Asun Agiriano liburuzain lanetan aritu da 1992tik. Filosofian lizentziaturik, Haur eta Gazte Literaturako masterra egitera joan zen Bartzelonara. Galtzagorri elkarteko lehendakari ohia da. Kutxa fundazioko ohorezko garaikurra jaso zuen azaroaren 16an.

Arantza Diaz de Ilarraza informatikariak Matematika ikasi nahi zuen, baina, Donostian ikasteko modurik ez zegoenez, Informatika hautatu zuen, hura hurbiltzen baitzen gehien matematikara. Irakasle eta ikerlari aritu da ordutik EHUn.

Juan Ramon Makuso Becquer eta Lizardirekin egin zen poesiaren zale, nerabezaroan, eta hainbat lan ditu argitaratuak. Filosofiako ikasketak egin zituen, eta Filosofiako irakaslea da gaur egun, Irungo Pio Baroja institutuan.

Orain hamabi urte murgildu zen Imanol Zubelzu Basque Culinary Centerreko suen artean. Sukaldaritzan ikasle gisa eman zituen lehen pausoak, eta, gaur egun, gastronomiari lotutako hainbat proiektutan dabil.

Jon Artano kazetaria ibilbide oparoa egiten ari da kazetaritzan. Euskadi Irratian dabil orain, eta Ondas saria jaso berri du, 'Faktoria'-ko lankideekin batera. Rikardo Arregi sariketako finalisten artean dago bigarren aldiz, 'Juana' liburuarengatik.

Itziar Idiazabal hizkuntzalariaren ustez, «alde handia» dago euskararen moduko hizkuntza gutxituen eta hizkuntza hegemonikoen artean, eta esan du euskaraz hitz egiteak «kontzientzia» izatea eskatzen duela.

Aranak 30 urte pasa daramatza ikertzen. Nazioaren eta gizarte errepresentazioa aztertu zuen 1994an aurkeztutako tesian. Geroztik, batik bat, hizkuntza gutxituek hedabideetan duten presentzia eta kontsumo ohiturak ikertu ditu.

Aiora Zulaikak 26 urte daramatza Pirritx pailazoaren sudur gorria janzten; babesa ematen dio, baita bere 'alter ego'-a ateratzeko aitzakia ere.

Bera Bera eskubaloi taldeko jokalaririk zaharrena da Alba Menendez. Taldean urte gehien daramatzan jokalaria da, eta taldearen kapitaina ere bada. Esan du ez duela horren presiorik sentitzen; are, «esperientziaz betetako» motxilatzat dauka.