Mende bat bete da Eustaquio Berriotxoa Marokora joan zenetik, Rifeko gerrara. Argazkiak atera zituen han, eta Urretxun ikusgai egon da erakusketa. Udalak beste herriren batera hedatu nahi du orain.

Milaka eta milaka argazkiren egilea eta berreskuratzailea da Xanti Iruretagoiena zarauztarra. 1938an jaioa, herriko kronika grafikoa egin du azken hamarkadetan. Orain, udalari eman dizkio argazkiak.

Hamasei artistak aniztasunaren errealitatea irudikatu dute Tolosan, 'Aniztasunak' erakusketan, migratzaileen testigantzekin. Ekainaren 3ra arte egongo da ikusgai erakusketa, Aranburu jauregiko aretoan.

Jose Luis Zumetak Usurbil jaioterrian egindako zeramikazko muralak 50 urte bete ditu. Urteurrenaren harira, muralari buruzko erakusketa bat prestatu dute, eta bihar irekiko dute.

Madonnaren kontzertu biretan, Parisko moda desfileetan eta abarretan entzun da txalaparta azken urteotan. Gorka Zubizarreta Arrasateko Ttakun txalaparta taldearen ustez, etorkizuneko joeretara egokitzea izango da gakoa, "baina nortasuna galdu gabe".

Adin Adin egitasmoaren zortzigarren aldia hasiko da asteazkenean. Gipuzkoako 25 bertsolari joango dira zahar etxeetara, eta bertsolari bikote bat ariko da bakoitzean.