Abe 23, 20162016-12-22gipuzkoa0 0

Lapatx itxi dute, eta Mutiloan hondakin gehiago

Gipuzkoan hondakinak tratatzeko azpiegiturarik ez dagoela-eta errauste planta egin arte beste bide batzuk bilatu behar direla adierazi izan du Gipuzkoako Foru Aldundiak. Otsailean, Gipuzkoako Hondakinen Kontsortzioak Lapatxeko zabortegiarekin egin zu...

[Urtekaria] Errautsetatik dator eztabaida
Abe 23, 20162016-12-22Albisteak, gipuzkoa, Gizartea0 0

[Urtekaria] Errautsetatik dator eztabaida

Eider Goenaga Lizaso

Zubietako errauste plantaren —Ingurumen Gunea deitzen diote Gipuzkoako Hondakinen Kontsortzioak eta foru aldundiak— obren adjudikazioarekin amaituko da urtea. Obra egiteko eta kudeaketarako lehiaketa publikoa Urbaser enpresa sareak irabazi du, eta GHKren batzarrak abenduaren 27an emango dio oniritzia. Moyua, Altuna y Uria, Murias eta LKS enpresa gipuzkoarrek parte hartzen dute Urbaser sarean, eta urtarrilean hasi nahi dituzte eraikuntza lanak.

[Urtekaria] Azaleratu da borondatea
Abe 23, 20162016-12-22Albisteak, gipuzkoa, Politika0 0

[Urtekaria] Azaleratu da borondatea

Maite Alustiza

Ekainaren 5a "egun historikoa" izan zen, mugarri bat, "egun oso inportantea". Estatus politikoari buruzko galdeketak egin zituzten Goierrin, Debagoienean eta Azpeitian. "Garbi daukagu ekainaren 5ean ez dela ezer bukatuko: zerbait egiten baldin bada, hasi egingo da", azaldu zuen Gure Esku Dago dinamikako Angel Oiarbidek.

Abe 23, 20162016-12-22gipuzkoa0 0

Erabakitzeko eskubidea, bi kolpetan

Eider Goenaga Lizaso

Sinadurak biltzen, atxikimenduak bilatzen, herri kontsultarako giroa berotzen, erabakitzeko eskubidearen aldeko kontzientzia zabaltzen bukatuko dute 2016a datorren urtean herri kontsulta egingo duten herri eta eskualdeetan. Goierrin, Debagoienean eta Azpeitian egin ondoren, lekukoa Gipuzkoako 51 herrik hartuko dute. Gure Esku Dago-k ehun herri kontsulta iragarri ditu 2017rako, eta horietako erdiak baino gehiago egingo dira Gipuzkoan.

Bi kolpetan gauzatuko dute erabakitzeko eskubidearen ariketa praktikoa. Martxoaren 19an izango dira galdeketak Astigarragan, Hernanin, Oiartzualdean eta Tolosaldean; eta maiatzaren 7an, berriz, Debabarrenean, Urola Kostan, Lasarte-Orian eta Usurbilen. Bozketa horiek egin ostean, Donostia, Irun, Hondarribia, Urnieta, Andoain, Beizama eta Aia geldituko dira herri galdeketa egin gabe; hala ere, Gure Esku Dago-k baditu taldeak martxan toki horietan, eta batzuetan nahiko aurreratuta daude, galdeketarako datarik jarri ez duten arren.

Gure Esku Dago-k joan den larunbatean aurkeztu zuen Prest ibilbide orria. Bertan 2017rako egitekoak eta aurrera begirako helburuak zehaztu zituzten, eta herri galdeketen eta erabakitzeko ariketen zikloa 2019an amaitzeko asmoa iragarri. Galdeketak, erabakitzeko eskubidearen aldeko ituna, herri mobilizazioak eta elkarlana izango dira ordura arteko bide orriaren ildoak.

2017an galdeketa egingo duten 51 herriotan 284.000 herritar bizi dira —Gipuzkoan, guztira, 710.000 inguru—, eta 16 urtetik gorakoek izango dute botoa emateko eskubidea. Herri handi eta txikiak daude herri galdeketa antolatu dutenen artean, baina Gure Esku Dago-k aitortu du bere erronka "Euskal Herriko hiriburuetara iristea" izango dela. "Helburu ez baita Euskal Herriko herri guztietan galdeketak egitea, baizik eta erabakitzeko eskubidearen inguruko eztabaida, pedagogia eta egikaritzea euskal herritarren gehiengoa bizi den guneetara hedatzea".

Gure Esku Dago-ren arabera, hiriburuetako galdeketak posible izango dira, "tokian tokiko errealitateak, indarrek eta nahiak ahalbidetzen badituzte". Donostian martxan da dinamika, eta ekainaren 5ean erabakitzeko eskubidearen aldeko saio txiki bat egin zuten —Goierriko, Debagoieneko eta Azpeitiko galdeketen egun berean—. Jai giroan, hautetsontziak jarri zituzten Bulebarrean, eta honako galdera hau botopaperetan: "Donostian erabakitze eskubidearen aldeko herri galdeketa bat antolatzearen alde zaude?". 2.000 donostiar inguruk parte hartu zuten bozketan.

Abe 23, 20162016-12-22gipuzkoa0 0

Galdeketak 2017an

MARTXOAK 191. Abaltzisketa2. Aduna3. Albiztur4. Alegia5. Alkiza6. Altzo7. Amezketa8. Anoeta9. Asteasu10. Astigarraga11. Baliarrain12. Belauntza13. Berastegi14. Berrobi15. Bidania-Goiatz16. Elduain17. Errenteria18. Gaztelu19. Hernani20. Hernialde21. I...

