Kultura

Oso ausartentzat soilik
2017-11-032017-11-02Albisteak, gipuzkoa, Gizartea, Kultura

Oso ausartentzat soilik

Asier Perez-Karkamo

Ausarta izan behar da bihar Irungo Ficoba erakustazokara joateko, oso ausarta. Deabruak izeneko hotela bilakatuko dute Ficoba, eta edozer gerta daiteke bertan prestatuko duten 200 metroko ibilbidean. Santiagoko Deabruak kultur elkarteak hamalaugarrenez antolatu du Beldurraren Pasabidea, eta abisua eman du badaezpada: "Jarduera ez da egokia izango 6 urtetik beherakoentzat, haurdun daudenentzat, eta hipertentsioa edo bihotzeko arazoak dituztenentzat; efektu bereziak egongo dira pasabidean, eta sentiberatasuna mindu dezakete horiek, txikienena batik bat".

[Museora] Jantziaren Zentroa. Jantziz jantzi jantzia
2017-11-032017-11-02Albisteak, gipuzkoa, Kultura, Museora

[Museora] Jantziaren Zentroa. Jantziz jantzi jantzia

Eider Goenaga Lizaso

Apirilaren 1ean ireki zituen ateak Errenteriako Jantziaren Zentroak. Zazpi hilabeteko ibilbidearekin gustura azaldu da Ainhoa Mendiburu zentroko komunikazio arduradun eta Iraultza dantza taldeko kidea (Errenteria, 1972). Izan ere, museoak gurasorik badu, Iraultza taldeko kideak ditu; eurek elikatu dute museoa, eurek egin dute jantzi guztien bilketa, eta eurek egiten dute kudeaketa ere, Errenteriako Udalak eraberritu eta utzitako Kapitain Etxean (XVIII. mendekoa). Urte askotako lana dago Jantziaren Zentroaren atzean, eta museoa irekitzea Iraultza taldeko kideentzat "egia bihurtutako ametsa" dela dio Mendiburuk.

[Herriz herri] Zestoa. Herri txiki, ondare handi
2017-11-032017-11-02Albisteak, Ekonomia, gipuzkoa, Gizartea, Herriz Herri, Kultura, Politika

[Herriz herri] Zestoa. Herri txiki, ondare handi

Ane Olaizola

Gipuzkoako iparraldean, Urola Kosta eskualdean dagoen udalerria da Zestoa. 3.740 biztanle zituen iaz, baina demografia txikia izanik ere, azalera handiko herria da —43,69 kilometro koadro ditu—. Biztanle gehienak herrigunean bizi badira ere, sakabanatuta dauden inguruko auzo ugarik osatzen dute udalerria: Aizarna, Akua, Arroagoia, Arroabea, Iraeta, Lasao... Hain zuzen, hori da herriaren berezitasunik nabarmenena Josetxo Mendizabal alkatearen iritziz (Zestoa, 1955): "Herri txikiak bezalakoak dira auzoak, eta hori kontuan hartzekoa da Zestoa bere osotasunean kudeatzeko orduan". Horretarako auzo bakoitzarekin "ahalik eta harremanik zuzenena" eduki beharra dagoela azpimarratu du alkateak. "Eta konplexua da bakoitzaren eskaerak eta beharrak aurrekontuen arabera lehenestea".

Mitoak, ipuinetatik harago
2017-10-272017-10-26Albisteak, gipuzkoa, Kultura

Mitoak, ipuinetatik harago

Eider Goenaga Lizaso
Joxemiel Barandiaranek Ataunen eta Euskal Herri osoan bildutako mito, kondaira eta elezaharrak ez ahazteko, urte osoz egiten du lan Ataungo Barandiaran museoak, baina euskal mitologiaren inguruan egiten dituzten jarduera guztiak aste bakarrean bildu eta indartzeko apustua egin dute aurten.

