gipuzkoa

Herriak aukera dezala
2018-06-292018-06-28Albisteak, gipuzkoa, Gizartea, Politika

Herriak aukera dezala

Beñat Alberdi

Lurrei dagokienez, Antzuola ez da Gipuzkoako herririk handiena. Biztanleak ere 2.000 pasatxo ditu, handienetatik urrun. Baina udalak pauso handia eman du herritarrek erabakietan parte har dezaten. Urtarriletik martxan dute Antzuola Eitten prozesua, Aztiker soziologia ikerguneak dinamizatuta. 2030eko herria diseinatzea da helburua. Makina bat proposamen jaso dituzte jada; triptiko batean bildu dituzte horietatik ehun, eta etxez etxe banatuko dute orain. Boto bidez, herritarrek erabakiko dute nolako Antzuola eraiki nahi duten.

2018-06-292018-06-28gipuzkoa, Iritzia

Sofan etzanda, euskara bultzatzeko

Leire Narbaiza

Telebista aparatua aspalditik da egongela ia guztietako parte, ezinbestekoa esango nuke, gainera. Gurean, ni jaio eta gutxira sartu zen Helmotz markako gailua, Eibarren bertan egindakoa. Zuri-beltzeko trepeta hartan ikusi genituen luzaroan kanal bakarreko saioak. Hain zen gogorra tresna, ezen ez zen hondatzen, eta, hondatu ezean, telebista berririk ez. Beraz, ETB1 ikusten oso berandu hasi ginen, etxeko gazteenok irrikan egon arren.

750ak gogoratzekoak direlako
2018-06-292018-06-28Albisteak, gipuzkoa, Gizartea, Kultura

750ak gogoratzekoak direlako

Eider Goenaga Lizaso

Uztailaren 30ean beteko dira 750 urte Bergarak hiri gutuna jaso zuela, eta dozenaka lagunek ia bi urte daramatzate lanean urteurren horri begira. Ez dira urtero betetzen 750 urte; gogoratu beharreko urteurrena da. "Duela pare bat urte-edo, ideia horrekin etorri zen udaletxera Gotzon Artzelus. Urteurrena gogoratzea proposatu zigun udaletxeko alderdi guztiei. Bere proposamena zen gogoratzea nondik datorren Bergara eta nola sortu zen, baina baita aurrera begiratzea ere, nora goazen eta nora joan nahi dugun aztertzea. Oso ideia ona iruditu zitzaigun denei", azaldu du Maite Agirre Bergarako kultura zinegotziak.

“Gizartea ‘belarriprest’ denean iritsiko da normalizazioa”
2018-06-222018-06-22Elkarrizketa, gipuzkoa

“Gizartea ‘belarriprest’ denean iritsiko da normalizazioa”

Ariane Vierbücher

Euskararen eta euskal kulturaren alde lan handia egin du Agustin Mujika Takolo-k (Lasarte-Oria, 1960). Egin du, egiten ari da eta etorkizunean ere egiten jarraitzeko asmoa du. Gizartea euskaldundu beharra dagoela sinistuta, zeregin horretan jarraitzen du Takolo pailazo gisa ezaguna denak, nahiz eta aspaldi utzi zituen oholtzak. Euskaldun berria da, AEK-ko ikasle eta irakasle izana; irakasle eskolan ikasketak amaitu, eta irakaskuntzan hasi zen lanean; euskararen irakaskuntza eraginkorragoa izan zedin, hainbat ekimen sortu zituen gero: Olentzeroren etorrera, haurrentzako egonaldiak, Euskararen Maratoia... Euskaraldia ekinaldian buru-belarri murgilduta dabil gaur egun. Bihar aurkeztuko dute egitasmoa Zaldibian, gaur egun bizitoki duen herrian.

