gipuzkoa

Ordizia txiki guztiak plaza berean bilduta
2018-11-162018-11-15Albisteak, gipuzkoa, Gizartea, Kultura

Ordizia txiki guztiak plaza berean bilduta

Unai Zubeldia

Beldur gara ez ote garen ari biztanle paraleloak sortzen". Ainara Ormaetxea Harto Ordiziako Udaleko Migrazio eta Aniztasun teknikariak azaldu duenez, gaur egun hirurogei herrialde baino gehiagotako biztanleak bizi dira herrian. "Eta %15,8 da atzerritarren kopurua". Datu horretatik kanpo daude Espainian jaiotakoak. "Horietako askok urte mordoa daramate gure herrian, baina beren artean elkartzen dira normalean, bertakoekin harreman askorik sortu gabe". Ormaetxearen hitzetan, "erabat ulergarria" da atzerritar horiek euren nortasuna mantendu nahi izatea. "Azken finean, gauza berbera egiten baitugu guk ere. Baina Ordiziaren barruan hainbat Ordizia daudela jabetu gara".

2018-11-162018-11-15gipuzkoa, Iritzia

Kirolez blai

Leire Narbaiza

Pasa den igande goizean, irratia piztu eta Behobia-Donostia lasterketako kide batzuen elkarrizketa entzun nuen. Hara —pentsatu nuen neure kautan—, amaitu denez, ez dut gehiago entzun behar izango. Baina oker nenbilen, elkarrizketak amaitu ostean, saioa agurtu, eta futbol partida bat emateari ekin zioten. Informatiboa ere aurreratu zuten zertxobait, inork minuturik galdu ez zezan, badaezpada ere!

Eskultoreen aldarrikapena
2018-11-162018-11-15Albisteak, gipuzkoa, Kultura

Eskultoreen aldarrikapena

Imanol Garcia Landa
Aldarrikapen kutsua hartu du Tolosako Aranburu jauregian jarri duten erakusketak, eta izenean bertan islatu dute hori: Gaurko eta hemengo eskultoreak. Gaur egun Euskal Herrian eskultoreak badirela erakutsi nahi dute erakusketarekin.

Elkarte txikien eta handien arteko oreka bermatu nahi du Kutxak
2018-11-162018-11-15Albisteak, Ekonomia, gipuzkoa, Gizartea

Elkarte txikien eta handien arteko oreka bermatu nahi du Kutxak

Unai Zubeldia

Bidea egiten ari da pixkanaka. 2016an lehen pausoa emanda, Kutxa fundazioak diruz babestuko ditu laugarren urtez Gipuzkoako hainbat gizarte eta kultura proiektu. 147 egitasmok jaso zuten laguntza lehen urtean, 161ek 2017an, eta 198k iaz. Gorako joera horri eusteko erronkarekin, dagoeneko zabalik dago 2019rako laguntza eskatzeko epea —abenduaren 10a baino lehen egin beharko da eskaera, eta Kutxa fundazioak 2019ko martxoaren 1erako egingo du lehen hautaketa—. "Hainbat eremutan proiektuak garatzen eta sustatzen dituzten erakunde horiei laguntzea da gure helburua", azaldu du Ander Aizpurua Kutxa fundazioko zuzendariak.

2018-11-162018-11-16gipuzkoa

LITERAKTUM 18

Azaroaren 24ra arte ekitaldi ugari izango da Literaktum jaialdian.

Gaur

Loiola kultur etxea (18:00). Ipuinak dantzan. Ana Apika eta Intxixu Valbuena.

Viktoria Eugenia antzokiko kluba (19:00). Afoniak. Xabier Erkizia, Arantxa Iturbe eta Luca Rullo.

Bihar

Liburutegi Nagusia (11:00-12:30). Itsaspeko bihotzak.

Aiete kultur etxea (17:00). Txitxarra eta inurria. Markeliñe.

Kaxilda liburu denda (12:00). Eztabaidak II: ¿Quién hace la cultura? Injusticias epistémicas. Danele Sarriugarte eta Fernando Broncano.

Tabakalera (19:00). Filosofia zuzenean: mikro-eztabaidak.

Igandea

Lugaritz kultur etxea (19:30). Klasikoak II: Amor oscuro (Sonetos). Viridiana.

Azaroak 19

Liburutegi Nagusia (19:30). Literaturaren bide berriak I: Zergatik idazleak? Estibaliz Martinez Diaz de Zerio eta Peru Iparragirre.

Azaroak 20

Aiete kultur etxea (18:00). Galtzagorriak. Txotxongilo taldea.

Liburutegi Nagusia (19:30). Literaturaren bide berriak II: Gazteak eta irakurketa. Maialen Berasategi, Imanol Epelde eta Larraitz Idarreta.

Troa Zubieta liburu denda (19:30). Minak bizi IV: El silencio y los crujidos. Tríptico de la soledad. Jon Bilbao eta Pilar Adon.

Azaroak 21

Liburutegi Nagusia (17:30-19:30). Literaktum Wikilantegia.

Okendo kultur etxea (18:00). Aita Manuelen ipuinak.

