitza bat lortzeko bidea nabarmen zailtzen zaie pertsona arrazializatuei. Behin eta berriz jasaten duten diskriminazioa salatu dute 'Ausartak' izeneko jardunaldietan, Donostian.
Alternatiben Oihartzuna antolatu dute urriaren 21erako, Oiartzunen. Ekonomia sozialean oinarritutako egitasmoen eta proiektu alternatiboen erakusleiho izango da ekitaldia.
Merkataritza txikia indarra galtzen ari da; horren erakusgarri da azkenaldian pertsianak betiko jaitsi dituzten denda txikien ugaritzea. Fenomeno horren beste aldean dago frankizien eta saltoki handien etengabeko ugaritzea, hori guztia globalizazioarekin lotuta. Gipuzkoan ere nabarmena da aldaketa.
Enpresa pribatuek kudeatutako Gipuzkoako hainbat kiroldegitan gatazka bera izan da. Soldata igotzea eta lanorduak aitortzea nahi dute Usabalgo langileek.
Mahatsa biltzen hasi dira Getariako Txakolina jatorri izenaren parte diren upategiak. Aurreikusi dute lau milioi kilo mahats baino gutxiago bilduko dutela aurten, ziurrenik.
Basque Culinary Centerren Donostiako proiektu berria hartuko duen eraikina Gros auzoan eraikiko dute. Herritarren haserrea piztu du egitasmoak; auzoko eremu berde bakarrean eraikitzekoak direlako, besteak beste.
Festetatik etxera bueltatzeko edo edozein tokitara mugitzeko. Taxia asko erabili ohi da. Egunero edozein errepidetan lanean ikusten diren gidari horiek orduak igarotzen dituzte autoan, baina lanbidearen alde on eta txarrak ez dira hain ezagunak.
