Zaintzadi egitasmoaren barruan, 'auzozain' izeneko figura sortu dute Oiartzunen. Boluntarioak dira guztiak, eta bakardade egoera ez-hautatuan dauden herritarrei laguntzea da horien helburua.

Goierri Fagota taldeak LGTBI komunitatearen sarea osatu nahi du. Itzaleko lana egin ostean, jauzia egin dute aurten, jende gehiago erakartzeko eta talde osatuagoa izateko.

Janaria, materiala eta dirua biltzen dute Hotza Oñatiko kideek, gero errefuxiatuei laguntzen dieten erakundeei bidaltzeko. Begoña Murguzurrek eta Leire Etxeberriak adierazi dute "jende dezente" izaten dela laguntzeko prest.

Gipuzkoako DYAk mende erdia bete du, eta Irene Tapia lehendakariak esan du "bigarren aro" moduko baten atarian daudela gaur egun. Ugaritu egin dira gizarte ongizateari lotutako beharrak, eta horiei erantzun nahi die erakundeak, bestelako zereginak alde batera utzi gabe.

Gipuzkoako Emaus fundazioak enplegua %16 igotzea lortu du, Lehiakortasun eta Berrikuntza Planaren bidez. Horri esker, lanpostuak eman dizkiete egoera zaurgarrian dauden 43 pertsonari, lan mundua ezagutu eta bertan murgildu daitezen.

Xabier Rico Hurtadok Donostiako Ategorrieta auzoaren inguruko liburu bat argitaratu du, eta adierazi du haren istorioa eta bilakaera ezagutzeko balio duela. Hainbat pasarte bildu ditu, garai bateko gertaerak kontatzeko.