[Herriz herri] Zerain. Paisaia eta kultura bat eginda
2017-10-272017-10-26Albisteak, Ekonomia, gipuzkoa, Gizartea, Herriz Herri, Kultura, Politika

[Herriz herri] Zerain. Paisaia eta kultura bat eginda

Loinaz Agirre

Txikia izanagatik, Euskal Herrian oso ezaguna da Zerain, tokiko garapenean eredu eta aitzindari baita. Herriaren etorkizuna bermatzeko urratsak egiten hasi ziren XX. mendearen amaieran, iraganera begiratuta, auzolanean oinarrituta eta ondarea berreskuratuta. Arantza Ruiz Larrinaga alkatearen (Donostia, 1965) deskribapenaren arabera, "inguru politean dagoen herri txikia da Zerain, euskalduna, eta kultura, ohiturak eta ondarea mantendu dituena".

[Museora] Larraulgo Ekomuseoa. Herriak museoari, museoak herriari
2017-10-272017-10-26Albisteak, gipuzkoa, Kultura, Museora

[Museora] Larraulgo Ekomuseoa. Herriak museoari, museoak herriari

Eider Goenaga Lizaso

Herri txikia da Larraul, 250 biztanle ingurukoa, baina, udalaren eta herritarren elkarlanetik sortuta, badu museo bat 1998tik. Bi urtez herriko baserri eta etxeetan gordeak zituzten tresnak bildu, katalogatu eta txukundu ostean, museo etnografikoa atondu zuten, eta udaletxearen eraikin berean dago ordutik. Erakusketa iraunkor hori indarberritzeko beharraren ondorioa izan zen, bestalde, Larraulgo Ekomuseoaren sorrera. "2009ra arte, herritar boluntarioen eskutik egiten ziren museoko eta San Esteban elizako bisita gidatuak; 2009tik aurrera, Dina7 kultur elkarteak hartu zuen egiteko hori, eta ekomuseo bihurtu zen museo etnografikoa", azaldu du elkarteko kide Pili Otaegik.

Azken puntada epaiketarako bidean
2017-10-202017-10-20Albisteak, Asteko Gaiak, gipuzkoa, Gizartea, Kultura

Azken puntada epaiketarako bidean

Eider Goenaga Lizaso

Azaroan bederatzi urte beteko dira Gipuzkoako Lurralde Auzitegiko Fiskaltzak Balentziaga museoa eraikitzeko obren inguruko ustezko irregulartasunen auziarekin aurrera egitea erabaki zuenetik. Hiru auzipeturekin iritsi da Balentziaga auzia epaiketa bezperara, eta litekeena da epaiketa soilik horietako biren kontra egitea, udan Julian Argilagos arkitekto eta proiektuaren egilea auzi-ihesean deklaratu baitzuen epaitegiak. Mariano Kamio Getariako alkate ohia (EAJ) eta Balentziaga Fundazioko zein Berroeta Aldamar elkarte mugatuko arduradun nagusi izandakoa, eta Argilagosen Hemen Art enpresako Rolando Paciel arkitektoa dira beste bi akusatuak.

Dantza pauso bat integraziorako
2017-10-202017-10-19Albisteak, gipuzkoa, Kultura

Dantza pauso bat integraziorako

Imanol Saiz

Azken urteotan, Kukai dantza konpainiak jendez lepo bete ditu Euskal Herriko antzeztokirik onenak. Tartean, ordea, bestelako egitasmoak sortzeko denbora ere izan dute dantzariek. Elkarlanaren bidetik doa, adibidez, esku artean dutenetako bat: duela hiruzpalau urte bizikidetzari buruzko ziklo berri bat abiatu zuten Errenteriako Udaleko Aniztasun Sailarekin batera.

“Ondare kulturalaren” lehia
2017-10-202017-10-19Albisteak, gipuzkoa, Kultura

“Ondare kulturalaren” lehia

Unai Zubeldia

Adi! Hurrengo bost egunetarako abisua: jatea gustuko ez duena ez dadila etor Donostiara gaurtik hurrengo asteazkenera. Izan ere, Hondarribiko Ostalaritza Elkarteak antolatuta, merkatu gastronomikoa egingo dute lehenengo, gaurtik igandera, eta Euskal Herriko XII. Pintxo Txapelketa ondoren, datorren astelehenetik asteazkenera. Kursaal jauregian egongo da txapelketaren gune nagusia, eta Katalunia plazan merkatu gastronomikoa, Grosen.