2008an Nagore Laffage hil zutenetik, Casasola eskoletan dabil lanean indarkeria matxista desagertu dadin, 'Nagore' dokumentalarekin. Hamabost urte bete dira Diego Yllanesek haren alaba hil zuenetik. Gaiaren inguruko kontzientzia handitu dela uste du.
Gipuzkoako SOS Arrazakeriak 30 urte bete ditu aurten, eta 30 urte daramatza elkartean Peio Aierbe koordinatzaileak ere. Nahiz eta batzuetan instituzioen "aurrez aurre" egoten diren, beharrezkoa iruditzen zaio haiekin elkarlanean aritzea.
Villabona-Amasako Udalak LGTBI kolektiboari bizi baldintza duinak bermatzeko plan bat osatu du, Eihera kooperatibaren laguntzarekin. 43 neurri zehatz hartuko ditu udalak.
Irailean bulego bat irekiko du herri hartan. Formakuntza ematea da haren ardatzetako bat.
Gizarte eta laneratze enpresa bat da Hernaniko Bertatik, baina, helburu horretaz gain, badu beste bat ere: lehen sektorea bultzatzea. Uztailean hasiko da lehen zerbitzuak ematen, eta irailean %100ean ariko da.
Karmengo jaien atarian, bihar aurkeztuko dute Jonpa Albisu zenaren omenez egindako buruhandia. 2019ko abuztuaren 10ean hil zen Donostiako euskaltzalea eta BERRIA egunkariko erredakzioko idazkaria. Jesus Garciak egin du buruhandia.
Hirurehun burdinola izan ziren Gipuzkoan eta Bizkaian, baina hiru daude tente, eta bakarrak dauka sistema hidrauliko berezia: Aiako Agorregikoak. Bisitak egingo dituzte udan.
Gaur eta bihar Mondra&Roll musika jaialdia egingo dute Arrasateko Monterron parkean. Bigarren urtea du punk rock jaialdiak. Egun bakoitzean zazpi talde igoko dira oholtzara.
Urtero bezala, udan sartu berritan martxan da Donostiako 48. Liburu Azoka, Gipuzkoa plazan, liburuzaleen nahiak asetzeko helburuarekin. Ekainaren 30ean ireki zuten azoka eta igandera arte egongo da zabalik.
Kondairak dioenez, haur nintzela attitte zenak egunero irakurtzen zidan, etxeko sukaldean, Arantzazuko egutegia, takoa, eta horrek bilakatu ninduen irakurle goiztiar. Uste dut, hala ere, kondaira horretan aitonak bilobarengan izandako eraginaren mitifikazio edertzaile bat dagoela, eta benetan irakurtzen irakatsi zidana periodikoa izan zela, ni haur nintzenean bestelako luxurik ez baina egunkaria egunero jasotzen baikenuen etxean, La...