Tabakalera (19:30). Minak bizi V: Asuntos de familia. Manuel Vilas eta Juan Jose Millas.

Azaroak 22

Kaxilda (18:00). Minak bizi VI: Han ez banengo bezala. S. Drakulic.

Tabakalera (20:00). Minak bizi VII: La favorita de... Edurne Portela. Das Weisse Band (Zinta txuria).

Lugaritz kultur etxea (19:30). Literaktumek aurkezten du II: Fakirraren ahotsa. Harkaitz Cano.

Azaroak 23

Koldo Mitxelena (19:00). Eztabaidak III: La escritura vigilada: literatura e historia en Europa. Slavenka Drakulic eta Luisa Etxenike.

Convent Garden (19:30 eta 21:00). Cenar con Anna Karenina. Slawka Grabowska. Solasaldia eta afaria.

Azaroak 24

Aiete kultur etxea (17:00). Zinea haurrentzat: Paddington 2.

Troa Zubieta liburu denda (18:30). Literaktumek aurkezten du III: Como si todo hubiera pasado. Iban Zaldua eta Ramon Saizarbi-toria.

Loiola kultur etxea (20:00). Martuteneko kartzelan. Bernardo Atxaga eta Jose Kruz Gurrutxaga.

Okendo plaza (11:00). Ibilbide literarioa: Pio Baroja Donostiara bisitan.

Pentsatzea bera aukera bihurtuz
2018-11-162018-11-15Albisteak, gipuzkoa, Gizartea, Kultura

Pentsatzea bera aukera bihurtuz

Unai Zubeldia

Gizartea pentsatzearen balioa handitzen ari dela uste du Ekai Txapartegi filosofo eta EHUko irakasleak (Zarautz, 1976). "Gero eta gehiago jabetzen gara pentsatzearen beharraz. Orain arte ezezaguna zitzaigun abiaduran garatzen eta aldatzen ari da mundua; gero eta konplexuagoa bihurtzen ari da dena". Eta, Txapartegiren ustez, aldaketa horretan pentsamenduak ematen dio balio erantsia gaur egungo eskulan kualifikatu eta ez teknikoari. "Errealitate horretan, filosofiarekiko jakin-mina areagotzen ari dela konturatu gara. Inoiz ez diogu uko egin pentsatzeari, baina bai, agian, filosofikoki pentsatzeari; espiritu kritikoari". EHUren Gipuzkoako kanpo proiekziorako errektoreordetzak babestuta, behar horri tiraka antolatu zuten iaz, lehen aldiz, Pentsatu! jaialdia.

“Inoiz ez dut izan talde handien inbidiarik”
2018-11-092018-11-09Elkarrizketa, gipuzkoa

“Inoiz ez dut izan talde handien inbidiarik”

Unai Zubeldia

Momentua irits zitekeela bazekien arren, gertatutakoa barneratzen ari da, oraindik, Eugenio Goikoetxea (Hernani, 1969). "Afizioa ofizio bihurtuta", Caja Rural txirrindulari taldean zuzendari lanetan aritu da azken hamalau urteotan. "Baina bizimodu arruntera ohitzen hasi beharko dugu orain". Aitari begira zaletu zen txirrindularitzarekin, eta Kaiku-Gurelesan eman zituen pedalkadarik sendoenak. Autoko bolanteari helduta gozatu du gehien, hala ere; Kaiku-Gurelesan bertan, Ulma Cegasan eta Caja Ruralen. Lasterketetako zurrunbilotik aldenduta, ez du nahi astebetetik gorako etorkizunik.

Pribatutik publikora pausoa
2018-11-092018-11-08Albisteak, Ekonomia, gipuzkoa, Gizartea

Pribatutik publikora pausoa

Beñat Alberdi

Zerbitzu publikoak esku pribatuetara pasatzeko joera dago gaur egun, eta kontrako norabideko errealitate gutxi plazaratzen da normalean. Ezohikoa izaten da pauso hori, azken aldian zentzu bakarrean egin izan delako zerbitzuaren kudeatzailearen aldaketa. Hori bai, joera hori aldatu, eta kale garbiketa lanak berriro bere gain hartzea erabaki zuen duela bi urte Oñatiko Udalak; eta oso balorazio positiboa egin dute arduradunek.

Korronteen noranzkoan
2018-11-092018-11-12Albisteak, gipuzkoa, Gizartea

Korronteen noranzkoan

Olatz Mitxelena

Itsas hondakin flotatzaileen bilketarako eta kudeaketarako tresna eraginkorrak lortzea. Horixe da Life Lema proiektuaren helburu nagusia, eta hainbat egitasmo jorratzen ditu bide horretan; herritarren inplikazio zuzena beharrezkoa duen bat, tartean: egurrezko ontzi txikiak uretaratzea. Planteamendua sinplea da berez: aurrez zehaztutako hainbat tokitan ontziak uretaratu, eta korronteak nora eramaten dituen aztertu, ontziak non porturatu diren jakinda korronteek bestelako hondakin flotatzaileak norantz eramango dituzten jakiteko.