gipuzkoa

2017-09-292017-09-28gipuzkoa

Hiriko hainbat gunetan etxeen %6 turistek alokatzeko eskaintzen dira

E. Goenaga Lizaso
Kultura digitalari eta teknologia berriei eskainitako laborategia da Hirikilabs. Donostiako Tabakaleran du egoitza, eta bertan aritzen da lanean Ibai Zabaleta. Araba, Bizkai eta Gipuzkoako hiriburuetan turistei begira egiten diren alokairu eskaintzen inguruko neurketa egin dute, AirBnB plataforma aztertuz, eta Donostiaren kasua txosten batean landu dute.

Ez da turismoa, hiri eredua da
2017-09-292017-09-28Albisteak, Asteko Gaiak, gipuzkoa, Gizartea

Ez da turismoa, hiri eredua da

Eider Goenaga Lizaso

Arazoa ez da turismoa bai edo ez. Arazoa harago doa. Nolako turismoa, eta, hori baino gehiago, nolako hiri eredua. Hori da eztabaidaren gakoa. Turismoari buruz gaur eta bihar antolatu dituzten Ez gara turistak gure hirian topaketetan hainbat taldek parte hartuko dute, eta gonbidatuen artetik hirurekin hitz egin du Hitza-k: Bartzelonako ABTS Assemblea de Barris per un Turisme Sostenible-ko Daniel Pardo (Zaragoza, Espainia, 1976), Ernaiko Garazi Castaño (Donostia, 1995) eta Groseko Hondarpe auzo elkarteko Aratz Estonbarekin (Donostia, 1979). Hirurak bat datoz: turismoaren munstroari mugak jarri behar zaizkio dena jan aurretik.

“Langileen artean etengabe beldurra sortzen ari da enpresa”
2017-09-292017-09-28Albisteak, gipuzkoa, Gizartea

“Langileen artean etengabe beldurra sortzen ari da enpresa”

Unai Zubeldia

"Gezurrezkoa den bertsio bat erabiliz kaleratu dute kontratu mugagabea zeukan langile bat". Salaketa gogorra egin du Unai Barrutiabengoa Asteasuko Siemens-Gamesa enpresako LABen ordezkariak. "Enpresak antolakuntza arrazoiak eman zituen kaleratze eskutitzean", hasi du azalpena Leire Gallego ELAren industria federazioko Asteasuko enpresako ordezkariak. "Langilea sobera zegoela argudiatu arren, legez kanpokoen pareko kalte-ordaina eman zioten gero". Barrutiabengoaren hitzetan, "oso arraroa" izan da dena. "Atzean lan arrazoiak egonik, galdetu genien ea langile hori berriz ere hartuko zuten lana zegoenean, eta ezezkoa jaso genuen. Langile hori ez zela lanera itzuliko esan ziguten, eta, orduan, hankaz gora joan zitzaizkien argumentu guztiak". Aurretik enpresa horretan lanean aritutakoa da kaleratu duten langilea, eta, orain, hiru urte zeramatzan Asteasuko egoitzan.

Euskararen mosaiko birtuala
2017-09-292017-09-28Albisteak, gipuzkoa, Gizartea

Euskararen mosaiko birtuala

Imanol Saiz

Orain zazpi urte sortu zuten Oarsoarrak komunitatea, 2010ean, Oiartzun, Pasaia, Errenteria eta Lezoko euskararen erabilera sustatzeko helburuarekin. Eskualdeko euskararen erabilera datuak ez zirela oso onak azaldu zuen Soziolinguistika Klusterrak azken ikerketan. "Tamalez, guk nahiko genukeen baino dezente apalagoa da erabilera". Hala aitortu zuen Joxe Luis Agirretxe Oarsoaldea garapen agentziako euskara arduradunak.

Jolasa baino askoz gehiago
2017-09-292017-09-28Albisteak, gipuzkoa, Kirola

Jolasa baino askoz gehiago

Unai Zubeldia

Jende guztiak daki pala bat hartu eta ping-pongean jolasten, baina mahai tenisa zer den erakutsi nahi dugu guk". Jolasa eta jokoa. "Guretzat zaletasuna da ping-ponga, eta arautegi zorrotzagoa dauka mahai tenisak". Leka Enea Irungo mahai-tenis klubeko marketin arduraduna eta entrenatzailea da Maria Rubio (Irun, 1985). Espainiako Ligan maila nagusian ari dira gizonezkoen eta emakumezkoen taldeak, eta biek ala biek irabaziz ekin zioten ligari joan den asteburuan. Ligako kontuak ahaztuta, bi taldeek Kluben Arteko Europako Kopa izango dute asteburu honetan —Europako bigarren txapelketa nagusia—; Irunen bertan gizonezkoek, eta Grezian emakumezkoek.

