[Museora] Jantziaren Zentroa. Jantziz jantzi jantzia
Aza 3, 20172017-11-02Albisteak, gipuzkoa, Kultura, Museora0 0

[Museora] Jantziaren Zentroa. Jantziz jantzi jantzia

Eider Goenaga Lizaso

Apirilaren 1ean ireki zituen ateak Errenteriako Jantziaren Zentroak. Zazpi hilabeteko ibilbidearekin gustura azaldu da Ainhoa Mendiburu zentroko komunikazio arduradun eta Iraultza dantza taldeko kidea (Errenteria, 1972). Izan ere, museoak gurasorik badu, Iraultza taldeko kideak ditu; eurek elikatu dute museoa, eurek egin dute jantzi guztien bilketa, eta eurek egiten dute kudeaketa ere, Errenteriako Udalak eraberritu eta utzitako Kapitain Etxean (XVIII. mendekoa). Urte askotako lana dago Jantziaren Zentroaren atzean, eta museoa irekitzea Iraultza taldeko kideentzat "egia bihurtutako ametsa" dela dio Mendiburuk.

Aza 3, 20172017-11-02gipuzkoa, Iritzia0 0

Ilun, zikin eta zaratatsu

Leire Narbaiza
Umeak izan ginenean, gure herria ilun, zikin eta zaratatsua zen. Ez zegoen orain beste automobil, baina edonondik ibiltzen ziren. Adibidez, eskolarako bidean ez zegoen espaloirik, eta hantxe ibiltzen ginen ume eta gaztetxoak auto eta kamioi artean, aldapan gora.

[Herriz herri] Zestoa. Herri txiki, ondare handi
Aza 3, 20172017-11-02Albisteak, Ekonomia, gipuzkoa, Gizartea, Herriz Herri, Kultura, Politika0 0

[Herriz herri] Zestoa. Herri txiki, ondare handi

Ane Olaizola

Gipuzkoako iparraldean, Urola Kosta eskualdean dagoen udalerria da Zestoa. 3.740 biztanle zituen iaz, baina demografia txikia izanik ere, azalera handiko herria da —43,69 kilometro koadro ditu—. Biztanle gehienak herrigunean bizi badira ere, sakabanatuta dauden inguruko auzo ugarik osatzen dute udalerria: Aizarna, Akua, Arroagoia, Arroabea, Iraeta, Lasao... Hain zuzen, hori da herriaren berezitasunik nabarmenena Josetxo Mendizabal alkatearen iritziz (Zestoa, 1955): "Herri txikiak bezalakoak dira auzoak, eta hori kontuan hartzekoa da Zestoa bere osotasunean kudeatzeko orduan". Horretarako auzo bakoitzarekin "ahalik eta harremanik zuzenena" eduki beharra dagoela azpimarratu du alkateak. "Eta konplexua da bakoitzaren eskaerak eta beharrak aurrekontuen arabera lehenestea".

“Iluntasunean, arima ordezkatzen zuten kalabazek”
Urr 27, 20172017-10-27Elkarrizketa, gipuzkoa0 0

“Iluntasunean, arima ordezkatzen zuten kalabazek”

Iñigo Terradillos

Bertan da Halloween gaua, Santu guztien bezpera hitzen laburduratik datorren ospakizuna —All Hallows' Eve ingelesez—. AEBetatik mundu osora zabaltzen ari da urriaren 31n ospatzen den jaia. Euskal Herrian ere, XX. menderaino, bazeuden egun horren bueltan izaten diren elementuak, hala nola kalabazak edo kuiak hustea, eta eskean eta kantuan ibiltzea. Ohitura hori galdu ostean, AEBetako ohiturak bete-betean iritsi dira Euskal Herrira ere. 2015eko Juan San Martin beka eskuratu ostean, Halloween edo Arimen Gauaren ospakizunen inguruan izandako bilakaera aztertu dute Jaime Altuna (Villabona-Amasa, 1973) eta Josu Ozaita (Baliarrain, 1980) antropologoek.

“Abisu bat da hau: ez ukitu gure negozioak”
Urr 27, 20172017-10-26Albisteak, Asteko Gaiak, gipuzkoa, Gizartea, Politika0 0

“Abisu bat da hau: ez ukitu gure negozioak”

Eider Goenaga Lizaso

Joan den astean erabaki zuen Gipuzkoako Hondakinen Partzuergoko batzarrak —EAJk eta PSE-EEk dute gehiengoa— Iñaki Errazkin Ingurumen diputatu ohiari (Azpeitia, 1975) eta GHK-ko lehendakari ohi Ainhoa Intxaurrandietari (Lezo, 1973) Estatuko Kontu Auzitegian salaketa jartzea. Bilduren agintaldian errauste plantaren proiektua geldiarazteak eragindako kalte ekonomikoa —41 milioi euro direla kalkulatu dute— beren gain hartzea nahi du GHK-k.

“Jasanezina da egoera”
Urr 27, 20172017-10-26Albisteak, gipuzkoa, Gizartea0 0

“Jasanezina da egoera”

Unai Zubeldia

Triste eta haserre gaude, lanean hasi ginenean baino okerrago utziko dugulako sektorea". Renferen tren zerbitzuko makinistetako bi dira Jose Luis eta Iñaki —asmatutakoak dira bi izenak—. Biek ala biek urte gutxi falta dituzte erretiroa hartzeko. "Dagoeneko ez gara gazteak, eta tentsioan ari gara bizitzen azken urteak". Liskar giroa dago Renferen Gipuzkoako tren zerbitzuan, eta, arazoa "makinista falta" dela zabaldu den arren, errealitatea "askoz larriagoa" dela azaldu dute makinistek eurek. "Makinisten lantaldea mantentzearekin bakarrik dago arduratuta zuzendaritza, makinistarik gabe ez dagoelako trenik", zehaztu du Iñakik. "Orain arte, ahal izan duten moduan eutsi diote egiturari, baina gaur egun, matematikoki, jasanezina da egoera". Dena den, biek onartu dute eurak baino "okerrago" daudela kontrolatzaileak, leihatiletako langileak, trenak konpontzeko lantegietakoak, bidaiariei informazioa ematen dietenak, bezeroen arretakoak...

Urr 27, 20172017-10-26gipuzkoa0 0

Bederatzi makinista berri iritsiko dira aste honetan bertan

Gaiztotuta dago giroa Renfeko arduradunen eta langileen artean, baina zuzendaritzak jakinarazi du astea bukatzerako bederatzi makinista berri iritsiko direla Gipuzkoara, azkenaldiko arazoak konpontzeko helburuarekin. Hori bai, “egokitzapen lanak tarteko”, pare bat hilabete beharko dituzte lanean hasteko. Lan eskaintza publikoan —Espainiakoan— notarik onenak lortu zituzten gidariak izango dira.