“Herri osoaren gaitasuna dago Elkanoren irudiaren atzean”
Uzt 14, 20172017-07-13Albisteak, gipuzkoa, Kultura0 0

“Herri osoaren gaitasuna dago Elkanoren irudiaren atzean”

Ane Olaizola
Mundubira 500: Elkano fundazioa sortu dute Getariako Udalak, Urola Kostako Udal Elkarteak, Gipuzkoako Foru Aldundiak eta Eusko Jaurlaritzak, Juan Sebastian Elkanok 1519tik 1522ra munduari emandako biraren bosgarren mendeurrena ospatzeko. Elkanori eta espedizioari buruzko aholkularitza historikoa eman die Xabier Alberdi historialariak (Zarautz, 1969) erakundeei.

Unean sortutako antzezlanak
Uzt 14, 20172017-07-14Albisteak, gipuzkoa, Kultura0 0

Unean sortutako antzezlanak

Aitor Biain

Unean uneko sorkuntza lana da; bat-batekoa. Ez dute gidoirik, ez aurrez buruz ikasitako ezer; bakoitzaren irudimena ez besterik. Agertokira igo eta momentuan bertan, ikuslearen aurrean asmatzen dituzte istorioak Supituki antzerki taldeko kideek. Inprobisazio hutsa da, taldearen izenak dioen moduan. Hori baita antzerki inprobisatua, antzerkia egiteko "beste modu bat", Itziar Arkauz, Josu Zubia, Ariane Telleria eta Egoitz Aizpuru oñatiarrentzat. "Bat-bateko sorkuntza lanak eragiten duen zirrarak erakartzen gaitu. Inoiz ez dugu jakiten zeri buruz ariko garen agertokian; gu geu ere harritu egiten gara askotan. Emanaldi bakoitza bakarra bilakatzen da", aitortu du Telleriak.

[Herriz herri] Pasaia. Lau nortasun herri bakarrean
Uzt 14, 20172017-07-13Albisteak, Ekonomia, gipuzkoa, Gizartea, Kultura0 0

[Herriz herri] Pasaia. Lau nortasun herri bakarrean

Olatz Mitxelena

Ez da ohikoa, eta horregatik badu zerbait berezitik. Pasaiak lau herri txiki biltzen ditu udalerri bakarrean: Donibane, San Pedro, Trintxerpe eta Antxo. Herri bat badiaren bueltan sortua, eta portua erdian, bildu eta bereizi, biak bat egiten dituena. Gaur egun Pasaia ezagutzen ez duen norbaiti hari buruzko galdera eginez gero, arraunarekin lotuko du ziurrenik; eta herritar helduagoek, akaso, garai bateko ontziolarekin eta arrantza portuarekin. Eta ez da harritzekoa.

Aire zabalean, zinema bidean
Uzt 14, 20172017-07-13Albisteak, gipuzkoa, Kultura0 0

Aire zabalean, zinema bidean

Miren Osa Galdona

Eguraldi txarra izan ezean, bateratzeko nekezak izaten dira udara eta zinema. Areto itxi eta ilunak albo batera utziz, Errepidez Errepide zikloak road movie-aren inguruko zazpi pelikula eskainiko ditu aire zabalean, Tabakalerako Ud-ha programaren barruan. Gaurtik, ostiralero film bat proiektatuko dute. 22:15ean izango dira, eta abuztuaren 25a arte iraungo du zikloak. Lur Olaizola Lizarralde (Donostia, 1988) Tabakalerako ikus-entzunezko programaren koordinatzailearen esanetan, jendeak udan zinemaz goza dezan nahi dute, "zinemarik onena eskainiz".

Uzt 14, 20172017-07-13gipuzkoa0 0

Egutegia

22:15ean hasiko dira film guztiak, Tabakaleran, eta ez da sarrerarik ordaindu beharko ziklo guztian. Uztailaren 14an, Zabaltzan The Hitch-hiker. Uztailaren 21ean, Zabaltzan Twentynine Palms. Uztailaren 28an, Azotean De jueves a domingo. Abuztuaren 4an, Zabaltzan Starman. Abuztuaren 11n, Zabaltzan Don’t Look Back. Abuztuaren 18an, Zabaltzan Taste of Cherry (Gerezien zaporea). Abuztuaren 25ean, Azotean Lake Tahoe.

Uzt 14, 20172017-07-13gipuzkoa, Iritzia0 0

Beix koloreko Euskal Herria

Leire Narbaiza

Ez dakit herriek kolorerik duten, eta izanda ere, badakit ezin daitekeela orokortu, giza taldeak heterogeneoak direlako, denetatik dagoelako eta tar, tar, tar... Ezaguna dut diskurtsoa, nik neuk ere praktikatu dudalako. Baina ez dezagun geure burua engaina; margotu izan balute gure herria, eta bertako guztiok, emandako ikuspegi nagusia beixa izango zatekeen.