Albisteak

2016-12-162016-12-15gipuzkoa

Beste azoka batzuk

Azkoitia

Beningo haurrentzat janaria. Azkoitiko Gazteak eta Garapena gobernuz kanpoko erakundeak Beningo haurrentzako janaria bilduko du. Floreaga ikastetxean jasoko dute janaria, abenduaren 22ra arte, eta baita herriko hainbat dendaren atarian ere, gaur eta bihar. Galtzen ez diren gaiak bilduko dituzte: arroza, pasta, dilistak, babarrunak...

Aretxabaleta

Greziara eta Saharara bidaltzeko jostailuak. Jostailu bat, irribarre bat kanpainaren barruan, Greziako eta Saharako kanpamentuetan dauden haurrei bidaltzeko jostailuak jasoko dituzte gaur 17:00etatik 19:30era eta bihar 11:00etatik 13:00era, herriko plazan. Egoera onean dauden jostailuak eskatu dituzte, eta izan daitezela pilarik gabekoak. Ume bakoitzarentzat opari bat jasotzea da antolatzaileen nahia —Guraso Foroa, udala, Algara ludoteka eta Hiruatx elkartea—.

Arrasate

Bigarren eskuko arroparen azoka. Arrasateko Gaztetxeak antolatuta, bihar, egun osoan, bigarren eskuko arroparen azoka egingo dute Biteri plazan.

Ia herri guztietan

Martuteneko presoentzat.

Espetxe Pastoraltzakoak Martuteneko kartzelako presoentzako hainbat gauza biltzen ari dira herrietako parrokietan. Hilaren 19ra arte jasoko dituzte. Honako hauek eskatzen dituzte: artilezko txanoak, gizon eta emakumeentzako barruko arropa berria, txankletak eta kirol oinetakoak (emakumezkoentzat 37-40 eta gizonezkoentzat 41-44 zenbaki artekoak), galtzerdiak, azazkalak moztekoak, tabako gorria eta metxeroak, turroi biguna, eta gutun azalak eta zigiluak. Jasotako materiala Eguberri bezperan banatuko dute presoen artean.

Orio

Jostailuak trukatzeko aukera. Herrio Natur Taldeak antolatuta, erabilitako jostailuak trukatzeko azoka egingo dute igandean, 10:30etik 14:30era, herriko plazan. Eguraldi txarra egingo balu, pilotalekuan jarriko lukete postua. Gaur arratsaldean jostailuak biltzen ariko dira Herrio taldekoak: Zaragueta eskolan, 16:00etatik 17:00etara; eta Orioko Ikastolan, 16:30etik 17:30era. Bihar, berriz, herriko plazan bilduko dituzte jostailuak, 17:00etatik 19:00etara. Herrio Natur Taldeko kideek jakinarazi dute jostailuek osorik egon behar dutela, eta egoera onean, "norberari hartzea gustatuko litzaiokeen moduan".

Soraluze

Bigarren eskuko azoka solidarioa. Soraluze BHI ikastetxeak antolatuta, V. Bigarren Eskuko Azoka Solidarioa egingo dute bihar goizean, herriko Plaza Zaharrean. Azokan ateratzen duten dirua Alboan gobernuz kanpoko erakundearentzat izango da.

Tolosa

Bigarren eskuko eta truke azoka. Ana Yurd elkarteak antolatuta, bihar, bigarren eskuko azoka eta truke azoka egingo dituzte, Berdura plazan, 16:30etik 19:30era. Hilero egiten dute, hirugarren larunbatean.

Usurbil

Erabilitako jostailuen merkatua. Hitz-Aho Udarregi ikastolako Guraso Elkartearen ekimenez, bihar, 11:00etatik 13:00era, erabilitako jostailuen 10. azoka egingo dute frontoian. Gaur, 17:00etatik 19:00etara azokarako materiala biltzen ariko dira Sutegiko aretoan. Materiala musu-truk emango dute herritarrek; trukean, nahi izanez gero, txartel bat jasoko dute, azoka egunean beste zerbaitengatik aldatzeko. Jostailuen truke azoka.

Zarautz

Opari trukeen merkatua. Zarauzko Kale Hezitzaileak taldeak antolatuta, Gabonetarako opari trukeen merkatua egingo dute gaur, 17:00etatik 19:00etara, Lege Zaharren enparantzan.

