Kultura

Bazen behin banda bat
2017-02-242017-02-23Albisteak, gipuzkoa, Kultura

Bazen behin banda bat

Miriam Luki

Legazpiko Musika Banda 1867. urtean osatu zuten lehenengoz. Aurtengoa, tartean izandako etenen gorabeheran, bandaren 150. urteurrena da. Hastapenetako banda hark jai nagusietan zein berezietan jotzen zuen, eta kontzertu bakoitzeko pitxer bat ardo eta lau librako ogi bat ematen zieten ordainsari gisa. Hiru urtez aritu ziren, baina beste karlista gerra baten eztandaren beldurrak jota, taldea desegin zuten, eta musikari batek baino gehiagok Amerikara emigratu zuen. Bigarren saiakera bat egon zen 1907an, baina kale egin zuen. 1931n beste ahalegin bat egin zuten, eta hark arrakasta izan zuen.

Kalabazak ematea, sinbolikoki
2017-02-242017-02-23Albisteak, gipuzkoa, Kultura

Kalabazak ematea, sinbolikoki

Maite Alustiza

Azken urteen antzera, Sar dadila kalabazan! leloa eta kuia koloretsu baten irudia daramatza Ahoz Aho Ahozkotasunaren Nazioarteko Jaialdiak. Aurten, ordea, hamargarren aldia du, eta, lehenengoz, Urrezko Kalabaza sariak emango dituzte, urteotan jaialdiarekin zerikusia izan duten lagunak omentzeko. Sari "sinboliko" horietatik harago, dena den, ekintza sorta zabala prestatu dute, "ohikoa baino zabalagoa". Martxoaren 2tik —datorren osteguna— hilaren 25era arte, 30 ekitaldi izango dira: gehienak Tolosan eta Ordizian, eta hitzaldi bana Donostian, Albizturren eta Irunen. Hitzaldiekin batera, bi ikastaro, bi gala eta narrazio lehiaketa bat prestatu dituzte.

[Museora] Balentziaga museoa. Jantziek janzten dute
2017-02-242017-02-23Albisteak, gipuzkoa, Kultura, Museora

[Museora] Balentziaga museoa. Jantziek janzten dute

Eider Goenaga Lizaso

Jantziek jantzi ohi dute Cristobal Balentziaga museoa, goi mailako joskintzako jantziek gehienetan; baina, maiatzaren 7ra bitartean, Ikatza eta Belusa. Ortiz Echagüeren eta Balentziagaren begiradak herri-jantziari behin-behineko erakusketa dago ikusgai Getariako museoan, eta, jantziak ez ezik, argazkiak ere protagonista dira bertan. Izan ere, Jose Ortiz Echagüe argazkilari eta ingeniari espainiarraren argazkiak eta Getariako jostunaren obrak "elkarrizketan" jarri dituzte erakusketa atontzeko.

Egur zulatzaileen ingurunean
2017-02-172017-02-16Albisteak, gipuzkoa, Kultura

Egur zulatzaileen ingurunean

Maite Alustiza

Aurkikuntza egin berri dute Oñatin: duela 150 urtetik Gipuzkoan desagertutzat jotzen zen asun espezie bat topatu dute Araotzen, Aitzulo kobaren inguruan: asun mintzakara (Urtica membranacea). Donostian eta Irunen jaso zuten haren berri azkenekoz, eta, ordutik, ez da lurraldean berriro ikusi.

Sormenaren zubigilea
2017-02-102017-02-09Albisteak, gipuzkoa, Kultura

Sormenaren zubigilea

Rebeka Calvo
Artea jendea konektatzeko bide gisa. Artea esperientziei zukua ateratzeko. Artea gizartearen onurarako, "munduaren funtzionamendurako". Hori da Chari Camara Beviak (Alacant, Herrialde Katalanak, 1991) aldarrikatzen duena.

Ohitura gutxikoak, poltsikora
2017-02-102017-02-09Albisteak, gipuzkoa, Kultura

Ohitura gutxikoak, poltsikora

Maite Alustiza

Astebete darama martxan Donostiako Poltsiko Antzerki Jaialdiak, eta oraindik beste horrenbeste eta gehiago geratzen zaio aurretik. Otsailaren 19ra arte, formatu txikiko eta ertaineko antzerki ikuskizunak izango dira Donostiako hainbat gunetan: tabernetan, kultur zentroetan, antzoki txikietan... Guztira, hamasei konpainiak parte hartuko dute jaialdian, eta askotarikoa izango da eskaintza: antzerkia, clowna, musika, umorea... Hala, "gune eszeniko tradizionaletara joateko ohitura handirik ez duten ikusleak" antzerkira hurbildu nahi dituzte. Saio guztiak doakoak dira.

[Museora] Mater museoa. Itsasoaz, itsasotik
2017-02-102017-02-09Albisteak, gipuzkoa, Kultura, Museora

[Museora] Mater museoa. Itsasoaz, itsasotik

Eider Goenaga Lizaso

Mater itsasontziak 2003an utzi behar zion itsasora ateratzeari. Euskal Herriko egurrezko azken atunontzi handia izan zen —33 metro luze—, eta, erretiratu zuten urtean, lan handia egin zuen Prestige itsasontziak utzitako orbanak garbitzen. Baina euskal arrantza flotak moldaketa handia izan zuen garai hartan, eta egurrezko itsasontzi asko hondoratu egin zituzten, itsasontzi modernoagoekin ordezkatzeko.