[Urtekaria] Betaurreko moreen iraultza
Abe 23, 20162016-12-22Albisteak, gipuzkoa, Gizartea0 0

[Urtekaria] Betaurreko moreen iraultza

Eider Goenaga Lizaso

Borreroak baditu milaka aurpegi, dio Negu Gorriak taldearen abestiak, eta emakumeen kontrako indarkeriak ere halaxe ditu. Bikotekideek hildako emakumeak edo urteetan jipoiak sufritu dituztenak daude izozmendiaren puntan, baina, hortik abiatuta, zabalduz doa mendiaren oinarria, emakume guztiengana heldu arte. Mikromatxismo gisa izendatzen diren eta ia garrantzirik eman gabe pasatzen uzten diren komentario eta gertaerak; edota emakume guztiek inoiz sentitu duten beldurra, gauez etxera bakarrik bueltatzean. Indarkeria mota horiek ez dira berriak; bai, ordea, horiei erantzuteko moduak.

Beste erantzun mota bat</p

Abe 23, 20162016-12-22gipuzkoa0 0

Omenaldia emakume erresistenteei

Emakume erresistente eta errepresaliatuak izan ziren, iragan apirilaren 24an, Intxorta Egunean omenaldia jaso zutenak. Indarkeria sufritu zuten 1936ko gerran zein gerraostean emakumeek, baina antolatzaileek aldarrikatu zuten errepresioaren biktima soi...

Abe 23, 20162016-12-22gipuzkoa, Iritzia0 0

Urte berri, porlan zahar

Leire Narbaiza
Iritsi zaigu 2016ari agur esateko ordua, baita balantzea egiteko ere. Baina zenbat gauza aldatu dira aurten? Badago alderik 2015. urtearekin? Egia esatera, ezin nezake nabarmendu gauza askorik. Eguneroko mikro-aldaketak gehituta ere ezin...

Abe 23, 20162016-12-22gipuzkoa, Iritzia0 0

Opus Deik ahaztutako alaba

Danel Agirre

Egunero arropa berberekin janzten zen unibertsitateko kide batek kontatu zidan bere aitak, Espainiako erregearen Gabon gaueko mezua entzuteko familia bildu, eta amaitu bezain pronto sofatik altxatu eta bigarren hitzaldia botatzen ziela, etxerakoa. Opus Deikoak zirenez, zortzi edo bederatzi seme-alaba ekoitzi zituzten gurasoek, zortzi edo bederatzi bider bakarrik txortan eginda —suposatu nuen nik—. Xanpu iragarkiak filmatzeko moduko ile bikaineko haurrak behar zuten, Opus Dein burusoilik ez dagoela gauza jakina delako. Koskortzen zirenerako sektako egoitzetara pasatzen zituzten guztiak, Madrilen edo Iruñean, eta urtean behin bakarrik biltzen ziren, elkarren segidako bi erretolikak entzun eta zeken banatutako xanpain kopa erdiekin txolintzen saiatzeko.

Amak eta zazpi edo zortzi anai-arrebek osatzen zuten hitzaldien entzuleria. Zeken banatutako xanpain kopa erdiez asperturik, unibertsitateko nire kidearen arreba batek Opus Dei laga eta familiako ospakizunetarako ez zen etxeratzen. Oraindik leial zitzaizkionak estu hartu ohi zituen aitak bere urteroko errepasoan. Seme-alabei eskolako txakalaldiak aurpegiratzen zizkien, Gabon gaueko etiketa arauek aholkatzen duten errukirik gabe. Ardi beltza bere balantzetik at utzi ohi zuen, hori bai, Juan Carlos eta Felipek Cristinarekin egin ohi duten gisara. Kiroltasunez betetako keinua iruditzen zitzaidan niri. Unibertsitateko kideak azaldu zidanez, bide okerretik galdutako arreba ahaztuta zazpi edo zortzi seme-alaba ekoitzi izanaren plantak egiten zituzten gurasoek ospakizunetan. Txortan zazpi edo zortzi bider bakarrik egin izan balute bezala.

Karrera bukatu eta pare bat urte pasata topatu nuen azkenekoz unibertsitateko kidea, Iturrama eta Eskirotz kaleek osatzen duten bidegurutzean. Lagun baten etxera bisitan nindoan ni, fakultaterantz presaka bera. Ordezko irakasle zebilela kontatu zidan, eta familia osatu berriarekin Lopez frontoiaren alboan bizi zela. Graduazio ekitaldia pasa berritan klasekide batekin ezkondu, eta bigarren haurraren zain omen zeuden dagoeneko (txortan bi bider baino egin gabe, suposatu nuen nik). Betiko arropak zeramatzan, eta bere ileak itxura bikaina zuen, distiratsua eta indarrez betea.

Hamabost urte igaro dira ordudanik, eta dagoeneko zortzi edo bederatzi bider egingo zuten txortan nire unibertsitateko kideak eta bere emazteak, suposatu berri dut. Juan Carlosek abdikatu zuenean Feliperi tokatu bezala, aitaren Gabon gaueko mezuaren ohitura ere bere gain hartuko zuen honezkero Lopez frontoiaren alboko etxean. Unibertsitateko nire kidea tipo argia zenez, nago aitaren beste ohitura bat ez zuela kopiatuko. Xanpain kopak zekenkeria gabe banatu, eta ziur txolindutakoan ile bikaineko bere zortzi edo bederatzi seme-alabei azkar ahazten zaiela egunero eskolara joateko arropa berbera jantzi behar dutela.