Atzo hasi eta ekainaren 18ra arte Gora Herriak jaialdia egingo dute Pasai Donibanen. Irlanda izango da herrialde gonbidatua. Sinn Feineko parlamentari bat ere izango da.
Bonberenea Ekintzak 20 Urte ospakizun jaialdia egingo dute bihar Tolosako Bonberenea gaztetxean. 18:00etan hasita, hamalau musika talde eta hiru DJ igoko dira eszenatokira.
Donostiako Udalak ekainaren 25era arteko epea eman die ostalariei besteak beste aparkalekuetan dauden terrazak kentzeko. Hainbat herritan ordenantzak aldatzea erabaki dute.
Joan-etorriak errazteko, Smartmob proiektua jarri dute martxan Txingudiko udalerrietan: Irunen, Hondarribian eta Hendaian. Auto bidezko joan-etorriak gutxitzea da helburua.
2011n sortu zuten Bihotzez, Sortzetiko Kardiopatien Elkartea, Bizkaian, eta 2017tik Donostian dauka egoitza nagusia. Bi urteren ondoren, kardiopatiaren bat daukaten haurren familiek elkar ezagutzeko eta esperientziak trukatzeko topaketa egingo dute, bihar goizean, Donostian.
Tolosan VIII. Musikherria musika jaialdia izango dute bihar. Hogei musika taldek baino gehiagok parte hartuko dute. Herriko zenbait auzo eta kaletan izango dira emanaldiak
Igandean ere Zegamako irteeran izango da Urrestarazu, hemeretzigarren aldiz. Orain arteko aldi guztietan parte hartu duten sei lasterkarietako bat da. "Gozatzeko" aholkatu die lehen aldiz parte hartuko dutenei.
Maribel Pagolak 'Ezkiogakoa bizirik dago oraindik' liburua argitaratu berri du, duela ia 90 urte Ezkion gertatu omen zen Ama Birjinaren agerraldiari buruzkoa. Ezkio-Itsasoko Udalaren laguntza izan du.
Gazte Euskaltzaleen Sarea sortu dute, gazteen artean gero eta urriagoa delakoan euskararen aldeko "borroka antolatua". Diote euskararen aldeko lanak denen beharra duela oraindik, herririk euskaldunenetan ere "hautu politiko bat" egin behar baita. Bihar manifestazioa egingo dute, Donostian.
Gipuzkoako zahar etxeetako itunaren negoziazio mahaiko bilera izango da gaur. ELAk eta LABek "dagokion ardura" hartzeko eskatu diote aldundiari, eta proposamen bat patronalari.
