Albisteak

24 orduko bakoitza, garaipen handi bat
2018-06-012018-05-31Albisteak, Asteko Gaiak, gipuzkoa, Gizartea

24 orduko bakoitza, garaipen handi bat

Aitziber Arzallus

Ostiral arratsaldea da. Taldetxo bat elkartzen ari da Donostiako Ibaeta auzoko Espiritu Santuaren parrokiaren atzealdean. 19:30 puntuan, barrura sartu dira, gela batera, eta eseri egin dira, borobilean. Hemezortzi lagun bildu dira: hamahiru emakume eta bost gizon. "Kaixo. Jaione naiz [asmatutako izenak dira denak], eta alkoholikoa naiz. Edan gabe jarraitzen dut, eta ongi nago", esan du haietako batek. "Kaixo, Jaione", erantzun diote, aho batez. Liburu bat hartu du esku artean, eta irakurtzen hasi da, ozen. Esker onari eta onartzeari buruzkoa da gaurko irakurgaia.

Ingurunea zaintzeko sistema
2018-06-012018-05-31Albisteak, gipuzkoa, Gizartea

Ingurunea zaintzeko sistema

Maialen Etxaniz
Goi lurretako urak garbi jaisten badira ere, gizakion jardunak kutsatu egiten ditu. Inor gutxik pentsatu du nora joaten diren landa eremuetako aterpetxeetako zein sukaldeko urak, edo garbitzen ote diren.

Generoak bereizitako azken plazak
2018-06-012018-05-31Albisteak, gipuzkoa, Gizartea, Kultura

Generoak bereizitako azken plazak

Beñat Alberdi

GGizonezkoa fokuaren erdian edo protagonismoaren jabe. Hainbat kasutan aplika daiteke esaldia; izan kirolean, izan politikan edo izan musikan. Momentu askotan, agertokiaren jaun eta jabe egiten da genero maskulinoa, eta euskal dantza tradizionala da horren adibideetako bat. Inork ezin lezake uka emakumearen presentzia dantza oinarri duten ekitaldi gehienetan. Baina emakumearen irudia bestelakoa da dantzak daukan garrantzia kontuan hartuz gero; hau da, dantzak sinbolikoki, herriko festetan edo herriko protokoloan daukan garrantzia baloratuz gero. Gipuzkoako hamaika herritan eman dituzte pausoak agertokian parekidetasuna lortzeko. Etzi, Oñatin, generoa gorabehera, dantzariz beteko dira kaleak, Corpus Christi festan.

Gorazarre lurreko ‘langostinoari’
2018-06-012018-05-31Albisteak, gipuzkoa, Gizartea

Gorazarre lurreko ‘langostinoari’

Rebeka Calvo
Piparmin Eguna izena du Ibarrako gaztetxeak herriko belaunaldiak elkartzeko antolatzen duen jaiak; Langostino izena du moto elkarteak; piparreroak esaten diete futbol taldeko partaideei; Urtezaharreko krosean beti azaltzen da piperren bat; Hauspoa kultur elkarteak piperraren bueltako azoka berezi bat antolatzen du irail inguruan; eta, horren barruan, Xepla elkarteak pintxo lehiaketa egiten du jaki preziatu horretan oinarrituta.

Joana Garmendia: “Ironia beti erabiltzen dugu atximur txiki bat egiteko”
2018-06-012018-05-31Albisteak, gipuzkoa, Gizartea

Joana Garmendia: “Ironia beti erabiltzen dugu atximur txiki bat egiteko”

Eider Goenaga Lizaso

Beste askok bezala, filosofiako doktoretza egiten hasi zenean zehaztu behar izan zuen ikerketa gaia Joana Garmendiak (Anoeta, 1978). Hizkuntzaren filosofia beti gustuko izan duela dio, eta horregatik erabaki zuela ironiaren azterketa egitea. Hainbat teoria daude ironiari buruz, baina tesian bere teoria propioa garatu zuen Garmendiak. Haren arabera, zerbait negatiboa esateko eta kritika egiteko erabiltzen da beti ironia.

Mendiak emandako bizipoza
2018-06-012018-05-31Albisteak, gipuzkoa, Kirola

Mendiak emandako bizipoza

Loinaz Agirre
Mendizaletasunak elkartuta, Goierriko 21 aurre-erretiratuk eta erretiratuk Goierriko Mendizale Beteranoak taldea sortu zuten, 2009an. Gaur egun, 92 mendizalek osatzen dute taldea: hemeretzi emakumezkok eta 73 gizonezkok.

Kalera aterako dute taberna
2018-06-012018-05-31Albisteak, gipuzkoa, Kultura

Kalera aterako dute taberna

Unai Zubeldia

Ez zuten zain egon nahi. "Eta horregatik antolatu genuen iaz Ez Dok tabernaren urteurren festa, proiektua gauzatu eta lau urte eskasera". Beinat Saban Eibarko Ez Dok tabernaren jabeetako batek azaldu duenez, hiru eguneko kontzertu jaialdia antolatu zuten orduan. "11 talderekin eta doan, gure tabernan bertan beti egin izan dugun moduan". Urteurren festa hura "zoramen txiki-handi bat" izan zela onartu du Sabanek. "Eta, hain zuzen ere, orduan hasi zen mamitzen Ez Dok Fest jaialdia". Ia oharkabean sortutako proiektua indartuta, hemezortzi talderen kontzertuak izango dira, gaur eta bihar, Unbe kirolgunean. Gaur, 19:00etan hasiko dira kontzertuak, eta, bihar, 17:00etan.

Erraldoien artean, bultza eta bultza
2018-06-012018-05-31Albisteak, gipuzkoa, Kirola

Erraldoien artean, bultza eta bultza

Unai Zubeldia

Ohiz kanpokoa". Patrick Polidori Hernani errugbi taldeko entrenatzailearen hitzetan, "goratzekoa" da kluba azken urteotan egiten ari den lana. "Erabat amateur mailakoak dira gure jokalariak, baina profesionalen pare lan egiten dute; zoragarria da. Oso zorrotza izaten naiz egunerokoan, eta erantzun egiten dute. Ezin diet eskatu gehiago". Hain zuzen ere, itzaleko lan horri esker jarraituko du Hernanik, beste denboraldi batez, Espainiako Ohorezko Mailan.

Landa eremuaren koska
2018-05-252018-05-24Albisteak, Ekonomia, gipuzkoa, Gizartea

Landa eremuaren koska

Eider Goenaga Lizaso

Intuizio bati jarraikiz" erabaki zuten Gipuzkoako Foru Aldundiko Berdintasunerako Zuzendaritzak eta Lurralde Orekarako Zuzendaritzak landa eremuan berdintasunari buruzko azterketa egitea. "Intuizioa baino gehiago zela esango nuke. Gazteekin-eta hitz egitean, neskek esaten ziguten herri txiki horretatik kanpo ikusten zutela euren etorkizuneko proiektua; eta mutilek, berriz, herrian bertan ikusten zuten euren burua etorkizunean ere", azaldu du Miren Elgarresta Berdintasun zuzendariak.