Kartzelan egon ondoren, presoek berriro gizarteratzeko daukaten eskubideari buruz aritu da Jon Mirena Landa Donostian, hitzaldi batean. EHUko katedradunak defendatu du kartzelako egonaldia gizarteratzeko baliatu beharko litzatekeela.

Aranzadi zientzia elkarteak hiru urteko ikerketa lana egin du Tolosaldean, Belabieta inguruko 1873ko bataila gogoratzeko. Zortzi panel jarri dituzte, eta ibilbide batzuk prestatu.

Falangista gutxi zeuden Gipuzkoan 36ko gerraren aurretik; gatazkak izan zituzten, ordea, beste familia politikoekin. Falangistek beste herrialde batzuetatik etorri behar izan zuten gudaren ondoren.

1993an hil zen Xabier Kalparsoro etakidea, Bilboko polizia etxe batean. Bertsio ofizialak dio leihotik salto egin zuela. Gertakariaren kontakizun propioa osatu dute Zumaiako webgune batean.

Gerrako umeak izandakoak bildu ditu Intxorta 1937 elkarteak Arrasaten, Children of '37 Association UK elkartearekin elkarlanean, haien bizipenak biltzeko.

Herri industrializatua izaki, Lasarte-Orian arlo maskulinotik kontatu izan dira gertaerak. Ihitten elkarteak emakumeei eman die orain ahotsa, 'Lasarte-Oria: istorio zumez egina' dokumentalarekin. Elkarteko kidea da Inge Mendioroz Ibañez.