Hizkuntzari lotuta aritu da lanean, urte luzez, Josune Zabala, eta azken bost urteotan Eusko Jaurlaritzan dihardu, Hizkuntza Politikarako Sailean. Donostiarra da, baina Errezilen bizi da.

Garmendiak gurasoei zor die musikari dion maitasuna. Akordeoia jotzen hasi zen, baina kantuak beste ate batzuk ireki zizkion oso gaztea zela. Operan ondu du ibilbide profesionala; bide berriak arakatzeari ekin dio. Lanbideagatik, Alemanian bizi da.

Eibar futbol taldearen "ahotsa" izan da Guilabert urte askoan, eta oraindik hala da. Herriko beste hainbat arlotan ere jardun du, eta saririk onena jaso du ordainetan: jendearen esker ona.

Barinagarrementeria nahi gabe hasi zen abokatu lanean, 1990eko urte gorabeheratsu haietan. Hasieratik, justizia administrazioa euskalduntzea izan du lan jarduneko helburu argietako bat. Egun, tertuliakidea ere bada Euskadi Irratiko 'Faktoria' saioan.

Aldundiaren Kultura Ondare saria jaso berri du Juan Mari Beltranek. Herri musika goratu du. Arrastoa uzten ari da.

Eskultorea, egur langilea, artisaua... Formekin jolastea gustatzen zaiola dio Irazuk, egurra hartu eta hari beste zentzu bat ematen saiatzen dela. Larraulgo jaiotetxearen aldamenean eraiki duen tailerrean, bere sentitzen duen tokian sortzen du.

Familiatik jaso du neurologiaren inguruko interesa Martik, aita eta ama profesional entzutetsuak izandakoak baititu. Maite du bere lanbidea, nahiz eta aitortu une zail asko tokatzen zaizkiola.

Gamizek aitortu du "kostatu" egin zitzaiola telebistako lana albo batera uztea; giza eskubideen alorrean ari da orain lanean, eta "bokaziozko lana" duela aitortu du.

Herrigintzan hamaika arlotan aritu da Josean Alberdi, Eibarren. Ezagunen, ordea, Amaña auzoan egin da, berrogei urtez bultzatu baitu euskal kultura bertako jaietan. Arazo ugari izanda ere, jaiek sortzen dioten harrotasunak guztia gainditzen duela dio.

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.