Albisteak

“Hau ez da kalitatezko zaintza”
2018-11-022018-11-02Albisteak, Asteko Gaiak, Ekonomia, gipuzkoa, Gizartea

“Hau ez da kalitatezko zaintza”

Eider Goenaga Lizaso

Honelakoa da gure lan egun baten hasiera. 08:00etan sartu, eta gaueko gertakarien partea ikusi ostean hasten gara lanean, 08:10ean. Dagokigun solairura igo, gela batera joan, atea jo, eta sartu egiten gara. 'Egun on! Zer moduz zaude?', pertsianak igo, erabiltzailea esnatu, oheko barra jaitsi, bainurako eserlekuan eseri, dutxatu, lehortu, azala hidratatu, jantzi, orraztu, bizarra egin behar bazaio bizarra egin, ordezko hortzak ipini, kolonia bota, eta gosaltzera eramaten dugu. 09:30ean gosariak hasi arte, sei bider egiten dugu gauza bera". Ana Sastrek hogei urte daramatza sektorean lanean; bere lantokian, Txara II egoitzan (Donostia), egunaren hasiera horrelakoa dela kontatu du.

Sindikatuek patronalaren jarrera aldaketa eskatu dute negoziatu ahal izateko
2018-11-022018-11-02gipuzkoa

Sindikatuek patronalaren jarrera aldaketa eskatu dute negoziatu ahal izateko

E. Goenaga Lizaso
Zahar etxeetako hitzarmen sektoriala, horixe dute mahai gainean zahar etxeetako patronalak eta sindikatuek. 2012aren amaieran agortu zen 2009an sinatutakoaren indarraldia, eta, ordutik ez dute izan sektoreko hitzarmenik. 2013-2016ko epealdian enpresa hitzarmenak sinatu zituzten zahar etxe batzuetan, baina horiek ere agortu ziren.

Emakumeak ostalari
2018-11-022018-11-02Albisteak, Ekonomia, gipuzkoa, Gizartea

Emakumeak ostalari

Kerman Garralda Zubimendi
Duela ehun urte, gaizki ikusia zegoen emakumeak taberna giroan ibiltzea. Baina, giro hain maskulino hartan, ezinbestekoa zen emakumeen lana. Besteen mesedetan egindako lana zen, itzalekoa.

Hotz egiten du izotz pistan
2018-11-022018-11-02Albisteak, gipuzkoa, Kirola

Hotz egiten du izotz pistan

Unai Zubeldia

Ezustekoa izan da, baina ez miraria. Goi mailako kirolean ez dago miraririk, urte askoan gogotik egindako lana baizik". Mikel Unanue eta Oihane Otaegi donostiarrak pozez zoratzen daude, oraindik, bi aste atzera Kelownan, Kanadan, Curlingeko Munduko Txapelketa Mistoan lortu zuten zilarrezko dominarekin —Leire Otaegi eta Sergio Vezekin osatu zuten taldea—. "Badakigu emaitza onen bat lortzean komunikabide guztiak deika hasten direla bat-batean". Eta hala gertatu da elkarrizketan bertan ere, telefono dei bati erantzun behar izan diolako Otaegik. "Ez da seinale txarra", ondorioztatu dute biek.

Mendea abereak haziz
2018-11-022018-11-02Albisteak, Ekonomia, gipuzkoa, Gizartea

Mendea abereak haziz

Mikel Iraola

Alejandro Goiak ez zuen ezagutu bere aitona Francisco Goia. Berehala izan zuen, ordea, haren lanaren berri, 7 urterekin hasi baitzen Legorretako Gurutzeta Txiki baserrian aitari eta osabari laguntzen.

Animalien salerosketan aritzen zen Francisco, eta, hura hil ostean, hark hasitako bideari jarraipena eman zioten Patxik Alejandroren aitak— eta Jose Ramonek osabak. Zaldiak, txekorrak eta esne behiak zituzten, gehienbat, eta, horiek hazteaz gain, baserriz baserri eta azokaz azoka ibiltzen ziren. Torrelavegaraino (Espainia) ere joaten omen ziren abereak erostera, Alejandrok gogoan duenez: "Oinez itzultzen ziren ganaduarekin. Bideko herrietan boluntarioak izaten ziren animalien garraioan laguntzeko. Egunetako bidaia izaten zen. Gainera, behiren bat bidean erditzen bazen-edo, gehiago atzeratzen zen itzulera".

Patricia del Rio: “Zesareaz jaiotako umeekin ere ‘azal-azal’ ukipena egiten dugu”
2018-11-022018-11-02Albisteak, gipuzkoa, Gizartea

Patricia del Rio: “Zesareaz jaiotako umeekin ere ‘azal-azal’ ukipena egiten dugu”

Eider Goenaga Lizaso

Debabarreneko ESIan pediatra da Patricia del Rio (Abadiño, Bizkaia, 1984), eta edoskitze naturalaren aldeko BPSO programaren arduraduna da, Maribel Lopez erizainarekin batera. Bikaintasun programarekin hainbat urte daramatzate Mendaron, eta duela bi urte edoskitzeari buruzko argazki lehiaketa antolatzen hasi ziren. Hirugarrena da aurten, eta azaroaren 10era arte aurkez daitezke argazkiak. "Sentsibilizatzeko eta mitoak hausteko modu bat" dela dio Del Riok.

Barruko artistari bultzada
2018-11-022018-11-02Albisteak, gipuzkoa, Kultura

Barruko artistari bultzada

Beñat Alberdi

Egingo banu", edo "ausartu izan banintz", edo... Askok idazten dituzte halakoak. Askotan, lehen urratsak eragiten du beldurrik handiena, eta horrek eragozten du abiaraztea. Ziurrenik, artista frustratu asko egongo da gizartean. Frustratuak, buruan ideia bat izan arren ez zutelako aurrera egin. Eta, nork daki, akaso gustura asko hartuko ziren haien lanak. Bide horretan, lehen pauso hori erraztu nahi izan dute Txatxilipurdi elkarteak eta Ttak gazte taldeak, Arrasaten. Horrela sortu dute Ausortu sormen laborategien egitasmoa, 15 eta 19 urte arteko gazteentzat. Lau alor landuko dituzte: arte plastikoak, ikus-entzunezkoak, arte eszenikoak eta musika.

2018-11-022018-11-02gipuzkoa

Egitaraua

Bi egunez, hainbat eta hainbat musika diziplina landuko dituzte Amua festibalean. Hondarribiko Itsas Etxea auditoriumean eta auditoriumeko atondoan eskainiko dituzte emanaldi gehienak. Uxoa tabernan izango dira gaur iluntzeko bi DJ emanaldiak, eta Psilocybenean bihar iluntzekoak —5 euro ordaindu beharko dira—. Gaur 11:00-14:00 eta 16:00-21:00. Musika Diskoaren Feriaren hasiera. 11:00. Alex Gasulla DJaren emanaldia (Cosmic Records)....

Hausnarketarako sortutakoa
2018-11-022018-11-02Albisteak, gipuzkoa, Kultura

Hausnarketarako sortutakoa

Unai Zubeldia
Azken urteotan musikaren alorra oso gogor astindu dute krisi ekonomikoak, erabaki politiko okerrek eta musika industriaren eta teknologia berrien eraldaketek". Ernesto Toledo Amua Hondarribiko Musika eta Disko Festibalaren antolatzailearen hitzetan, ez da samurra gaur egungo egoera.