Kultura

Berritasunaren laborategia
2018-03-232018-03-22Albisteak, gipuzkoa, Kultura

Berritasunaren laborategia

Unai Zubeldia

Kontzertuak, festak, erakusketak, merkatuak, DJ gauak, proiekzioak eta jendea alaitzen duen ia guztia antolatu eta jasotzen dugu hemen". Horixe da Donostiako Dabadaba aretoaren aurkezpen txartela. "2014ko martxoaren 29a". Sebastian Salaberrik, Dabadabako arduradunetako batek, ondo gogoan dauka lehen eguna. "Alex Lopez Allende eta biok 2013an hasi ginen Donostian lokalen baten bila, eta tribu gisakoa sortu genuen pixkanaka, hainbat lagun elkartuta". Mundaiz kaleko 8. zenbakian lokala hartu, euren kasa berritu, eta "hiriari berritasuna eskaintzeko helburuarekin" ekin zioten bideari.

Soreasu antzokia, sormenaren labea
2018-03-232018-03-22Albisteak, gipuzkoa, Kultura

Soreasu antzokia, sormenaren labea

Ane Olaizola
Aitor Bengoetxeak dioen bezala, "ondare handia" gordetzen dute arte eszenikoek, arlo ugari batzen dituen diziplina delako, besteak beste. Aktoreek, gidoilariek, zuzendariek nahiz soinu eta irudi teknikariek bat egiten dute obraren sormen prozesuan, eta, bide horretan, pixkanaka hazten ari da lantaldeak egonaldi itxiak egiteko joera, guztien artean antzezlana ondu dezaten.

Belaunaldien arteko transmisioa
2018-03-162018-03-15Albisteak, gipuzkoa, Gizartea, Kultura

Belaunaldien arteko transmisioa

Imanol Saiz

Nork ez du sekula ipuin edo kondaira bat arretaz entzun? Etxeko sofan gurasoekin, suaren inguruan lagunekin edo herriko liburutegian ipuin kontalari batekin. Guztien artean, etxeko txikienek gozatzen dute gehien ipuin kontalarien istorioekin. Azken lau urteotan, ohiko kontaketa horiei bira eman diete Pasaian; erabat irauli dute formula. Ipuin kontalari helduek lau barrutietako gaztetxoei pasatu diete lekukoa, herriko haurrek ipuinen mundura bidaiatzen jarrai dezaten.

Xabier Alberdi: “Logikoa zen matxinatutako kolonoekin lerratzea”
2018-03-162018-03-15Albisteak, gipuzkoa, Gizartea, Kultura, Politika

Xabier Alberdi: “Logikoa zen matxinatutako kolonoekin lerratzea”

Eider Goenaga Lizaso

Joan den ostegunean ireki zituen ateak Zoriontasunaren bilaketa. Euskal ekarpena AEBetako independentziari erakusketak, Donostiako Untzi Museoan. Irailaren 30era bitartean egongo da zabalik. Xabier Alberdi historialari eta erakusketako zuzendari zientifikoak (Zarautz, 1969) azaldu duenez, historiako pasarte nahiko ezezaguna da erakusketan jasotakoa: AEBen Independentzia Gerran euskal herritarrek ekarpen garrantzitsua egin zieten Britainia Handiaren kontra borrokatu ziren kolono matxinatuei.

Zergatik erakusketa hau?

Arrastoa ulertzeko ondarea
2018-03-162018-03-15Albisteak, gipuzkoa, Kultura

Arrastoa ulertzeko ondarea

Jon Miranda

Herriko ondare bizia da Pello Errota, eta horrela aldarrikatu du Pili Legarra Asteasuko alkateak. 1840an sortu zen Pedro Joxe Elizegi, eta errotaria zen bizibidez. Handik jaso zuen ezizena. Txirritarekin batera, bertsoa lanbide osagarri gisa erabili zuen lehen bertsolarietako bat izan zen. 1919ko otsailaren 3an zendu zen, eta Asteasun mendeurrena bitarteko epea baliatuko dute Pello Errotaren irudia eta haren garaia gogoratzeko.

Ipuinek batu dituzte bi aldeak
2018-03-022018-03-01Albisteak, gipuzkoa, Gizartea, Kultura

Ipuinek batu dituzte bi aldeak

Erik Gartzia Egaña

Oiartzunen txiki utzi dute Ozeano Atlantikoak sortzen duen aldea. Izan ere, proiektu bati esker, herriko hainbat haurrek bat egin dute Mexikoko Yucatan penintsulako Hunucma herriko haurrekin. Ipuinak dira hari komunikatzaileak. Hango ipuin batean oinarrituta, marrazki bizidunak sortu zituzten Yucatango haurrek, eta oiartzuarrek erantzuna eman diete, beste ipuin batean oinarrituta.

Laburretik osotasuna eraikitzen
2018-03-022018-03-01Albisteak, gipuzkoa, Kultura

Laburretik osotasuna eraikitzen

Unai Zubeldia

Dena hain azkar egin nahi dugun mundu honetan, film laburren mugimendua indartzen ari da ". Leire Lardizabal Topaguneko kide eta Laburbiraren arduradunak azaldu duenez, zortzi minutu nahikoak dira istorio bat kontatzeko. "Eta zortzi istoriorekin goza daiteke film bat ikusteko behar den denboran".

‘Azken arnasa eman nahi nuke…’
2018-02-162018-02-15Albisteak, gipuzkoa, Gizartea, Kultura

‘Azken arnasa eman nahi nuke…’

Beñat Alberdi

Ia 22 urte ditu Elgetako gaztetxeak. Ia, gazteak 1996ko martxoaren 22an sartu zirelako herriko haur eskolara. Beraz, datorren hilabetean beteko lituzke 22 urte. Baina batek daki beteko dituen edo ez. Izan ere, gaur arratsaldean egitekoak diren batzarrean erabakiko dute azken urratsak nola egin. "Nik, behintzat, bide orri bat zehaztea espero dut", azaldu du Kepa de Vegak, gazte asanbladako kide batek. "Zehatz dezagun zeintzuk diren eman beharreko pausoak, eta noiz emango ditugun. Baina, batez ere, zehatz dezagun noiz itzuliko dizkiogun giltzak udalari". Hamaika urte egin ditu proiektuak, eta hamaika belaunaldi pasatu dira bertatik. Horregatik antolatu dute batzar irekia. Azken arnasa eman nahi nuke itsasoari begira abestu zuen Benito Lertxundik, eta Azken arnasa eman nahi nuke herritarrekin batera litzateke Elgetarentzat.

Neurria aldatu diote aurten
2018-02-162018-02-15Albisteak, gipuzkoa, Kultura

Neurria aldatu diote aurten

Unai Zubeldia

Bere neurrian, ona da lehia, baina inguru atsegina, gertutasuna, konfiantza, aisialdia... Hori guztia eskaini nahiko luke Gipuzkoako Eskolarteko Txapelketak". Jokin Labaien Gipuzkoako Bertsozale Elkarteko kideak azaldu duenez, "euskaraz bizitzeko, komunikatzeko eta ondo pasatzeko modu bat" da bertsoa. Eta erronka horri helduta, gaur hasiko da txapelketa, Zestoako Lau Iturri elkartean jokatuko duten bat-batekoaren lehen kanporaketan. Apirilaren 20an amaituko da, Deban, Lasturko Arruan Haundi baserrian jokatuko duten finalean. Bat-batekoaz gain, idatzizko lehiaketa ere izango du eskolartekoak. Martxoaren 6an izango da lehen saioa, Lezoko Gezala auditoriumean, eta martxoaren 16an azkena, Orioko ikastolan.