Landa Eremuko Emakumeen Nazioarteko Eguna da etzi, urriaren 15ean. Gipuzkoan, egun, emakume asko bizi dira landa eremuan, baina horrek ez du esan nahi guztiak baserritarrak direnik. Dena dela, lurretik bizitzea erabaki dutenek geroz eta toki gehiago daukate erabakiguneetan.
Etxebizitza bat lortzeko bidea nabarmen zailtzen zaie pertsona arrazializatuei. Behin eta berriz jasaten duten diskriminazioa salatu dute 'Ausartak' izeneko jardunaldietan, Donostian.
Mendizale batzuen ekimenez, 1963an hasi ziren Urbia auzolanean garbitzen. Urte askoan, Legazpiko Izadi Zaleak elkartea arduratu zen deialdia egiteaz. Mendizaleen artean kontzientzia aldatuta, pixkanaka gutxituz joan zen zaborra.
Hurrengo astean egingo dute Donostiako Iturritik dantza jaialdia, urriaren 19tik 22ra, eta Kukai dantza konpainiak 'Oskara' eta 'Giza' lanak eskainiko ditu han. Jaialdi "gozagarria" izango dela adierazi du Jon Maia Seinek.
Kuartela Herrira jaialdia egingo dute datozen hiru larunbatetan Aretxabaletan. Hamabi kontzertu izango dira herriko hainbat txokotan. Kuartelaren egoera txarra dela salatu dute erabiltzaileek, eta neurriak hartuko dituela agindu du udalak.
Amezketako I. Zaldi Martxa egingo dute bihar. 30 parte hartzaile elkartuko dira, bost ordu inguruko ibilaldia egiteko. Egun osorako egitaraua osatu dute, herrian festa giroa sortzeko.
Alternatiben Oihartzuna antolatu dute urriaren 21erako, Oiartzunen. Ekonomia sozialean oinarritutako egitasmoen eta proiektu alternatiboen erakusleiho izango da ekitaldia.