Bigarren eskuko azoka. Igandean, egun guztian, bigarren eskuko azoka egingo dute Lege Zaharren enparantzan. Erabilitako liburuak, CDak, DVDak eta biniloak eskuratzeko aukera izango da han.

Erosteko beste era bat
2016-12-162016-12-15Albisteak, gipuzkoa, Gizartea

Erosteko beste era bat

Aitziber Arzallus
Kaleak argiz josita, dendetako erakusleihoak sekula baino apainago, postontzian ia egunero katalogo berriren bat, eta telebistako iragarki tarteetan jostailuak eta kolonia garestiak nagusi.

“Euskal makilari Hegoaldeko erakundeen babesa falta zaio”
2016-12-162016-12-15Albisteak, gipuzkoa, Kultura

“Euskal makilari Hegoaldeko erakundeen babesa falta zaio”

Ikerne Zarate

Euskal makila tradizionalak egiten dituen Hego Euskal Herriko artisau bakarra da Beñat Alberdi. Irungo Lapitz auzoko tailerrean aritu direnen hirugarren belaunaldikoa da. Tailugilea zen aitona, eta, ondoren, osaba eta aita hasi ziren makilak egiten. Erreleboa hartuta, argi du euskal makilak Hegoaldean ez duela Iparraldean duen erakundeen babesa.

Plazak geratzen dira oraindik
2016-12-162016-12-15Albisteak, gipuzkoa, Gizartea, Kultura

Plazak geratzen dira oraindik

Maite Alustiza

Hamaikagarrenez, kultura eta politika garaikidearen adierazpenak ikuspegi feminista batetik lantzen dihardu Feministaldiak. Aurtengoak helburu konkretuago bat ere badauka: plaza hartzea, "historikoki emakume zein beste gorputz disidenteei ukatutako gunea izan delako". Astelehenaz geroztik, Tabakaleran egiten ari dira kultura feministaren jaialdia, eta igandera bitarte beste zenbait ekintza egingo dituzte, #Plaza leloaren bueltan.

2016-12-162016-12-15gipuzkoa

Feministaldia: egitaraua

Tabakaleran egingo dituzte asteburuko jarduera guztiak Feministaldian, bihar gaueko festa izan ezik. Honako hau da egitaraua:

Gaur

18:30ean, Z aretoan. Hitzaldia Ibai Atutxarekin: Desira normatiboak eta bestelako desirak Euskal Herrian. Adibideak 1950etik hona.

20:00etan, Zinema 1 aretoan. Film laburrak: Gelen Jeletonen bideo aukeraketa. Muestra Mostra: archivo mutante de zines hechos por trans, lesbianas y mujeres; Leelatu#1 eta Leelatu#2.

Bihar

12:00etan, Z aretoan. Hitzaldia: Esaldien kutsadura, Mertxe Trancherekin.

13:00ean, Z aretoan. Hitzaldia: Emakumeek barre eginarazten dutenean, Isabel Francekin.

18:00etan, Z aretoan. Ikus-entzunezko emanaldia eta zuzendariarekin solasaldia: Iratxe Fresnedaren Irrintziaren oihartzunak. Zine erbestealdiak. EHUko Berdintasunerako Zuzendaritzarekin elkarlanean antolatuta.

19:30ean, Z aretoan. Mahai ingurua eta backstage feminista Christina Rosenvingerekin: Fanzine Bulbasaur eta Christina Rosenvinge elkarrizketan.

22:00etan, Guardetxean. Festa: Christina Rosenvinge, DJ Miau eta DJ Gurebesta.

Igandean

19:00etan, Zinema 1 aretoan. Salut les Cubains (Agnes Varda); Ella (Theodor Christensen); Iré a Santiago (Sara Gomez); Y tenemos sabor (Sara Gomez).

[Museora] Urrelur. Gatza eta diamanteak
2016-12-162016-12-15Albisteak, gipuzkoa, Kultura, Museora

[Museora] Urrelur. Gatza eta diamanteak

Eider Goenaga Lizaso

Fosilak, harriak eta mineralak. Horiek aurkitzen ditu bisitariak Urretxuko Urrelur museoan; baina bildumaren atal nagusia mineralek osatzen dute. Milatik gora mineral dauzkate sailkatuta bertan; egunero erabiltzen ditugunetatik hasi eta balio handiko mineraletara, bigunetatik hasi eta gogorrenetara, ohikoenetatik ezohikoenetara.