Ander Izagirre kazetariak elkarrekin zerikusirik ez duten gaiez idatzi du bere lanetan: Boliviako haur meatzariez, Groenlandiako inuitez, Frantziako Tourraz... Ez du gai jakin batean arreta jarri nahi, «istorio onak» interesatzen baitzaizkio.

Bere ibilbidean, arlo ezberdinetan aritu da Arantzazu Loidi: bertsolaritzan lehenengo, kazetaritzan eta itzulpengintzan gero, eta psikopedagogiaren munduan azken hogei urteotan.

Mikel Markez abeslariak tradiziotzat dauka kantuen hitzak idatzi eta horiei ahotsa eta doinua jartzea. Alaba Estik ere musikaren bidea hartu du, eta sarritan kantatzen dute elkarrekin. Ongi ulertzen dute elkar oholtzan, aski baitute begirada batekin.

Batis Kortajarenak ordu asko eskaini dizkio halterofiliari, Denok Danena taldearen sortzaile eta entrenatzaile moduan. Orain beste zeregin batzuei helduko die, baina bere kirol kuttunetik guztiz aldendu gabe.

Koldo Aldalur kazetaria ezaguna izan da 35 urtez EITBn. Kirol kazetaritzan zaildua da, eta 1.500 emankizun baino gehiago eskaini ditu bere ibilbidean. Azken urteetan albistegien alorrean egin du lan.

Prentsan, irratian edo telebistan topatu daiteke Ane Irazabal nazioarteko azken gertakarien berri ematen. Bere kabuz lan egiten duen kazetari bat da, eta hurbiletik kontatzen ditu tokian tokiko gatazka guztiak.

Elustondok argi zuen haurra zenetik soinua ikasi nahi zuela. Amak aholkatuta, soinu txikiaren alde egin zuen, garai hartan ondo ikusia egon ez arren. Burdinaren kultur industria bultzatzen duen Lenbur fundazioko zuzendari-gerentea ere bada.

Hamar urterekin egin zuen lehen lasterketa Mikel Odriozolak. Ordutik, hogei urte egin ditu ibilketako goi mailan. Kirol profesionala duela zazpi urte utzita, gorenera heldu nahi dutenei bidea zabaltzen ari da, bere esperientziatik. .

Aktore lanbidea «fede kontua» dela uste du Tessa Andonegik. Ziurgabetasunean bizitzen ikasi behar izan duela dio, eta horregatik «presioa» sentitu du sarritan.

Anjel Mari Peñagarikanok 22 urterekin egin zuen lehen plaza, Errenterian. Ordutik etenik gabe dabil bertsotan; hiru aldiz hartu du parte Txapelketa Nagusian, eta Gipuzkoako txapela jantzi zuen 1991n.