Euskaraldiko 75 kultur ekitaldi, Donostian

Euskarazko kultur eskaintza areagotuko dute Donostian, Euskaraldiak irauten duen bitartean, eta kultur ekitaldiak izango dira hamabost auzotan: denera, 75. Donostiako Udaleko Euskara Zerbitzuek, Bagera Euskaltzaleen Elkarteak eta auzoetako euskara batzordeek antolatu dituzte, Donostia Kulturaren laguntzarekin. Ikusle kopuru mugatua izango dute ekitaldiek, baina modu telematikoan ere ikusi ahal izango dira, Donostiako Euskara Zerbitzuaren Youtubeko kanalaren bitartez.