Ikerne Zarate
Gaixo edo egoera kalteberaren batean dauden pertsonak biltzen dituzten elkarteen errealitatea gizarteratzea du helburu Bideak Zabalduz proiektuak. Errealitatea gizarteratzea, pertsona horiek ahalduntzea eta guztiak komunitatearen parte sentiaraztea. Agisas Gipuzkoako Gizarte Integratzaile eta Animatzaile Soziokulturalen Elkarteak jarri zuen martxan proiektua, 2016an.
Loinaz Agirre
Iritsi da dantza solteko txapelketarik garrantzitsu eta ospetsuenaren ordua: Euskal Herriko 42. Dantza Txapelketa jokatuko da bihar, 18:00etan, Segurako Baratze pilotalekuan. Hamalau bikotek hartuko dute parte.
Helduen dantza solteko hamar txapelketa jokatu dira aurten; 11.a izango da Segurakoa. Hernani. Ane Urruzola eta Iker Sanz (Villabona-Amasa / Lezo). Zumarraga. Larraitz Larrañaga eta Amets Amubieta (Azpeitia). Irun. Larraitz Larrañaga eta Amets Amubieta (Azpeitia). Errenteria. Larraitz Larrañaga eta Amets Amubieta (Azpeitia). Itziar. Ane Urruzola eta Iker Sanz (Villabona-Amasa / Lezo). Azkoitia. Larraitz Larrañaga eta Amets Amubieta (Azpeitia). Donostia. Idoia...
Seminarixoan, Gaztetxean, Arrizuriaga eta San Martin plazetan eta kalean eskainiko dituzte emanaldiak: Urriak 25, osteguna Kalean (20:00). Brunette Bros konpainiaren Brunette Bozos Band. Urriak 26, ostirala Arrizuriagan (19:00etan eta 22:00etan). Brunette Bros konpainiaren The greatest & second smallest circus in the world. Seminarixoan (20:00). 2theatre konpainiaren Boris & Ingrid. Gaztetxean (22:30). Behibi’s konpainiaren Trabajos de interior. Urriak 27, larunbata Kalean...
Beñat Alberdi
Umetan ohikoa izaten da objektu animatu gabeekin jolastea, izan panpina, izan baloia. Gaztaroarekin ere lotzen dira txotxongiloak, animatzen dituena heldua izan arren. Bergaran, ordea, hamalaugarren aldiz, hautsi egin nahi dute muga hori. Helduentzako erakustaldi bat antolatu du Taun Taun Teatroa elkarteak. Urriaren 25, 26, 27 eta 28an, txotxongiloek hartuko dute Bergara.
Leire Narbaiza
Hau dek, hau dek umoria. Kontsolatzeko, kontsolatzeko euskaldun jendea!". Halaxe amaitzen da euskal kantu ezagunenetakoa, umoreari erreferentzia eginda, kalean gora eta behera ibili ondoren. Denok irribarrea ahoan abesten dugu bukaera hori, parranda giroan kantatuz gero, behintzat.
Loinaz Agirre
Neska-mutiko askok eta askok duten ametsa betetzeko aukera izan zuen Josu Sarriegik (Lazkao, 1979): futbolari profesionala izatea. Alavesek eman zion lehen aukera, eta Athleticek bigarrena. Grezian, Panathinaikos taldean igaro zituen futbol ibilbideko azken bost urteak.
1950eko hamarkadaren hasieran talidomida sintetizatzea lortu zuen Alemaniako Grunenthal botika enpresak. Ibilbide luze baten kronika hasi zen orduan. 1954. Talidomidaren patentea lortu zuen Grunenthalek. 1954an botikak garatu eta saltzeko araudien zorroztasunak ez zuen zerikusirik egungoekin. Alemanian ez zegoen Medikamentuen Legerik. 1957. Contergan izenarekin, talidomida saltzen hasi ziren Mendebaldeko Alemanian, 1957ko urrian. Lasaigarri eta lo eragile gisa komertzializatu zuten. Botiken froga...
Eider Goenaga Lizaso
Malformazioekin jaio ziren, baina talidomidari buruzko informaziorik ez zuten izan 2010 ingurura arte. Ez zekiten beraiek bezala munduan milaka ume malformazioekin jaio zirenik, euren amek haurdunaldiko ondoezari aurre egiteko talidomida botika hartu zutelako. Enbrioiaren garapenean gorputz adarren hazkuntzari eragiten dio talidomidak, eta halaxe gertatu zitzaien Izaskun Etxaniz (Urretxu, 1962), Alejandro Vallejo (Legazpi,1963) eta Mariano Garmendiari (Legorreta, 1977).
Espainia da talidomidaren biktimek kalte-ordaina jasotzen ez duten estatu bakarra. PPk maiatzean onartutako diru sailarekin —zuzenketa batekin aldatu zen gero—, kaltetuek kolpe bakarrean jasoko lukete dirua (36.000 eta 180.000 artean, elbarritasun graduaren arabera). Batezbestekoa eginda, kaltetu bakoitzak hilean 56 euro jasoko lituzkeela salatu zuen Avitek, Europako beste herrialdeetan jasotzen dutenetik oso urrun. Alemanian, adibidez, 4.000 eurotik gora jasotzen dituzte, Italian...
