Urtero, jazz musikaren eskaintzarik oparoenetako bat izaten da Donostiako Jazzaldia —uztailaren 21etik 25era egingo dute aurten—, baina ez bakarra. Goierriko Jazzaldia egingo dute, gaurtik igandera, Ordizian eta Araman, eta Arrasate Blues jaialdia hurrengo ostegunetik igandera.
COVID-19aren ondorengo agertokian, tokiko gobernantzari buruzko udako ikastaro bat egingo dute, irailean, Errenteriako Lekuona fabrikan.
Iazko uda oso txarra izan zen jaien bueltan lan egiten dutenentzat. Mugimendu gehiago igartzen hasi dira aurten, baina beldur pixka bat badagoela aitortu dute, eta iruditzen zaie inork ez duela lehena izan nahi gauzak antolatzen. Beharrezko segurtasun neurriak hartuta lanean jarraitzeko aukera eskatzen dute.
Gipuzkoan, pixoihalek eta higiene produktuek osatzen dute urtero sortzen den errefusaren %70. Birziklatzeko gaitasun teknologikoa badago. Arazoa errotik ezabatzeko neurriak galdegin ditu Eguzkik.
Nigeriar jatorriko pertsonen komunitateak gorakada handia izan zuen 2014an Gipuzkoan. Divina emakume nigeriarren elkarteak egoitza bat ireki du orain Ordizian.
Uztailaren 15era arte '30 emakume ahaztezin' erakusketa egongo da ikusgai Zegamako Anduetza parketxean. Nahi duen orok bere ekarpena egin dezake erakusketa osatzeko.
Oñatiko Udalak Onaro telekomunikazio operadorea sortu du. Sustatzaileen hitzetan, erabiltzaileek ia 400 euro aurrez ditzakete, beste operadoreekin alderatuta. Oñargirena izango da azpiegitura.
Tolosako Elosegi parkeko bioaniztasuna balioan jartzeko, ibilbide botaniko bat markatu dute, eta aukera dago espezierik esanguratsuenen datuen eta bitxikerien berri izateko.
Errezilen aspaldi galdu zen garia ereiteko ohitura. Zazpi gari mota zahar landatu dituzte Gipuzkoako zenbait okinek, garai bateko gari horiek berreskuratzeko helburuarekin.
Sagar Arte elkartearen ekimenez, Sagarkultur jaialdia egiten ari dira, bigarren urtez, Astigarragako Astarbe sagardotegian. Beste zazpi saio izango dira uztailaren 25era arte.