Musikaren etxea tonua galduta
2018-06-222018-06-21Albisteak, Asteko Gaiak, gipuzkoa, Gizartea, Kultura

Musikaren etxea tonua galduta

Eider Goenaga Lizaso

Duela 85 urte musika eskola ireki zuten toki berean dago Donostiako Francisco Escudero kontserbatorioa, Easo kalean. Apenas egin den obrarik eraikinean, eta ez ditu betetzen kontserbatorio batek beharko lituzkeen baldintzak; gainera, estilo arrazionalistako eraikina denez, ezin da aldaketarik egin egituran. Horrek bi arazo nagusi eragiten dizkie kontserbatorioko irakasleei eta ikasleei: batetik, eraikinaren kontserbazio arazoak, eta, bestetik, espazio falta. 8 eta 18 urte bitarteko umeek ikasten dute kontserbatorioan; 370 ikasle eta 56 irakasle dira orotara.

‘Urikalduak’ salbatzeko
2018-06-222018-06-21Albisteak, gipuzkoa, Gizartea

‘Urikalduak’ salbatzeko

Erik Gartzia Egaña

Jose Maria Zubia Aita Mari marinel zumaiarrak ospe handia izan zuen XIX. mendean, Kantauri itsasoko uretan egin zituen hamaika erreskateengatik. Itsasoan galdutakoak salbatuz hil zen, Donostian haren omenez jarritako plakak gogoratzen duenez: "[...] Urikalduak [naufragoak] salbatu nayaz eman zenduben biziya [...]".

2018-06-222018-06-21gipuzkoa

Errefuxiatu asko ari da iristen Gipuzkoara

Euskal Herrira bideratuko dituzte Aquarius ontzian bidaia egin duten 628 pertsonetatik 87. Gipuzkoak hogei hartuko dituela aurreikusi du aldundiak, eta hainbat erakundek iragarri dute prest daudela harrera egiteko. Azken hilabeteetan 160 errefuxiatu artatu dituztela gogoratu du, adibidez, Eneko Goia Donostiako alkateak. Jose Antonio Santano Irungo alkateak bat egin du hiri solidario izateko Espainiako Udalerrien eta...

Pilotaren azken erromantikoak
2018-06-222018-06-21Albisteak, gipuzkoa, Kirola

Pilotaren azken erromantikoak

Asier Imaz

Reyes Azkoitiak, Luis Galarragak eta Xalton Zabalak bizitza erdia baino gehiago eman dute pilotaren munduan. 60 urtetik gora dituzte hirurek, eta erretiroan pentsatzen hasiak dira. Horrek ez du esan nahi pilotarekin duten lotura amaitu egingo denik. Luis Galarragak amaitu zituen Aurrera Saiazen egin beharreko lanak, baina pilota irakasten jarraitzen du bere herrian, Bidania-Goiatzen. Garai berrietara egokitu nahian, hausnarketa fasean dago Amezketako Zazpi Iturri pilota eskola, Xalton Zabalaren kluba. Bergaran, aldiz, belaunaldi berriaren esku geratuko da, laster, pilota elkartea. Ibilbide luzea izan dute hirurek, gertaeraz betetakoa, eta, ondorioz, ideia pentsamendu ugariren sortzaile izan da.

2018-06-222018-06-21gipuzkoa

Nortasun agiria

Izen-abizenak. Kyle Gill. Jaioterria. Bridgetown (Barbados). Jaioturtea. 2000. Altuera. 178 cm. Pisua. 68 kg. Kirol ibilbidea. Bi urte daramatza Barbadosko Team Massy United txirrindularitza taldean lehiatzen. Abuztuan itzultzekoa da. Lorpen garrantzitsuenak. Iaz, brontzezko domina irabazi zuen gazteen mailako Karibeko Txapelketan, erlojuaren aurkako proban; eta gazteen mailako Barbadosko erlojuaren aurkako proba eta errepideko txapelketa irabazi ditu...

Zarautzera, bizikleta gosez
2018-06-222018-06-21Albisteak, gipuzkoa, Kirola

Zarautzera, bizikleta gosez

Aitziber Arzallus
Bizikleta goseak ekarri du Kyle Gill txirrindulari gaztea Karibetik Zarautzera. Ekainaren 9an iritsi zen bi hilabeteko egonaldia egitera, eta abuztuan itzuliko da etxera.