gipuzkoa

2017-05-192017-05-18gipuzkoa

“Bisitariei kanpandorrera igotzeko esango nieke; zoragarria da”

A. Perez-Karkamo
Oiartzungo auzo txikienean bizi da Goiatz Labandibar (Oiartzun, 1985), Artikutzarako bidean dagoen eta 200 biztanle eskas dituen Karrika auzoan. Etxean idazten du, baina kanpora ateratzeko aukera izan du, Poloniara, Finlandiara... Eguneroko errutinatik ateratzeko beharra asetzen du bidaiatuz, baina gogoz itzultzen da etxera.

[Museora] Victor Hugo Etxea. Pasaia, paisaia, etxea eta idazlea
2017-05-192017-05-19Albisteak, gipuzkoa, Kultura, Museora

[Museora] Victor Hugo Etxea. Pasaia, paisaia, etxea eta idazlea

Eider Goenaga Lizaso

Suitzan balego mirestua eta Italian balego ospetsua izanen zen lehor-itsasoko leku apal hau, Gipuzkoan dagoelako ezezaguna, noraezean heldu nintzen eta non nengoen ez nekien Eden distiratsu txipi hau Pasages da espainieraz eta Le Passage frantsesez". Victor Hugo idazle frantziarrak (1802-1885) Pasaiari buruz idatzitako pasarte hori Idi Orgaren Karranka. Euskal Herrian gaindi, 1843 liburuan jaso zuen Koldo Izagirrek 2002an, idazlearen jaiotzaren bigarren mendeurrenean.

“Gutxietsita dago egiten dugun lana, eta ez zaigu aitortzen”
2017-05-122017-05-12Elkarrizketa, gipuzkoa

“Gutxietsita dago egiten dugun lana, eta ez zaigu aitortzen”

Ikerne Zarate
Hitzarmen duina nahi dute. 2012tik soldatak izoztuak dituzte Errenteriako udal eraikinen garbiketako eta Jesusen Bihotza zahar etxeko langileek, eta bost urte daramatzate hitzarmena sinatu gabe. Astelehenean ateren bat zabaldu daitekeela uste dute egoitzako langile diren Marian Gorjon LABeko kideak (Errenteria, 1961) eta Rosa Rojo ELAkoak (Errenteria, 1967).

“Munstroa elikatu beharra daukate”
2017-05-122017-05-11gipuzkoa

“Munstroa elikatu beharra daukate”

U. Zubeldia
Hasiera-hasieratik errauste plantaren aurkako pankartari helduta dabil Maria Luisa Sanchez (Donostia, 1952), eta ez etsitzeko dei egin die herritarrei. Zubietan lanak hasi arren, errauste plantaren aurkako mugimenduak kalean jarraituko duela azaldu du.

“Egun politaren” bi aldeak
2017-05-122017-05-11Albisteak, Asteko Gaiak, Ekonomia, gipuzkoa, Gizartea, Politika

“Egun politaren” bi aldeak

Unai Zubeldia

"Egun garrantzitsua da gaurkoa. Oso egun polita". Markel Olano Gipuzkoako ahaldun nagusiak pozarren hitz egin zuen herenegun, Gipuzkoako Ingurumen Gunea deiturikoa eraikitzeko lanen hasierako ekitaldian, Zubietan. "Konpromiso honekin aurkeztu ginen hauteskundeetara, eta hitza beteko dugu". Ekondakin taldeak 30 hilabeteko epean amaitu nahi ditu errauste planta eta tratamendu mekaniko-biologikorako planta egiteko lanak —biometanizaziorako planta eta zepak balioztatzeko zentroa ere egingo dituzte—, eta beste 32 urtean kudeatuko ditu. Urbaser, Altuna y Uria, Moyua, LKS, Murias eta Meridiam enpresek osatzen dute Ekondakin, aldi baterako enpresen elkartea, eta Gipuzkoako Hondakinen Kontsortzioak apirilean eman zion erraustegia eraikitzeko ardura. 217 milioi eurokoa da lanen kontratua, eta aldundiak 25-30 milioi euro inguru ordaindu beharko ditu urtero. 5,5 hektarea hartuko ditu guneak, eta 120.000 metro kubo lur atera beharko dituzte handik.

Ahotsa izatearen garrantzia
2017-05-122017-05-11Albisteak, gipuzkoa, Gizartea

Ahotsa izatearen garrantzia

Ariane Vierbücher

Adimen urritasuna duten pertsona helduek Gipuzkoako Garaguneetan dute topagunea. Hamabi daude guztira, hainbat herritan banatuta: Donostian lau daude, eta bana Azpeitian, Arrasaten, Irunen, Errenterian, Tolosan, Eibarren, Legazpin eta Ordizian.

Saretik kanpo hotz egiten du
2017-05-122017-05-11Albisteak, Ekonomia, gipuzkoa, Gizartea

Saretik kanpo hotz egiten du

Eider Goenaga Lizaso

Taberna bateko terrazan eseri behar duenak jende gehien dagoen tokia aukeratzen duen bezala, Interneten iritzi gehien duten jatetxeei erreparatzen die jendeak bertara joan baino lehen. Eta Donostiako jatetxeek iritzi asko sortzen dituzte sarean, gero eta gehiago; %43 gehitu ziren on line iritziak 2015etik 2016ra. Donostia bisitatu eta bertan izandako esperientzia gastronomikoarekin "pozik" edo "oso pozik" agertu ziren iaz sarean idatzi zutenen %79, eta 8,18ko batez besteko nota eman zieten Donostiako taberna eta jatetxeei.

Herrigintzarako begiraleak
2017-05-122017-05-11Albisteak, gipuzkoa, Gizartea

Herrigintzarako begiraleak

Jon Miranda
Zizurkilgo eta inguruko herrietako 22 gazte begirale izateko formazioa jasotzen ari dira joan den urritik. Larunbatero izaten dituzte saioak, Iriarte kultur etxean, eta uztaileko praktika aldia amaitu ondoren jasoko dute titulua.

Enpresa munduaren gurpilean
2017-05-122017-05-11Albisteak, Ekonomia, gipuzkoa, Kirola

Enpresa munduaren gurpilean

Eider Goenaga Lizaso

Txirrindulariak errepidean mendian txanpiñoiak bezala ikusten diren garaiotan, bizikleta irteera berezia antolatu dute biharko, Andoainen. WNT multinazionalak, Andoaingo Mendi Metal Innovation Group enpresak eta Andoaingo Txirrindulari Eskolak elkarlanean antolatutako jarduera da, eta enpresa mundua, mekanizazioa eta txirrindularitza batzea du xede. 50-60 partaide izango dira, eta bi taldetan banatuta aterako dira Andoaingo Goiko Plazatik: 10:30ean lehena, eta ordu laurdenera bigarrena. WNTko kideek, WNTren bezero diren lantegietako langileek, Andoaingo Txirrindulari Eskolako kideek eta WNT txirrindulari taldeko emakumeek osatuko dituzte taldeak.