Goi mailako diseinua ereiten
2017-09-292017-09-28Albisteak, gipuzkoa, Kultura

Goi mailako diseinua ereiten

Ikerne Zarate

Ospakizunetan murgilduta dabil Irungo Kunsthal Goi Mailako Diseinu Zentroa. Hogei urte bete berri ditu, eta ibilbide horrek eman ditu jada bere fruituak: 800 diseinatzaile graduatu dira bertan, eta garapen nabarmena izan du Txanaleta plazan egoitza duen zentroak. Diseinu zentro zena goi mailako diseinu zentro bihurtu zen joan den ikasturtean, eta, horri esker, unibertsitateko graduen baliokide diren goi mailako tituluak eskaintzeko aukera du orain Kunsthalek.

Isiltasunari erreferentziak sortzen
2017-09-292017-09-28Albisteak, gipuzkoa, Gizartea

Isiltasunari erreferentziak sortzen

Unai Zubeldia

Emakume lesbianen oso erreferentzia gutxi daude bai literaturan eta bai komikietan". Eta, hain zuzen ere, Teresa Castro (Donostia, 1968) behar horri tiraka hasi zen Ana Lopez Suarez Burgos fikziozko pertsonaia komikietan irudikatzen. "Bai, komikietan badago emakume lesbianen erreferentziaren bat edo beste, baina AEBetako edo Frantziako errealitatea islatzen dute horiek guztiek. Euskal Herrian bizi den emakume lesbiana bat izaki, begirada gertukoagoa falta zitzaigula ikusi nuen".

Ondareaz gozatzera
2017-09-292017-09-28Albisteak, gipuzkoa, Kultura

Ondareaz gozatzera

Iñaki Lasa Etura

Ondarea eta historia Gipuzkoako herritarrengana hurbilduko dituzte datozen egunotan, 2017ko Gipuzkoako Ondarearen Europako Jardunaldien harira. Bigarren urtez jarraian antolatu du ekinbidea Gipuzkoako Foru Aldundiak —Europako Kontseiluaren programarekin bat eginez, eta Arabako eta Bizkaiko aldundiekin elkarlanean—. Ondarea eta natura: aukeren paisaia bat da Europako Kontseiluak aukeratutako gaia, eta Paisaia bizi leloa erabili du Gipuzkoako Aldundiak. "Paisaiara gerturatzea izan dugu helburu, faktore askok parte hartu duten hainbat eraldaketaren bidez", azaldu du aldundiko Denis Itxaso Kultura, Turismo, Gazteria eta Kirol diputatuak.

2017-09-292017-09-28gipuzkoa, Iritzia

Udazkeneko nire heroiak

Danel Agirre

Olagarro alboan bizi da. Kontatu zidanean, hitchcockar eta aztoragarri irudikatu nuen eszena. Zarauzko Musika plazako tabernariek, antza denez, ez dute behin laneguna bukatuta terrazak garbitzeko betekizunik —edo batere gogorik; ez dudala galdetu aitortu behar dut—. Mahaiak eta aulkiak jaso, eta gau osoz zerri uzten dute zorua. Ordu txikien diskrezioa baliatuta, kaioak ostatuen kanpoaldean lur hartzen hasten dira, ogi koskor, oliba hezur eta kakahuete tripakada zain dutela jakinda. Goizeko dianarekin erratz biribildun ibilgailu xelebre horietako bat behingoz pasatu arte irauten omen du hegaztien parrandak.

[Herriz herri] Villabona-Amasa. Bi herri eta udalerri bat
2017-09-292017-09-28Albisteak, Ekonomia, gipuzkoa, Gizartea, Herriz Herri, Kultura, Politika

[Herriz herri] Villabona-Amasa. Bi herri eta udalerri bat

Jon Miranda

Villabonak XIII. mende erdialdean dauka jatorria, Oria ibaiaren ertzeko beste hainbat herrirekin gertatzen den bezala. Abagune historiko egokia zen hura. Batetik, garai hartan pil-pilean zegoen Gipuzkoa alderik alde zeharkatzen zuen merkataritza, eta, bestetik, Oria ibaia komunikabide ezin hobea zen garraio hura guztia bideratzeko. Lehenagokoa da, ordea, Amasaren inguruko lehen aipamena. 1025. urteko agiri batean agertzen da, besteak beste, Saiazko haraneko herrixka moduan.