Emakumeen Etxeak eta SOS Arrazakeria elkarteak andre etorkinentzako elkargunea sortu dute Zarautzen. Emakumeen Etxean elkartuko dira astero, beren bizipenak eta kezkak plazaratzeko, besteak beste.

Idoia Santamaria itzultzaileak Hontza liburu dendan erosten ditu liburuak, ia-ia ireki zuten egunetik. Kezka du Hontza, Lagun eta Tobacco Days liburu dendak ixtearen ondorioz kultura kontsumitzeko zer ohitura sortuko diren.

Proiektuaren helburua da eskualdeko hainbat arlotan elkarlanean aritzea, hala nola energian, landa garapenean eta zaintzan. Erakundeek urtarrilaren 22an egin zuten lankidetza hitzarmenaren sinadura ekitaldia, Mutiloan.

Josune Martirena gorputz psikoterapeutak haurdunaldia eta erdiondoa lantzeko tailerrak emango ditu Hernanin otsailaren 2tik ekainaren 18ra. Helburua da haurdunaldia «prozesu natural bat» dela erakustea, eta hainbat irizpide partekatuko dituzte.

Villabona-Amasako Sahrijai kultur elkarteak bost urte egingo ditu otsailaren 7an, eta, urteurrena ospatzeko, egitarau bat antolatu dute. Antolatzaileek ontzat jo dute orain arteko bidea, baina kontzertuetan jende gehiago ikusi nahiko lukete.